မြစ်ကြီးနား စီးပွားဖွံ့ဖြိုးရေးဇုန်စီမံကိန်း ပြည်နယ်အစိုးရနှင့် တရုတ်နိုင်ငံ ရင်းနှီးမြှုပ်နှံမှုကုမ္ပဏီတို့ လက်မှတ်ရေးထိုး

ကချင်ပြည်နယ် အစိုးရအဖွဲ့နှင့် တရုတ်ပြည်သူ့ သမ္မတနိုင်ငံ ယူနန်-ထိန်ချုံး-ဟိန်ရုန် ရင်းနှီးမြှုပ်နှံမှု ကုမ္ပဏီလီမိတက်တို့အကြား မြစ်ကြီးနား စီးပွား ဖွံ့ဖြိုးရေးဇုန်စီမံကိန်း တည်ဆောက်ရေးအတွက် နားလည်မှုစာချွန်လွှာ လက်မှတ်ရေးထိုးပွဲကို ပြုလုပ်ခဲ့ကြောင်း သိရသည်။

အဆိုပါ လက်မှတ်ရေးထိုးပွဲကို ယနေ့နံနက် ၁ဝ နာရီတွင် မြစ်ကြီးနားမြို့ ပြည်နယ်အစိုးရ အဖွဲ့ရုံး မလိခခန်းမ၌ ကချင်ပြည်နယ်အစိုးရအဖွဲ့ ညွှန်ကြားရေးမှူး၊ ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီးနှင့် ရင်းနှီးမြှုပ်နှံမှုကုမ္ပဏီ၊ ပေါင်စန်းပြည်နယ်ခွဲ ပြည်သူ့အစိုးရ ဒုတိယ မြို့တော်ဝန်တို့က လက်မှတ်ရေးထိုးခဲ့ခြင်းဖြစ်သည်။

''ဒီနေ့ကတော့ နားလည်မှုစာချွန်လွှာ လက်မှတ်ရေးထိုးတဲ့နေ့ပါ။ အဲဒီကနေတစ်ဆင့်MOA...JVA တစ်ဆင့်ချင်းဆက်ပြီး နှစ်ဖက်နိုင်ငံက တာဝန်ရှိပုဂ္ဂိုလ်တွေနဲ့ အသေးစိတ်ညှိနှိုင်းပြီးတော့မှ ကျွန်တော်တို့ JVA စာချုပ်ချုပ်ဆိုနိုင်တဲ့အထိ ဆက်လက်ဆွေးနွေးရမှာ ဖြစ်ပါတယ်။ တည်ဆောက်ရေးကာလကိုတော့JVA ချုပ်ဆိုပြီး နောက်ပိုင်းမှ လုပ်မှာပါ။ မတည်ဆောက်ခင်မှာတော့ ဆောင်ရွက်မယ့် လုပ်ငန်းတွေကို ပြည်သူကို ချပြ မှာပါ''ဟု ပြည်နယ် ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီး ဦးဝေလင်းက ပြောသည်။

အဆိုပါ မြစ်ကြီးနား စီးပွားဖွံ့ဖြိုးရေးဇုန် စီမံကိန်းကို မြစ်ကြီးနားမြို့နယ် နန်ကျင်ကျေးရွာ အုပ်စုအတွင်းရှိ မြေဧက ၄၇ဝဝ ကို အသုံးပြုသွား မည်ဖြစ်ပြီး စက်မှုဇုန်သီးသန့်မဟုတ်ဘဲ လူနေ ရပ်ဝန်းများ၊ ဆေးရုံများ၊ ကျောင်းများ၊ စူပါမားကက် များ၊ သယ်ယူပို့ဆောင်ရေးအတွက် ဟိုက်ဝေးလမ်း များနှင့် ရထားလမ်းများ တည်ဆောက်သွားမည် ဖြစ်ကြောင်း သိရသည်။

''မြစ်ကြီးနား စီးပွားဖွံ့ဖြိုးရေးဇုန် စီမံကိန်း တည်ဆောက်ပြီးရင်တော့ မြစ်ကြီးနားမြို့သစ် ပုံစံမျိုး ဖြစ်သွားမှာပါ။ အကောင်အထည်ဖော်ဖို့ကတော့ တော်တော်လေးလှမ်းပါသေးတယ်။ ငွေရေး ကြေးရေးက ခန့်မှန်းလို့တော့ မရသေးဘူး။တော်တော်များမယ်''ဟု ယူနန်-ထိန်ချုံး-ဟိန်ရုန် ရင်းနှီးမြှုပ်နှံမှု ကုမ္ပဏီလီမိတက်မှ မြစ်ကြီးနားမြို့ ဒုတိယတာဝန်ခံ ဦးအောင်ဌေးလွင်က ပြောသည်။

ကချင်ပြည်နယ်အစိုးရအဖွဲ့ ညွှန်ကြားရေးမှူး ဦးဇော်မျိုးညွန့်နှင့် ယူနန်-ထိန်ချုံး-ဟိန်ရုန် ရင်းနှီး မြှုပ်နှံမှု ကုမ္ပဏီလီမိတက်မှ မန်နေဂျင်းဒါရိုက်တာ မစ္စတာ တွမ်ကြည်ဂွေ့၊ ဘဏ္ဍာ၊ အခွန်၊ စီမံကိန်းနှင့် စီးပွားရေးဝန်ကြီး ဦးဝေလင်းနှင့် ပေါင်စန်း ပြည်နယ်ခွဲ ပြည်သူ့အစိုးရ ဒုတိယမြို့တော်ဝန် မစ္စတာ ဒူချွမ်းချန်တို့က နားလည်မှုစာချွန်လွှာ လက်မှတ်ရေးထိုးခဲ့ပြီး အခမ်းအနားကို ဖိတ်ကြား ထားသည့် ဧည့်သည်များ စုစုပေါင်း ၅ဝ ကျော် တက်ရောက်ခဲ့ကြကြောင်း သိရသည်။

Credit: The Mirror