တရုတ်ပြည်မကြီး developer ဖြစ်သော Fullsun International က ဟောင်ကောင်ရှိ လူနေအိမ်ရာစီမံကိန်းတစ်ခုကို ဟောင်ကောင်ဒေါ်လာ ၁ ဘီလီယံနီးပါးဖြင့် ဝယ်ယူ

ဟောင်ကောင်စတော့အိတ်ချိန်းစာရင်းဝင် ပြည်မကြီး developer ဖြစ်သည့် Fullsun International သည် ဟောင်ကောင်မြို့လယ် ကောင်းလုံအရပ်ရှိ လူနေအိမ်ရာစီမံကိန်းတစ်ခုကို ဟောင်ကောင်ဒေါ်လာ ၁ ဘီလီယံနီးပါးဖြင့် ဝယ်ယူရန် သဘောတူညီချက် ရရှိခဲ့ကြကြောင်း ဟောင်ကောင်စတော့အိတ်ချိန်းသို့ ပေးပို့သည့်အကြောင်းကြားစာတွင် ဖော်ပြသည်ဟု ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

Fullsun International သည် တရုတ်ပြည်မကြီး ဖူကျောက်အခြေစိုက်ကုမ္ပဏီဖြစ်ပြီး ကောင်းလုံဒေသ၊ ဟိုမန်တင်အရပ်ရှိ ကွန်ဒိုမီနီယံစီမံကိန်းကို ဟောင်ကောင်ဒေါ်လာ သန်း ၉၂၀ ( ကန်ဒေါ်လာ ၁၁၇ သန်း) ဖြင့် ဝယ်ယူရန် သဘောတူလိုက်ခြင်း ဖြစ်သည်။

အခန်းပေါင်း ၇၈ ခန်းပါ ကွန်ဒိုစီမံကိန်းကို ဟောင်ကောင်အခြေစိုက် developer ဖြစ်သော Easyknit Group က ၂၀၁၄ ခုနှစ်တွင် စတင်အကောင်အထည်ဖော်ခဲ့ခြင်း ဖြစ်သည်။

မြေနေရာအကျယ်အဝန်းမှာ စတုရန်းပေ ၈၀၆၀ ( ၇၄၉ စတုရန်းမီတာ) ဖြစ်သည်။

Fullsun International ၏ မိခင်ကုမ္ပဏီမှာ Fusheng Group ဖြစ်ပြီး ရှန်ကျန်း၊ ကျန်းကျိုးနှင့် ထျန်ကျင်းတို့ အပါအဝင် တရုတ်ပြည်တစ်လွှားရှိ မြို့ကြီးပေါင်း ၁၀ ခုတွင် အိမ်ခြံမြေစီမံကိန်းများ အကောင်အထည်ဖော်လျက်ရှိသည့် ကုမ္ပဏီ ဖြစ်သည်။

Fusheng Group သည် ၂၀၁၅ ခုနှစ်မှ စတင်ကာ ရှန်ကျန်း၊ ကွမ်ကျိုးနှင့် ဝူဟန်ကဲ့သို့ မြို့ကြီးများတွင် စုစုပေါင်း စတုရန်းမီတာ ၁၆ ဒသမ ၈ သန်း ကျယ်ဝန်းသည့် မြေနေရာတွင် ဆောက်လုပ်ရေးစီမံကိန်းပေါင်း ၇၀ ကျော် အကောင်အထည်ဖော်လုပ်ကိုင်ခဲ့ပြီးလည်း ဖြစ်သည်။

လွန်ခဲ့သော ၁၂ လတာကာလအတွင်း ပြည်မကြီး developer များသည် ဟောင်ကောင်အိမ်ခြံမြေများ ဝယ်ယူမှု လျှော့ချလာလျက်ရှိချိန်တွင် Fullsun ၏ ဝယ်ယူမှု ပေါ်ပေါက်လာခြင်းလည်း ဖြစ်သည်။

ယခင် ၂၀၁၇ ခုနှစ် ဧပြီလမှ ၂၀၁၈ ခုနှစ် ဇန်နဝါရီလအကြား ပြည်မကြီး developer တို့သည် အစိုးရတင်ဒါခေါ်ရောင်းချခဲ့သည့် မြေများမှ ၁၁ ရာခိုင်နှုန်းကိုသာ ဝယ်ယူခဲ့ရာ ပြီးခဲ့သည့် ဘဏ္ဍာနှစ် ဝယ်ယူမှုဖြစ်သော ၅၃ ရာခိုင်နှုန်းနှင့် နှိုင်းယှဉ်လျှင် များစွာကျဆင်းသွားကြောင်း S&P Global Ratings Report တွင် ဖော်ပြသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)