နှစ်ပေါင်း ၁၀၀၀ တည်တံ့ရန် ဒီဇိုင်းဆွဲဆောက်လုပ်ထားသည့်နေအိမ်ကြီး

အတ္တလန္တာသည် အမေရိကန်ပြည်ထောင်စု၊ ဂျော်ဂျီယာ ပြည်နယ်၏ မြို့တော်ဖြစ်ပြီး ဂျော်ဂျီယာတွင် လူဦးရေအထူထပ် ဆုံးမြို့ဖြစ်၏။

အတ္တလန္တာမြို့ပြင် မြို့စပ်တွင် ကျည်ကာတံခါး၊ နံရံ များ၊ လျှို့ဝှက်ဂူ၊ ထောင်ချောက်များ၊ မြေအောက်လျှို့ဝှက် ဗုံးခိုကျင်း၊ ကိုယ်ပိုင်ဓာတ်အားပေးစနစ်များ ပါဝင်သည့် နေအိမ် ကြီးတစ်လုံးတည်ရှိသည်။

ဂျိမ်းစ်ဘွန်းဇာတ်ကားများမှ စိတ်ကူးယဉ်နေရာမျိုး မဟုတ်ဘဲ ပြင်ပလောကတွင် အမှန်တကယ် ဆောက်လုပ်ထား သည့် နေအိမ်ကြီးဖြစ်၏။

နေအိမ်ကြီးကို Rice House ဟု အမည်ပေးထား ပြီး ခြံဝန်းအကျယ်မှာ ၃ ဒသမ ၅ ဧကခန့်ရှိကာ နေအိမ်ကြမ်းခင်း ဧရိယာမှာ စတုရန်းပေ ၃၆၀၀၀ ခန့်ကျယ်ဝန်းသည်။

အဆိုပါနေအိမ်ကို နှစ်ပေါင်း ၁၀၀၀ ခန့်အထိ တည်တံ့ နိုင်ရန် ဒီဇိုင်းရေးဆွဲဆောက်လုပ်ထားသည်ဟု ဆိုသည်။နေအိမ် အတွင်း အိပ်ခန်း ၈ ခန်း၊ ရေချိုးခန်း ၁၅ ခန်း၊ မီးဖိုဆောင် ၃ ခု၊ အနုပညာပြခန်းတစ်ခု၊ ရုပ်ရှင်ရုံတစ်ခု၊
ဘိုးလင်းကွင်း တစ်ခုနှင့် ရေကူးကန်တစ်ကန်တို့ ပါဝင်သည်။

ယင်းနေအိမ်ကို အမေရိကန်တစ်နိုင်ငံလုံးတွင် လုံခြုံရေး စနစ် အမြင့်မားဆုံးနေအိမ်များတွင် အပါအ၀င်ဖြစ်သည်ဟု သတ်မှတ်ထားကြသည်။
နေအိမ်တွင်းရှိ အိပ်ခန်း ၈ ခန်းလုံးကို ကျည်ကာတံခါး များ တပ်ဆင်ထားပြီး AK-47 နှင့် AR-15 ရိုင်ဖယ်များကိုပင် ကာကွယ်နိုင်စွမ်းရှိသည်။

ရေတံခွန်၏ နောက်ဘက်တွင်လည်း စတုရန်းပေ ၅၀၀၀ ခန့် ကျယ်ဝန်းသော လျှို့ဝှက်ဂူတစ်လုံး ဆောက်လုပ် ထား၏။
အဆိုပါဂူကို မော်တော်ကားများ လျှို့ဝှက်ထားသိုရန် ဒီဇိုင်းဆွဲဆောက်လုပ်ထားခြင်းဖြစ်ကာ မော်တော်ကားစင်း ရေ ၃၀ ခန့် ထားသိုနိုင်သည်။

ထို့အပြင် ကင်းမျှော်စင်တစ်ခုပါဝင်ကာ မြေအောက် တွင်လည်း စတုရန်းပေ ၁၅၀၀၀ ခန့် အကျယ်အ၀န်းရှိသည့် လျှို့ဝှက်ဗုံးခိုကျင်းကြီး တည်ဆောက်ထားသည်ဟု ဆိုသည်။

ယင်းဗုံးခိုကျင်းသို့ ၀င်လမ်းနှင့် ထွက်လမ်းများမှာ သာမန်လူ အလွယ်တကူမတွေ့နိုင်အောင် လျှို့ဝှက်စနစ်များဖြင့် ဆောက်လုပ်ထည့်သွင်းထားသည်။ နေအိမ်အတွင်း ကိုယ်ပိုင် မီးအားပေးစက် ၂ လုံးနှင့် ဆိုလာပြားများစွာ တပ်ဆင်ထားသည်။

ယင်းအပြင် မြေအနက် ပေ ၁၀၀၀ ခန့်အထိ တူးဖော် ထားသည့် ရေတွင်း ၃ ခုလည်း ပါဝင်ရာ ပြင်ပကမ်္ဘာနှင့် ထိတွေ့ ခြင်းမရှိဘဲ ရေကောင်းရေသန့်များ ရရှိနိုင်မည်ဖြစ်သည်။

နေအိမ်ကို ဒီဇိုင်းရေးဆွဲပေးခဲ့သူသည် ယခင်က လည်း အမေရိကန်တရားရေးဌာန၏ လုံခြုံရေးအဆင့်မြင့် သည့် အဆောက်အအုံများကို ဒီဇိုင်းရေးဆွဲပေးခဲ့သူဖြစ်သည် ဟု ဆိုသည်။

လက်ရှိပိုင်ရှင်မှာ အသက် ၈၀ အရွယ်ရှိ အဘိုးအို တစ်ဦးဖြစ်ပြီး အလွန်အောင်မြင်သည့် စွန့်ဦးလုပ်ငန်းရှင်တစ်ဦး ဖြစ်သည်။

အဆိုပါပုဂိ်္ဂုလ်သည် နေအိမ်အတွက် ကန်ဒေါ်လာ သန်း ၃၀ ခန့် သုံးစွဲဆောက်လုပ်ခဲ့ရပြီး မိသားစုကို အမွေပေးရန် ရည်ရွယ်ခဲ့သည်ဟု ဆိုသည်။

သို့ရာတွင် သားဖြစ်သူ၏ မိသားစုမှာ အမေရိကန်ပြည် ၏ အခြားတစ်ဘက်စွန်းဒေသတွင် အခြေချလျက်ရှိကြပြီး ယခု နေအိမ်တွင် နေထိုင်ရန် စိတ်ဝင်စားမှု မရှိကြ။

သို့အတွက် အခြားနေထိုင်မည့်သူတစ်ဦးဦးထံ ပြန်လည် ရောင်းချရန် စီစဉ်ရခြင်းဖြစ်ကြောင်း နေအိမ်ကို အရောင်းဈေးကွက် တင်သည့်ှSothebys International Realty မှ အကျိုးဆောင် တစ်ဦးဖြစ်သူ ပေါလ် ၀က်ဂ်နာက
ပြောကြားသည်။

နေအိမ်ကို မူလက ကန်ဒေါ်လာ ၁၇ ဒသမ ၅ သန်း ဖြင့် ဈေးကွက်တင်ခဲ့သော်လည်း တစ်နှစ်ခန့် ကြာမြင့်သည့်တိုင် ရောင်းမထွက်သောကြောင့် ယခုအခါ ကန်ဒေါ်လာ ၁၄ ဒသမ ၇ သန်းသာ ဈေးခေါ်ထားသည်။

ရှေရီ မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com