မန္တလေးတိုင်းအတွင်း တာဝန်ထမ်း ဆောင်နေသော ဝန်ထမ်းများအတွက် ကျပ်သန်း ၃၇၀၀ ကျော် အကုန်အကျခံကာ ဝန်ထမ်းအိမ်ရာများတည်ဆောက်နေပြီ ဖြစ်ကြောင်း မန္တလေးတိုင်း မြို့ပြနှင့်အိမ်ရာ ဖွံ့ဖြိုးရေးဦးစီးဌာန ညွှန်ကြားရေးမှူး ဦးသက်နိုင်က ပြောကြားသည်။
အဆိုပါအိမ်ရာများကို မန္တလေးတိုင်းအတွင်းရှိ မြို့နယ်ရှစ်ခုတွင် တည်ဆောက်နေခြင်းဖြစ်ပြီး အခန်းပေါင်း ၂၄၀ ကျော်ရှိကာ ကျပ်သန်း ၃၇၈၈ ဖြင့် ဧပြီလကစ၍ တည်ဆောက်နေခြင်းဖြစ်သည်ဟု ၎င်းက ပြောဆိုသည်။
“တိုင်းဒေသကြီးအစိုးရအဖွဲ့ ခွင့်ပြုရန်ပုံငွေနဲ့ ဧပြီလကုန်ပိုင်းက စဆောက်တာ။ စက်တင်ဘာလထဲ အပြီးဆောက်မယ်”ဟု ညွန်ကြားရေးမှူးက ရှင်းပြသည်။
မန္တလေးတိုင်းတွင် အစိုးရဌာန အသီးသီး၌ တာဝန် ထမ်းဆောင်နေသော ဝန်ထမ်းပေါင်း ၅၆၀၀၀ ကျော်ရှိသော်လည်း လူတစ်ရာလျှင် လေးဦးကိုသာ နေရာစီစဉ်ပေးနိုင်သေးကြောင်း၊ ယင်းကြောင့် မန္တလေးတိုင်းအတွင်း တာဝန်ထမ်းဆောင်ဆဲ ဝန်ထမ်းများ နေထိုင်ရေး အဆင်ပြေစေရန် ဝန်ထမ်းအိမ်ရာများ
စီစဉ်ရခြင်းဖြစ်ကြောင်း ၎င်းက ထပ်မံ ပြောကြားသည်။
အဆိုပါဝန်ထမ်းအိမ်ရာများကို မြင်းခြံ၊ မိတ္ထီလာ၊ သာစည်၊ ရမည်းသင်း၊ ကျောက်ပန်းတောင်း၊ မလှိုင်၊ မိုးကုတ်နှင့် ညောင်ဦးမြို့နယ်တို့တွင် တည်ဆောက်နေခြင်းဖြစ်ကာ အိမ်ရာစုစုပေါင်း ၁၈ လုံး တည်ဆောက်ပေးမည်ဖြစ်ကြောင်း၊ လက်ရှိတွင် ဝန်ထမ်းအိမ်ခန်းယူနစ်ပေါင်း ၂၇၀၀ ကျော် တည်ဆောက်ပေးခဲ့ပြီးဖြစ်ကြောင်း မန္တလေးတိုင်း မြို့ပြနှင့်အိမ်ရာ ဖွံ့ဖြိုးရေး ဦးစီးဌာန စာရင်များအရ သိရသည်။
Credit: The Voice
