ပြောင်းရွှေ့အိမ်ထောင်စုများအား ထောက်ပံ့ပေးအပ်ပွဲအခမ်းအနား ကျင်းပ

နေပြည်တော် ပုဗ္ဗသီရိမြို့နယ်အတွင်းရှိ တပ်မတော်စစ်သင်္ချိုင်းနယ်နိမိတ် ဧရိယာအတွင်း ပါဝင်နေသော အိမ်ထောင်စု ၅၉ စုအား တပင်ရွှေထီးရပ်ကွက်သို့ ပြောင်းရွှေ့နေရာချထားပေးခဲ့ပြီး အဆိုပါ ပြောင်းရွှေ့အိမ်ထောင်စုများအား ထောက်ပံ့ပေးအပ်ပွဲ အခမ်းအနားကို ယနေ့နံနက် ၁၁ နာရီတွင် ပုဗ္ဗသီရိမြို့နယ် တပင်ရွှေထီးရပ်ကွက်၌ ကျင်းပသည်။

အခမ်းအနားတွင် နေပြည်တော်ကောင်စီဥက္ကဋ္ဌ မြို့တော်ဝန် ဒေါက်တာ မျိုးအောင်က ယခင်စာရင်းရှိ အိမ်ထောင်စု ၅၉ စုကို နေပြည်တော်စည်ပင်သာ ယာရေးကော်မတီ၏ ချမှတ်ပေးထားသည့် ပေ (၄ဝx၆ဝ) မြေကွက်နှင့်အတူ စနစ်တကျရွှေ့ပြောင်းရာတွင် တရားဝင်ဖြစ်စေရန် အိမ်ထောင်စုဇယား၊ အိမ်ခြံ မြေဂရန်များ၊ နယ်မြေများအတွက် လိုအပ်သည့် အခြားအထောက်အပံ့ပစ္စည်း များကို နေပြည်တော်ကောင်စီနှင့် လူမှုဝန်ထမ်း၊ ကယ်ဆယ်ရေးနှင့်ပြန်လည် နေရာချထားရေးဝန်ကြီးဌာနများမှ အပြည့်အစုံကြိုးစားဆောင်ရွက်ထားပြီး ဖြစ်ပါကြောင်း၊ အခြားဆက်လက်ကူညီရမည့် အကူအညီများကိုလည်း နေပြည် တော်ကောင်စီက ဆက်လက်ဆောင်ရွက်သွားမည်ဖြစ်ပါကြောင်း၊ ပြောင်းရွှေ့ရ သည့် အိမ်ထောင်စု ၅၉ စုအနေဖြင့်လည်း များစွာကျေနပ်ဝမ်းသာသည်ဟု သိရှိရ၍ကျေးဇူးတင်ရှိပါကြောင်း၊ အဓိကအချက်တစ်ချက်ဖြစ်သည့် ကျောင်းသား ကျောင်းသူများ၏ ပညာရေးအတွက်လည်း လမ်းပန်းဆက်သွယ်ရေးနှင့် အနီးကပ်ဆုံးနေရာတွင် ရှိသည်ဟုသိရသဖြင့် များစွာဝမ်းမြောက်မိပါကြောင်း ပြောကြားသည်။

ထို့နောက် ကယ်ဆယ်ရေးနှင့်ပြန်လည်နေရာချထားရေးဦးစီးဌာန ညွှန်ကြား ရေးမှူးချုပ် ဒေါက်တာကိုကိုနိုင်က ရွှေ့ပြောင်းအိမ်ထောင်စုများအား ထောက်ပံ့ ပစ္စည်းပေးအပ်ရခြင်းနှင့်စပ်လျဉ်း၍ပြောကြားပြီး ဥတ္တရခရိုင်အုပ်ချုပ်ရေးမှူး ဦးအေးသောင်းက အိမ်ထောင်စု ၅၉ စုအား ရွှေ့ပြောင်းနေရာချထားရေး ဆောင်ရွက်ခဲ့မှုအခြေအနေကို ရှင်းလင်းတင်ပြသည်။

