ကမ္ဘာကျော်သူဌေးကြီး ဒေးဗစ်ရော့ခ်ဖဲလား၏ နယူးယောက်စံအိမ်ကြီးကို မူရင်းခေါ်ဈေးအောက် ကန်ဒေါ်လာ ၁၂ သန်းခွဲခန့် နည်းပါးသောဈေးနှုန်းဖြင့် အမည်မဖော်သည့်ဝယ်လက်တစ်ဦးက ဝယ်ယူ

ကမ္ဘာကျော်သူဌေးကြီး ဒေးဗစ်ရော့ခ်ဖဲလားပိုင်ဆိုင်ခဲ့သော နယူးယောက်စံအိမ်ကြီးကို မူရင်းခေါ်ဈေးအောက် ကန်ဒေါ်လာ ၁၂ ဒသမ ၅ သန်းခန့် နည်းပါးသောဈေးနှုန်းဖြင့် အမည်မဖော်သည့်ဝယ်လက်တစ်ဦးက ဝယ်ယူသွားကြောင်း နယူးယောက်အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ကွယ်လွန်သွားပြီဖြစ်သော ဘဏ်လုပ်ငန်းရှင်၊ ပရဟိတသမား ဒေးဗစ် ရော့ခ်ဖဲလားပိုင်ဆိုင်သော နယူးယောက်မြို့၊ မန်ဟက်တန်ဒေသ၊ Upper East Side အရပ်ရှိ စံအိမ်ကြီးကို ကန်ဒေါ်လာ သန်း ၂၀ ဖြင့် အရောင်းအဝယ်ဖြစ်သွားခြင်းဖြစ်ပြီး စတင်ဈေးခေါ်ခဲ့သည့် ဈေးနှုန်းအောက် ၁၂ ဒသမ ၅ သန်းအထိ နည်းပါးသည့် ဈေးနှုန်းလည်း ဖြစ်သည်။

Upper East Side သည် မန်ဟက်တန်တွင် တည်ရှိပြီး ပဉ္စမရိပ်သာလမ်းနှင့် ၅၉ လမ်းအကြားတွင် တည်ရှိသည်။

ဝယ်လက်သည် မျက်နှာစာ ပေ ၄၀ ရှိစံအိမ်ကြီးကို ဝယ်ယူရာတွင် Wells Fargo ဘဏ်ထံမှ ချေးငွေ ကန်ဒေါ်လာ ၁၀ သန်းရယူကာ ဝယ်ယူခဲ့ခြင်းဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။

Wells Fargo သည် ကယ်လီဖိုးနီးယားပြည်နယ်၊ ဆန်ဖရန်စစ္စကိုတွင် အခြေစိုက်သည့် ဘဏ္ဍာရေးကုမ္ပဏီတစ်ခု ဖြစ်သည်။

အဆိုပါနေအိမ်ကို ရော့ခ်ဖဲလား ၁၀၁ နှစ်တွင် ကွယ်လွန်သွားပြီးနောက် ပြီးခဲ့သည့် ၂၀၁၇ ခုနှစ်အတွင်း အရောင်းဈေးကွက်တင်ခဲ့ခြင်း ဖြစ်သည်။
နောက်ဆုံးခေါ်ခဲ့သည့်ခေါ်ဈေးမှာ ကန်ဒေါ်လာ ၂၇ သန်း ဖြစ်သည်။

နေအိမ်အကျယ်အဝန်းမှာ စတုရန်းပေ ၉၇၇၇ ရှိပြီး ၄ ထပ်အဆောက်အအုံဖြစ်ကာ အိပ်ခန်း ၈ ခန်း၊ မီးလင်းဖို ၈ ခု၊ စတုတ္ထထပ်တွင် ကောင်းကင်အလင်းရရှိရန် စီမံထားသည့်အပြင် အပူချိန်ထိန်းညှိစနစ်ပါသည့် ဝိုင်သိုလှောင်ခန်းတစ်ခုလည်း ပါဝင်သည်။

ခြံဝန်းအတွင်းရှိ ပန်းဥယျာဉ်မှာ စတုရန်းပေ ၃၀၀၀ ခန့်ကျယ်ဝန်းသည်။

အရောင်းဈေးကွက်တင်ခဲ့သည်မှာ BHS ကုမ္ပဏီမှ မာရီ ရူသာဖာ့ထ်၊ ပေါလာ ဒဲလ် နန်ဇီယိုနှင့် လက်စ်လီ ကိုးလ်မန်းတို့ ဖြစ်ကြသည်။

၁၉၂၄ ခုနှစ်တွင် ဆောက်လုပ်ခဲ့ခြင်းဖြစ်ပြီး ပက်ဂီနှင့် ဒေးဗစ် ရော့ခ်ဖဲလားတို့က ၁၉၄၈ ခုနှစ်တွင် ဝယ်ယူခဲ့သည်။

ပက်ဂီသည် အဆိုပါနေအိမ်တွင် ကွယ်လွန်ချိန် ၁၉၉၆ ခုနှစ်အထိ နေထိုင်သွားခဲ့သည်။

ဒေးဗစ်ရော့ခ်ဖဲလားသည် ဂျွန်ဒီ-ရော့ခ်ဖဲလား၏ မြေးဖြစ်ပြီး Chase Manhattan Corporation ၏ ဥက္ကဌနှင့် အမှုဆောင်အရာရှိချုပ်အဖြစ် တာဝန်ယူခဲ့သူ ဖြစ်သည်။

Chase Manhattan Corporation သည် JPMorgan Chase Bank ဟုခေါ်သော Chase Bank ကို လုပ်ကိုင်ခဲ့ပြီး နယူးယောက်မြို့၊ မန်ဟက်တန်အရပ်တွင် ရုံးစိုက်သည်။

၂၀၁၆ ခုနှစ်အချက်အလက်များအရ Chase Bank ၏ ပိုင်ဆိုင်မှုအရပ်ရပ်မှာ ကန်ဒေါ်လာ ၂ ဒသမ ၀၈၃ ထရီလီယံရှိပြီး ၂၀၁၆ ခုနှစ် အသားတင်ဝင်ငွေမှာ ကန်ဒေါ်လာ ၁၉ ဒသမ ၃၇၂ ဘီလီယံရှိသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)