ယခုနှစ်မှစတင်ကာ ရန်ကုန်မြစ်၏အနောက်ဘက်ကမ်းဒေသတစ်ခုလုံးအား
ဖွံ့ဖြိုးတိုးတက်ရေးလုပ်ဆောင်သွားမည်ဖြစ်ကြောင်း ရန်ကုန်တိုင်းဒေသကြီး
ဝန်ကြီးချုပ် က မတ်လအတွင်းပြောကြားခဲ့ပြီး ထိုကဲ့သို့ပြောကြားခဲ့ခြင်းကြောင့် အဆိုပါဒေသများတွင် အိမ် ခြံ မြေ ဈေးကွက်မှာ ဦးမော့လာဖွယ်ရှိကြောင်း
အိမ် ခြံ မြေ အကျိုးဆောင်များက ပြောဆိုသည်။
ထိုကဲ့သို့ စီမံကိန်းဧရိယာများဖော်ဆောင်ပါက အရေးကြီးသည်မှာ မြေနေရာပင်ဖြစ်ကြောင်း ၊ မြေနေရာလိုအပ်ချက်များအပြင်စီမံကိန်းအပြီး ဒေသဖွံ့ဖြိုးတိုးတက်မှုများရှိလာပါက အိမ် ခြံ မြေ ဈေးကွက်အတွက်လည်း ကောင်းမွန်လာမည်ဖြစ်ကြောင်း ၊ ယခင်ကာလများအတွင်းကလည်း မြို့သစ်အပါအ၀င်
စီမံကိန်းဧရိယာများဖော်ဆာင်မည်ဆိုပါက အဆိုပါနေရာများတွင်ဈေးကွက်ဖြစ်ထွန်းလေ့ရှိကြောင်း ရန်ကုန်တိုင်းဒေသကြီးအိမ် ခြံ မြေ၀န်ဆောင်မှုလုပ်ငန်းရှင်များအသင်းမှ တာဝန်ရှိသူတစ်ဦးကပြောသည်။
" မြန်မာနိုင်ငံမှာ အိမ်ခြံမြေလုပ်ငန်းအတွက် ရင်းနှီးမြှုပ်နှံမှုလုပ်လိုသူတွေ များစွာရှိပါတယ်။ အိမ်ခန်းတွေလိုချင်တဲ့သူတွေ ရာနဲ့ချီ ထောင်နဲ့ချီ သိန်းနဲ့ချီပြီး ရှိနေပါတယ်။ ရာနဲ့ချီဆိုတာ အဆင့်မြင့်အိမ်ရာမှာ နေထိုင်လိုသူတွေရှိနိုင်ပါတယ်။ ထောင်နဲ့ချီဆိုတာ အလယ်အလတ်သောသူများအတွက် ရှိနေပါတယ်။ သိန်းနဲ့ချီတဲ့ အခြေခံလူတန်းစားတွေအတွက် နေထိုင်စရာ အခွင့်အလမ်းတွေများစွာလိုအပ်နေတဲ့ နိုင်ငံတစ်ခုဖြစ်ပါတယ်။ ဒီအခွင့်အလမ်း ဟာ စီးပွားရေးလုပ်ငန်း ရင်းနှီးမြှုပ်နှံမှုလုပ်လိုသူတွေအတွက် အခွင့်အလမ်းကောင်းပဲဖြစ်ပါတယ်။ နေစရာလိုအပ်နေတဲ့ အိမ်ထောင်စုပေါင်း တစ်သိန်းခွဲလောက် ကျွန်တော်တို့ တိုင်းအတွင်းမှာ ရှိနေတာဖြစ်ပါတယ်။ လူဦးရေတိုးတက်များပြားလာတာနဲ့အမျှ လူဦးရေ ၇.၄သန်းကျော် ရှိနေတဲ့ ရန်ကုန်မြို့ကြီးဟာ စီးပွားရေးအရ အရေးကြီးတဲ့ စိန်ခေါ်မှုတွေရှိနေသလို အခွင့်အလမ်းပေါင်းများစွာရှိနေပါတယ်။ ရန်ကုန်မြို့ရဲ့ အထပ်မြင့်အဆောက်အဦ တစ်ခုပေါ်ကနေ ကြည့်လိုက်မယ်ဆိုရင် ရန်ကုန်မြစ်ရဲ့ အနောက်ဘက်ကမ်းဟာ ဖွံ့ဖြိုးတိုးတက်မှုဘာမှ မရှိသေးဘူးဆိုတာ တွေ့ရမှာဖြစ်ပါတယ်။ ဒီ၂၀၁၈ ခုနှစ်ကနေစပြီး ရန်ကုန်တိုင်းအတွင်းမှာ ရန်ကုန်မြစ်ရဲ့ အနောက်ဘက်ကမ်း ဒေသတစ်ခုလုံး ဖွံ့ဖြိုးတိုးတက်ရေးအတွက် ဆောင်ရွက်သွားမဲ့နှစ်ဖြစ်ပါတယ်။ ဒါကြောင့်မို့ Infrastructure ကဏ္ဍမှာ အရေးကြီးသောနှစ်ဖြစ်တယ်လို့ ကျွန်တော့အနေနဲ့ ပြောပါရစေ။ ၂၀၁၈ခုနှစ် အတွင်းမှာ ရန်ကုန်မြို့သစ်စီမံကိန်းအထူးစီးပွားရေးဇုန်ကြီးတွေ တည်ဆောက်သွားမှာ ဖြစ်တဲ့အတွက် ရန်ကုန်မြစ်ရဲ့ တစ်ဘက်ကမ်းဟာ ပိုမိုဖွံ့ဖြိုးတိုးတက်တဲ့ Smart City တစ်ခုအနေနဲ့ အထူးစီးပွားရေးဇုန် ဧရိယာကြီးတစ်ခု အနေနဲ့ပေါ်ထွန်းလာမှာဖြစ်ပါတယ်"ဟု မတ်လ ၂၀ ရက်တွင် ဝန်ကြီးချုပ်က ပြောဆိုခဲ့သည်။
မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com