ယင်းနောက် နေပြည်တော်ကောင်စီဥက္ကဋ္ဌ မြို့တော်ဝန် ဒေါက်တာ မျိုးအောင်၊ နေပြည်တော်စည်ပင်သာယာရေးကော်မတီဝင် ဦးမင်းသူ၊ ညွှန်ကြား ရေးမှူးချုပ် ဒေါက်တာကိုကိုနိုင်၊ နေပြည်တော် ကြက်ခြေနီကြီးကြပ်မှု ကော်မတီ ဥက္ကဋ္ဌ ဦးဇော်အောင်နှင့် အလှူရှင်များက ရွှေ့ပြောင်းအိမ်ထောင်စု ၅၉ စုထံသို့ ထောက်ပံ့ပစ္စည်းများပေးအပ်ပြီး ထောက်ပံ့ပစ္စည်းများပေးအပ်ခဲ့ခြင်းအပေါ် ရွှေ့ပြောင်းအိမ်ထောင်စုများကိုယ်စား ရပ်မိရပ်ဖ ဦးမြင့်မောင်က ကျေးဇူးတင် စကား ပြန်လည်ပြောကြားသည်။

ထို့နောက် နေပြည်တော်ကောင်စီဥက္ကဋ္ဌ မြို့တော်ဝန် ဒေါက်တာမျိုးအောင် နှင့် တာဝန်ရှိသူများသည် ရွှေ့ပြောင်းအိမ်ထောင်စုများ၏ နေအိမ်များကို လိုက်လံကြည့်ရှုပြီး မိသားစုဝင်များနှင့် တွေ့ဆုံသည်။

အဆိုပါ ရွှေ့ပြောင်းအိမ်ထောင်စု ၅၉ စုအတွက် လူမှုဝန်ထမ်း၊ ကယ်ဆယ် ရေးနှင့် ပြန်လည်နေရာချထားရေးဝန်ကြီးဌာနက တစ်အိမ်ထောင်လျှင် လူသုံး ကုန်ပစ္စည်း ၁ဝ မျိုး၊ ခုနစ်ရက်စာ ဆန်ရိက္ခာဖိုးငွေကျပ် ၉၈၄၁ နှင့် အိမ်ဆောက် စရိတ်ငွေကျပ်တစ်သိန်းကိုလည်းကောင်း၊ နေပြည်တော်ကောင်စီက တစ်အိမ် ထောင်လျှင် ငွေကျပ်တစ်သိန်းနှင့် အခြားအိမ်ဆောက်ပစ္စည်း လိုအပ်ချက်များ ကိုလည်းကောင်း၊ နေပြည်တော်စည်ပင်သာယာရေးကော်မတီက တစ်အိမ် ထောင်လျှင် ဆန်တစ်အိတ်၊ ဆီနှစ်ပိဿာ၊ ဆားနှစ်ပိဿာနှင့် ကုလားပဲငါးပိဿာ ကိုလည်းကောင်း၊ ဇေယျာသီရိမြို့နယ်အုပ်ချုပ်ရေးမှူး ဦးသက်လွင်နှင့် ဌာနဆိုင် ရာ ဝန်ထမ်းများက တစ်အိမ်ထောင်လျှင် ရေလီတာ၂ဝ ဆံ့ ရေသန့်ဘူးတစ်ဘူး ကိုလည်းကောင်း၊ ဥတ္တရသီရိမြို့နယ် အုပ်ချုပ်ရေးမှူး ဦးညီညီအောင်က တစ်အိမ်ထောင်လျှင် ပလတ်စတစ်ရေပုံးတစ်ပုံးကို လည်းကောင်း၊ တပ်ကုန်းမြို့ နယ်အုပ်ချုပ်ရေးမှူး ဦးဝင်းနိုင်က ဆန်ငါးအိတ်၊ ဆီတစ်ပိဿာ ဘူး ၅၉ ဘူးနှင့် ခေါက်ဆွဲခြောက်တစ်ဖာကိုလည်းကောင်း၊ မြန်မာနိုင်ငံကြက်ခြေနီအသင်းကShelter Tool Kitနှင့် Hygiene Kit များကိုလည်းကောင်း၊ ဝါးပင်အိမ် လုပ်ငန်းမိသားစုက တစ်အိမ်ထောင်လျှင် ဆန်တစ်အိတ်ကိုလည်းကောင်း ထောက်ပံ့ပေးအပ်ခဲ့ကြောင်း သိရသည်။

Credit: The Mirror