၂၀၃၀ ပြည့်နှစ်မကုန်မီ ကမ္ဘာကြီးသည် ပြောင်းလဲသွားပေလိမ့်မည်။
ထိုနှစ်မကုန်မီ ကမ္ဘာ့လူဦးရေသည် ၈ ဒသမ ၆ ဘီလျံ ရှိလာမည်ဖြစ်ကာ ကမ္ဘာ့အကြီးဆုံးမြို့ကြီး ၁၀ မြို့အနက် ၇ မြို့က အာရှတွင် ဖြစ်မည်ဖြစ်ကြောင်း
ကုလသမဂ္ဂစီးပွားရေးနှင့် လူမှုရေးရာဌာနက အစီရင်ခံထုတ်ပြန်သည့် ကမ္ဘာ့လူဦးရေအလားအလာအစီရင်ခံစာအရ သိရသည်။
ကမ္ဘာ့လူသားများ၏ ကာလအပိုင်းအခြားတစ်ခုအတွင်း မွေးဖွား၊ ကြီးပြင်း၊ ရောဂါဘယဖြစ်ပွား၊ သေဆုံးမှုဦးတည်ရာအလားအလာတို့ကို ကျယ်ကျယ်ပြန့်ပြန့်
လေ့လာသုံးသပ်ထားသည့် ၎င်းအစီရင်ခံစာက တိုကျိုသည် ၂၀၃၀ ပြည့်နှစ်မကုန်မီ လူဦးရေ ၃၇ ဒသမ ၂ သန်းသို့ တိုးပွားလာမည်ဟု ခန့်မှန်းခဲ့သည်။
တိုကျိုပြီးလျှင် ကမ္ဘာ့ဒုတိယအကြီးဆုံးမြို့အဖြစ် ဒေလီတွင် လူဦးရေ ၃၆ ဒသမ ၁ သန်း ရှိလာမည်ဖြစ်သည်။
ရှန်ဟိုင်းက ကမ္ဘာ့တတိယအကြီးဆုံးမြို့အဖြစ် လူဦးရေ ၃၀ ဒသမ ၈ သန်း ရှိလာပြီး ယခုကဲ့သို့ပင် တရုတ်အကြီးဆုံးမြို့အဖြစ် ဆက်လက်တည်ရှိမည်
ဖြစ်သည်။ ပေကျင်းကလည်း ကမ္ဘာ့ပဉ္စမလူဦးရေအများဆုံးမြို့အဖြစ် လူဦးရေ ၂၇ ဒသမ ၇ သန်း ရှိလာမည်ဖြစ်သည်။
သို့ရာတွင် အိန္ဒိယသည် တရုတ်အား လူဦးရေနှင့်ပတ်သက်၍ ၂၀၂၄ ခုနှစ်မကုန်မီ ကျော်လွန်မည်ဟု ကုလသမဂ္ဂက ခန့်မှန်းထားသည်။ ၂၀၃၀ ပြည့်နှစ်တွင်
မွမ်ဘိုင်းက လူဦးရေ ၂၇ ဒသမ ၈ သန်းဖြင့် ကမ္ဘာ့စတုတ္ထအကြီးဆုံးမြို့ ဖြစ်လာမည် ဖြစ်သည်။
ဒါကာတွင် လူဦးရေ ၂၇ ဒသမ ၄ သန်းရှိလာမည် ဖြစ်ကာ ကရာချိတွင် လူဦးရေ ၂၄ ဒသမ ၈ သန်းသို့ ရောက်ရှိလာမည် ဖြစ်သည်။
ကိုင်ရိုက လူဦးရေ ၂၄ ဒသမ ၅ သန်းဖြင့် ကမ္ဘာ့အဋ္ဌမအကြီးဆုံးမြို့ဖြစ်လာကာ ကမ္ဘာ့ကြီးထွားနှုန်းအမြန်ဆုံးနိုင်ငံဖြစ်သည့် နိုင်ဂျီးယား၏ လာဂို့စ်က လူဦးရေ ၂၄ ဒသမ ၂ သန်းဖြင့် ကမ္ဘာ့န၀မအကြီးဆုံးမြို့ ဖြစ်လာမည်ဖြစ်သည်။
မက္ကစီကိုစီးတီးက လူဦးရေ ၂၃ ဒသမ ၉ သန်းဖြင့် ကမ္ဘာ့ဒသမအကြီးဆုံးမြို့ကြီး ဖြစ်လာမည် ဖြစ်သည်။
၂၀၅၀ ပြည့်နှစ်မတိုင်မီအထိ ကမ္ဘာ့လူဦးရေသည် အိန္ဒိယ၊ နိုင်ဂျီးရီးယား၊ ကွန်ဂို၊ ပါကစ္စတန်၊ အီသီယိုပီးယား၊ တန်ဇန်နီးယား၊ အမေရိကန်၊ ယူဂန်ဒါနှင့် အင်ဒိုနီးရှားတို့တွင် အဓိကအားဖြင့် ဖွံ့ဖြိုးမည်ဟု ခန့်မှန်းထားသည်။ ကမ္ဘာ့လူဦးရေသည် နှစ်စဉ် ၈၃ သန်းခန့် တိုးပွားလာမည်ဖြစ်သည်။
၂၀၃၀ ပြည့်နှစ်မကုန်မီ ကမ္ဘာ့အကြီးဆုံးမြို့ကြီး ၁၀ မြို့
၁။ တိုကျို (ဂျပန်)
၂။ ဒေလီ (အိန္ဒိယ)
၃။ ရှန်ဟိုင်း (တရုတ်)
၎။ မွမ်ဘိုင်း (အိန္ဒိယ)
၅။ ပေကျင်း (တရုတ်)
၆။ ဒါကာ (ဘင်္ဂလားဒေ့ရှ်)
၇။ ကရာချိ (ပါကစ္စတန်)
၈။ ကိုင်ရို (အီဂျစ်)
၉။ လာဂို့စ် (နိုင်ဂျီးရီးယား)
၁၀။ မက္ကစီကို (မက္ကစီကို)
ခင်အေးချမ်း မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးဘာသာပြန် ရေးသားဖော်ပြသည်။
Credit: iMyanmarHouse.com
