ရန်ကုန်တိုင်းအတွင်း ဒေသပေါက်ဈေးနှင့် ညီညွတ်မှုမရှိသော အိမ်ခြံမြေတိုက်ခန်း ကာလတန်ဖိုး စိစစ်ခြင်း (ရာဖြတ်ဈေးသတ်မှတ်ခြင်း)များကို ယခုနှစ် မေလအတွင်း စိစစ်ကာ တိုင်းဒေသကြီးအစိုးရအဖွဲ့၏ ဆုံးဖြတ်ချက်ဖြင့် ပြန်လည်ပြင်ဆင် ပြဠာန်းပေးသွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီး ဦးမြင့်သောင်းက ဆိုသည်။
တိုင်းလွှတ်တော်တွင် လသာအမတ် ဦးဇော်နိုင်ဝင်းက ဒေသပေါက်ဈေးနှင့် မညီညွတ်ဘဲ ရာဖြတ်ဈေးသတ်မှတ်သဖြင့် ထိုဈေးပေါ်မူတည်ကာ ပေးဆောင်ရသည့် တံဆိပ်ခေါင်းခွန်၊ ဝင်ငွေခွန်များ ထမ်းဆောင်မှုကို သက်ရောက်သဖြင့် ထိုဈေးကို အခါအားလျော်စွာ ပြင်ဆင်သတ်မှတ်ပေးရန် မေးခွန်းထုတ်ရာ ဝန်ကြီးက ပြန်လည်ဖြေကြားခဲ့ခြင်းဖြစ်သည်။
ရန်ကုန်တိုင်းအစိုးရအဖွဲ့မှ မြို့နယ်အလိုက် အိမ်ခြံမြေဈေးနှုန်းများကို စိစစ်ခိုင်းသည့်အခါ မြို့နယ်အလိုက် အိမ်ခြံမြေများ၏ ကာလတန်ဖိုးများကို ဖြတ်ပေးပြီး အဆိုပါဈေးနှုန်းများကို အစိုးရအဖွဲ့မှ သက်ဆိုင်ရာ အဖွဲ့များဖြင့်စိစစ်ပြီး တန်ဖိုးကို သတ်မှတ်လေ့ရှိကြောင်း အိမ်ခြံမြေဝန်ဆောင်မှု အသင်း အထွေထွေအတွင်းရေးမှူးချုပ် ဒေါ်မို့မို့အောင်က ဆိုသည်။
'' အလုံးစုံကိုတော့ ကျွန်မတို့တင်ပြတဲ့အတိုင်း မသတ်မှတ်ပါဘူး၊ တစ်ခါတလေ ပိုမြှင့်ပြီးတော့ တန်ဖိုးဖြတ်တာရှိသလို တစ်ခါတလေ ပေးလိုက်တဲ့အတိုင်းပဲ တန်ဖိုးသတ်မှတ်လိုက်တာလည်း ရှိပါတယ်''ဟု ဒေါ်မို့မို့အောင်က ဆိုသည်။
ရန်ကုန်တိုင်း၏ မြို့နယ်အားလုံးတွင် အိမ်ခြံမြေအသင်းအဖွဲ့များ ဖွဲ့စည်းထားရှိပြီး အဆိုပါအဖွဲ့များမှ နောက်ဆုံး အရောင်းအဝယ်ဖြစ်ခဲ့သော ကာလပေါက်ဈေးနှုန်းများကို ဖြတ်ပေးကြကြောင်း၊ ကာလပေါက်ဈေးနှုန်းများကို တစ်နှစ်တစ်ကြိမ်သာဖြတ်လေ့ရှိပြီး အပြောင်းအလဲဖြစ်လျှင်လည်း သတ်မှတ်နှုန်းအတိုင်းသာ အခွန်ကောက်ကြောင်း ၄င်းက ဆိုသည်။
Credit: The Myanmar Times
![[ပရလောက ဖြစ်ရပ်ထူး] ဂါနာနိုင်ငံတွင် ကက်သလစ် သီလရှင်တစ်ပါးက ဆေးရုံတစ်ခု၏ ရင်ခွဲရုံရှိ သေဆုံးသွားသူများအား ဈာပနကိစ္စအတွက်](https://imh-images-prod.s3.ap-southeast-1.amazonaws.com/pictures/news/dr5b5kh/1147841-0877415001748325664-02.png)
