ပြည်သူများနှင့် နိုင်ငံ့ဝန်ထမ်းများအတွက် အိမ်ရာစီမံကိန်းများ အကောင်အထည်ဖော်ရန် ဂျပန် အပြည်ပြည်ဆိုင်ရာ ပူးပေါင်းဆောင်ရွက်ရေး အေဂျင်စီ (JICA)ထံမှ ဂျပန်ယန်း ၁၅ ဘီလီယံချေးယူမှုကို ပြည် ထောင်စုလွှတ်တော်က အတည်ပြုခဲ့သည်။
ငွေချေးယူမှုနှင့်ပတ်သက်၍ လွှတ်တော်ကိုယ်စား လှယ် ၁၀ ဦး၏ ထောက်ခံအကြံပြုဆွေးနွေးချက်များကိုဆောက်လုပ်ရေးဝန်ကြီးဌာန ဒုတိယဝန်ကြီးဦးကျော်လင်း က မတ်လ ၆ ရက် ပြည်ထောင်စုလွှတ်တော်တွင် ပြန်လည်ရှင်းလင်းပြီး အတည်ပြုခြင်း ဖြစ်သည်။
ဝန်ကြီးဌာနသည် ၂၀၂၁ မတ်လမတိုင်မီ တန်ဖိုးနည်းအိမ်ရာ အခန်း ၁၁,၀၀၀ ကျော်နှင့် တန်ဖိုးသင့်အိမ်ရာ အခန်းတစ် သောင်းကျော်တည်ဆောက်ရန် လျာထားပြီး ယင်းတို့အနက် အခန်းအချို့ကို JICA ချေးငွေဖြင့် ဝယ်ယူနိုင်ရန် စီစဉ်ပေးမည်ဖြစ် ကြောင်း ဒုဝန်ကြီး ဦးကျော်လင်း က ပြောသည်။
အဆိုပါချေးငွေ ယန်း ၁၅ ဘီလီယံသည် နှစ်ရှည်ချေးငွေဖြစ် ပြီး အတိုး ၀ ဒသမ ၀၁ ရာခိုင်နှုန်း၊ ဆိုင်းငံ့ကာလ ၁၀ နှစ်၊ ပြန်ဆပ် ကာလနှစ် ၃၀၊ စုစုပေါင်းနှစ် ၄၀ အတွင်း ပြန်လည်ပေးဆပ်ရမည် ဖြစ်သည်။
ဝန်ကြီးဌာနသည် ကျပ်သိန်း တစ်ရာအောက် တန်ဖိုးဖြင့်ရောင်း ချပေးမည့် အိမ်ခန်းများကို တန်ဖိုးနည်းအိမ်ရာဟုသတ်မှတ်ထားပြီး လက်ငင်းမဝယ်ယူနိုင်ပါက အရစ်ကျစနစ်ဖြင့် ရောင်းချပေးမည့် အစီအမံများကိုလည်း လျာထားပြီး ၁၅ နှစ် အရစ်ကျစနစ်ဖြင့် ရောင်းချပေးရန် စီမံဆောင်ရွက် ထားကြောင်း ဒုဝန်ကြီးကျော်လင်း က ပြောသည်။
လစဉ် မိသားစုဝင်ငွေအနည်းဆုံး ကျပ်သုံးသိန်းရှိပါက တန်ဖိုးနည်းအိမ်ရာဝယ်ယူနိုင်ပြီး လစဉ် မိသားစုဝင်ငွေကျပ်ငါးသိန်း ရှိပါက တန်ဖိုးသင့်အိမ်ရာ ဝယ်ယူနိုင်မည်ဟု ၎င်းကဆိုသည်။
‘‘ဥပမာအားဖြင့် ၁၅ နှစ်ချေး ငွေဖြင့် တန်ဖိုးငွေသိန်းတစ်ရာရှိ သော အခန်းကို ဝယ်ယူလိုပါက တစ်လပေးသွင်းရမယ့် ငွေကြေး တစ်သိန်းခန့် ရှိသောကြောင့် မိသားစုတစ်စုလုံးရဲ့ စုစုပေါင်းဝင် ငွေသည် သုံးသိန်းခန့်ရှိရမယ်လို့ သတ်မှတ်ရခြင်းဖြစ်ပါတယ်’’ဟု ဒုဝန်ကြီး ဦးကျော်လင်းက ပြော သည်။
ထို့ပြင် အိမ်ရာလုံးဝမဝယ်ယူ နိုင်သော ပြည်သူများနှင့် ဝန်ထမ်း များအတွက် အငှားအိမ်ရာစနစ် ဖြင့် အများဆုံးငါးနှစ်အထိ ငှားရမ်းပေးရန် စီစဉ်နေကာငှားရမ်းခ ကို သင့်တင့်သောနှုန်းထားဖြင့် ကောက်ခံမည်ဟု ဆက်လက် ပြောကြားသည်။
‘‘ငါးနှစ်ပြည့်ပါက အငှား အိမ်ရာကနေအရောင်းအိမ်ရာသို့ ပြောင်းရွှေ့ဝယ်ယူနိုင်ရန် စီစဉ်ဆောင်ရွက်ပေးသွားမှာ ဖြစ်ပါ တယ်’’ဟု ဦးကျော်လင်းက ပြောကြားသည်။
Credit: 7Daydaily
