ချေးငွေအတိုးနှုန်းပေးရန် ပျက်ကွက်မှုအပေါ် ဘဏ်အချို့ ဒဏ်ကြေး စတင်ကောက်ခံ

ချေးငွေအတိုးပေးရန် ပျက်ကွက်မှုအပေါ် ပြည်တွင်းရှိ ပုဂ္ဂလိကဘဏ်နှစ်ခုက ယခုလမှစ၍ ဒဏ်ကြေးများကောက်ခံရန် ကြေညာစာများ ထုတ်ပြန်ခဲ့ကြောင်း စီးပွားရေးလုပ်ငန်းရှင်များထံမှ သိရသည်။

ယခင်က အတိုးနှုန်းပျက်ကွက်မှု ဖြစ်ပေါ်ပါက အတိုးနှုန်း ၁၃ ရာခိုင်နှုန်းဖြင့်သာ လအလိုက် ကောက်ခံနေခြင်းဖြစ်ပြီး ယခုအချိန်တွင် ယင်းကဲ့သို့ ဒဏ်ကြေးကောက်ခံပါက ပေါင်ထားသည့်ပစ္စည်းများကို အဆုံးခံကာ အကြွေးဆုံးမှုများ ဖြစ်ပေါ်လာနိုင်ကြောင်း ပို့ကုန်သွင်းကုန်လုပ်ငန်းရှင် ဒေါက်တာစိုးထွန်းက ပြောကြားသည်။

“ဘဏ်တွေက အတိုးပျက်ကွက်မှုအတွက်လည်း ဒဏ်ကြေးကောက်မယ်။ အရင်းပျက်ကွက်မှုအတွက်လည်း ဒဏ်ကြေးကောက်မယ်။ လက်ရှိစီးပွားရေး အနေအထားအရ အခုချိန်မှာ ပြန်ဆပ်ရမယ်ဆိုတာက မလွယ်ဘူး။ ဒါကို ဗဟိုဘဏ်က ခွင့်ပြုထားတာလားဆိုတာလည်း မေးခွန်းထုတ်ရမယ်။ ဘဏ်နဲ့ ဗဟိုဘဏ်တွေ ညှိနှိုင်းပြီးမှလုပ်သင့်တယ်။ အခုက အတိုးထက် ဒဏ်ကြေးက များနေတယ်”ဟု ၎င်းက ဆိုသည်။

ယခုလမှစတင်၍ အတိုးနှင့်အရင်း ပြန်ဆပ်ရန် ပျက်ကွက်မှုများအပေါ် ဒဏ်ကြေးစတင်ကောက်ခံရန် ဧရာဝတီဘဏ်နှင့် ရိုးမဘဏ်တို့က ကြေညာစာများ ထုတ်ပြန်ထားကြောင်း ၎င်းက ပြောဆိုသည်။

စာရင်းပိုထုတ်ချေးငွေများ၊ သာမန်ချေးငွေနှင့် အသေးစားအလတ်စား ချေးငွေများ သက်တမ်းရှိသည်ဖြစ်စေ သက်တမ်းကုန်ဆုံးသည်ဖြစ်စေ အတိုးပျက်ကွက်ပါက တစ်လလျှင် ၂ ရာခိုင်နှုန်းဖြင့်ရက် အလိုက်တွက်ချက်၍ လည်းကောင်း၊ ချေးငွေပြန်လည်ဆပ်ရန် ပျက်ကွက်ပါက တစ်နှစ်လျှင် ၂ ရာခိုင်နှုန်းဖြင့် ဒဏ်ကြေးကောက်ခံမည်ဖြစ်ကြောင်း ဧရာဝတီဘဏ်က ထုတ်ပြန်ထားသည်။

အလားတူ ရိုးမဘဏ်ကလည်း အတိုးနှင့်အရင်း ပြန်ဆပ်မှုပျက်ကွက်ပါက ဒဏ်ကြေးအဖြစ် ရက်ပေါင်း ၃၀ အတွက် ၃ ရာခိုင်နှုန်း၊ ရက်ပေါင်း ၁၈၀ အထက်ကို ၂၅ ရာခိုင်နှုန်းဖြင့်ကောက်ခံသွားမည်ဖြစ်ကြောင်း ထုတ်ပြန်ထားသည်။

“ဒီလိုမျိုး ဒဏ်ကြေးကောက်ခံတယ်ဆိုတာက ဟိုးအရင်တည်းက ကောက်ခံခဲ့တာ။ ဗဟိုဘဏ်ကလည်း ခွင့်ပြုထားပြီးသား။ နိုင်ငံတကာမှာလည်း ပျက်ကွက်ကြေး ကောက်ခံတယ်ဆိုတာ ရှိတာပဲ”ဟု ဧရာဝတီဘဏ်မှ အကြီးတန်း အရာရှိတစ်ဦးက ရှင်းလင်းပြောကြားသည်။

ဘဏ်များတွင် အတိုးနှင့်အရင်းပါ ပြန်မဆပ်နိုင်သည့် အနေအထားမှာ များပြားနေသည့်အတွက် နှစ်ချင်းဆပ်ချေးငွေမှ သုံးနှစ်သက်တမ်းရှိသည့် စာရင်းပိုထုတ် ချေးငွေများအဖြစ် ပြောင်းလဲခဲ့ပြီး သုံးနှစ်အတွင်း အရင်းပြန်ရရန် မြန်မာနိုင်ငံတော် ဗဟိုဘဏ်က ပုဂ္ဂလိကဘဏ်များသို့ ညွှန်ကြားထားကြောင်း ဘဏ်လောက အသိုင်းအဝိုင်းထံမှ သိရသည်။

“ဒဏ်ကြေးကိစ္စလုပ်လိုက်ရင် ရသလောက်အတိုးပြန်ဆပ်တဲ့ လုပ်ငန်းရှင်တွေအတွက်လည်း ပိုဆိုးသွားနိုင်တယ်။ လုပ်ငန်းရှင်တွေက အပေါင်ပစ္စည်း ထိုးအပ်လိုက်ရုံပဲရှိတယ်။ အခု အကြွေး ဆပ်နေတဲ့ပုံစံက သုံးလတစ်ခါ အတိုးပေးရတယ်။ အရင်းကတော့ တစ်နှစ်တစ်ခါ ခွဲဆပ်ရတယ်”ဟု Syatem Engineering ကုမ္ပဏီပိုင်ရှင် ဦးကျော်ကျော်စိုးက ပြောကြားသည်။

Credit: The Voice