ရေတံခွန်များကို iPhone ဖြင့် ဖွင့်ပိတ်ထိန်းချုပ်နိုင်သော ၅၇ ဧကခြံဝန်းကြီးနှင့် ရဲတိုက်ကြီးကို ကမ္ဘာပေါ်တွင် အမြင့်မားဆုံး စံချိန်တင် ဈေးဖြင့် အရောင်းအဝယ်ဖြစ်ခဲ့သည်မှာ ကာလကြာမြင့်ခဲ့ပြီးဖြစ်သော်လည်း မည်သူဝယ်ယူသွားသည်ကို မသိရှိခဲ့ကြဘဲ ယခုအခါတွင်မူ ဝယ်ယူသွားသူမှာ ဆော်ဒီမင်းသားဖြစ်ကြောင်း လျှို့ဝှက်ချက်ပေါ်ပေါက်လာသည်ဟု အရှေ့အလယ်ပိုင်းအခြေစိုက် အိမ်ခြံမြေသတင်း ဝက်ဘ်ဆိုက်တစ်ခုတွင် ဖော်ပြသည်။
လူဝီ-၁၆ (Chateau Louis XIV) ဟု အမည်ပေးထားသည့် အဆိုပါရဲတိုက်ကြီးတွင် အိုင်ဖုန်းဖြင့် ထိန်းချုပ်နိုင်သည့် ရေတံခွန်များ ပါဝင်ပြီး ကမ္ဘာ့ဈေးအကြီးဆုံး အိမ်ခြံမြေအဖြစ် စံချိန်တင်သွားသည်။
ကမ္ဘာ့ဈေးအကြီးဆုံးရဲတိုက်ကြီး၏ ပိုင်ရှင်မှာ ဆော်ဒီမင်းသား မိုဟာမက် ဘင် ဆယ်လ်မန်ဖြစ်ကြောင်း နယူးယောက်တိုင်းမ် သတင်းတစ်ရပ်တွင်လည်း ဖော်ပြသည်။
ပြင်သစ်နိုင်ငံ၏ မြို့တော် ပဲရစ်မြို့အနောက်ဘက်တွင် တည်ရှိပြီး ကန်ဒေါ်လာ သန်း ၃၀၀ (ယူရို ၂၇၅ သန်း) ဖြင့် အရောင်းအဝယ်ဖြစ်ခဲ့ခြင်း ဖြစ်သည်။
မင်းသား ဆယ်လ်မန်သည် ဆော်ဒီတွင် အကျင့်ဖျက်ခြစားမှုတိုက်ဖျက်ရေးလုပ်ငန်းများ အရှိန်ဟုန်မြှင့် လုပ်ဆောင်နေသူတစ်ဦးလည်း ဖြစ်သည်။
၂၀၁၅ ခုနှစ်အတွင်းက အရောင်းအဝယ်ဖြစ်ခဲ့ပြီး ထိုစဉ်ကမူ ဝယ်လက်မည်သူဖြစ်သည်ကို အထူးလျှို့ဝှက်ထားခဲ့သည်။
ယခုအခါတွင်မူ ရဲတိုက်ကြီး၏ ပင်ရင်းပိုင်ရှင်မှာ မင်းသားဆယ်လ်မန်ဖြစ်ကြောင်း ဆော်ဒီတော်ဝင်မိသားစုက အတည်ပြုလိုက်သည်ဟု တိုင်းမဂ္ဂဇင်းတွင်လည်း ဖော်ပြသည်။
ပြင်သစ်စုံစမ်းဖော်ထုတ်ထောက်လှမ်းသည့် ဝက်ဘ်ဆိုက်တစ်ခုဖြစ်သော Mediapart က ရဲတိုက်ကြီး၏ ပိုင်ရှင်မှာ မင်းသားဆယ်လ်မန်ဖြစ်ကြောင်း ပြီးခဲ့သည့် ၂၀၁၇ ခုနှစ်၊ ဇူလိုင်လကတည်းက ဖော်ထုတ်ရေးသားခဲ့ဖူးသော်လည်း ထိုစဉ်ကမူ ဆော်ဒီအာဏာပိုင်တို့က ငြင်းချက်ထုတ်ခဲ့သည်။
ပြင်ပသွင်ပြင်တွင် ၁၇ ရာစု၏ ခေတ်ဟောင်းဟန်ရှိနေပြီး ဗာဆိုင်းနန်းတော်အနီးတွင် တည်ရှိသည်။
ဆော်ဒီ developer တို့က ယခုရဲတိုက်နေရာတွင် တည်ရှိခဲ့သည့် ၁၉ ရာစုနှစ် အဆောက်အအုံဟောင်းကို ဖြိုချကာ အသစ်ပြန်လည်ဆောက်လုပ်ခဲ့ခြင်း ဖြစ်သည်။
ရှေးဟောင်းမျက်နှာစာ၏ နောက်ဘက် အတွင်းပိုင်းတွင်ကား ခေတ်မီမြင်ကွင်းတို့ဖြင့် ထည်ဝါနေကာ ရုပ်ရှင်ရုံ၊ ရေကူးကန်၊ ကျုံးတို့ ပါဝင်သည်။
ကျုံးရေပြင်အောက်တွင် မှန်လုံရေအောက်ခန်း ထည့်သွင်းဆောက်လုပ်ထားရာ လာရောက်လည်ပတ်သူများအနေဖြင့် ရေအောက်မှန်လုံခန်းတွင်းမှတဆင့် ဂျပန် koi carp ငါးများ ကူးသန်းသွားလာနေကြမှုကို ရင်သပ်ရှုမောစွာ ကြည့်ရှုခံစားနိုင်သည်။
ခြံဝန်းအကျယ်မှာ ၅၇ ဧကရှိပြီး ဂရုတစိုက်မွမ်းမံထားသည့် ပန်းဥယျာဉ်များ၊ ကြီးမားသည့်ရေတံခွန်ကြီးများ ပါဝင်ကာ နေအိမ်အတွင်းရှိ မျက်နှာကြက်များမှာလည်း ရွှေရောင်လွှမ်းသည့်မျက်နှာကြက်များ၊ ဆေးရေးမျက်နှာကြက်များ အနှံ့အပြားတွေ့ရသည်။
Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)
![[ပရလောက ဖြစ်ရပ်ထူး] ဂါနာနိုင်ငံတွင် ကက်သလစ် သီလရှင်တစ်ပါးက ဆေးရုံတစ်ခု၏ ရင်ခွဲရုံရှိ သေဆုံးသွားသူများအား ဈာပနကိစ္စအတွက်](https://imh-images-prod.s3.ap-southeast-1.amazonaws.com/pictures/news/dr5b5kh/1147841-0877415001748325664-02.png)
