စင်္ကာပူလူနေအိမ်ဈေးကွက်တွင် ဝယ်လက်များ၏ စိတ်ဝင်စားမှု အားကောင်းနေ
သော်လည်း အဆင့်မြင့်လူနေအိမ်များတွင် နေထိုင်ကြမှုနှုန်းမှာ ယခုနှစ်ပထမ
သုံးလပတ်အတွင်း ၈၈ ဒသမ ၄ ရာခိုင်နှုန်းသို့ ၀ ဒသမ ၄ ရာခိုင်နှုန်း
ကျဆင်းခဲ့ကြောင်း စင်္ကာပူ၏ တတိယအကြီးဆုံးအိမ်ခြံမြေအကျိုးဆောင်ကုမ္ပဏီ
OrangeTee & Tie က ထုတ်ပြန်ခဲ့သည်။
အထွေထွေလူနေအိမ်ဈေးကွက်တွင် နေထိုင်ကြမှုနှုန်းမှာမူ ယခုနှစ်ပထမ
သုံးလပတ်အတွင်း ၉၂ ဒသမ ၆ ရာခိုင်နှုန်းသို့ ၀ ဒသမ ၄ ရာခိုင်နှုန်း
မြင့်တက်ခဲ့သည်။ ယင်းမတိုင်မီသုံးလပတ်က ၉၂ ဒသမ ၂ ရာခိုင်နှုန်း ရှိခဲ့သည်။
အလယ်အလတ်တန်းစား နေအိမ်များတွင် နေထိုင်ကြမှုနှုန်းသည်လည်း ၉၁ ဒသမ
၇ ရာခိုင်နှုန်းသို့ မြင့်တက်ခဲ့ကြောင်း သိရသည်။
နေထိုင်ကြမှုနှုန်းမြင့်မားမှုအား ထိုသုံးသပ်ကာလအတွင်း ပုဂ္ဂလိကလူနေအိမ်
ဈေးကွက် အရောင်းအဝယ် ဆက်လက်တက်ရိပ်ရှိနိုင်ခြေကို ညွှန်ပြသည့်
အချက်တစ်ချက်အဖြစ် OrangeTee & Tie ၏ သုတေသနအကြီးအကဲ
ခရစ္စတင်းဆန်းက ယူဆသည်။
အထူးသဖြင့် Core Central Region တွင် တည်ရှိသည့် စီမံကိန်းအများအပြား
သည် ယခုနှစ်အတွင်း ၎င်းတို့၏ ရောင်းမထွက်သေးဘဲ ကျန်ရှိနေသေးသော
အခန်းများ၏ ဈေးနှုန်းများကို တိုးမြှင့်လာကြသည်။ အဘယ်ကြောင့်ဆိုသော်
တည်ဆောက်ပြီးစီးပြီးသား နေအိမ် ရောင်းလိုအားသည် နည်းပါးနေဆဲဖြစ်ပြီး
developer (မြေယာဝယ်ယူ၍ အဆောက်အအုံဆောက်လုပ်ရောင်းချရေးကုမ္ပဏီ)
၏ လက်ရှိစတော့ခ်ရှယ်ယာများက ဆက်လက်ယုတ်လျော့နေသဖြင့် ဖြစ်သည်။
ထို့ကြောင့် ယင်းသို့သောကာလတွင် တစ်ဦးချင်းပြန်လည်ရောင်းချသူများကလည်း
ခေါ်ဈေးများ တိုးမြှင့်လာကြကြောင်း ဆန်းက ပြောကြားချက်အရ သိရသည်။
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
