ရန်ကုန်တွင် မြေကွက်လပ်ပေါ်မူတည်ပြီး ကလေးကစားကွင်းနှင့် ပန်းခြံများ တည်ဆောက်ခွင့်ပြုမည်

ရန်ကုန်တိုင်းအတွင်း လစ်လပ်နေသော မြေကွက်လပ်နေရာများတွင် ကစားကစားကွင်း နှင့် ပန်းခြံများပြုလုပ်ရန် မြေနေရာအနေအထားပေါ် မူတည်၍ တည်ဆောက်ခွင့် ပြုမည်ဖြစ် ကြောင်း ရန်ကုန်မြို့တော်ဝန် ဦးမောင်မောင်စိုး
က ပြောသည်။

မြို့နယ်နေ ပြည်သူများ၏ တင်ပြ တောင်းဆိုချက်များနှင့် လွှတ်တော်ကိုယ်စားလှယ်များ အဆိုပြုတောင်းဆိုချက်များအရ ရန်ကုန်မြို့တော်စည်ပင်သာယာရေး နယ်နိမိတ်အတွင်းရှိ မြို့နယ်များ ၌ ပန်းခြံ၊ ကလေးကစားကွင်းနှင့် အားကစားကွင်း အစရှိသည့် နေရာများ ဖော်ဆောင်နိုင်ရန် မြေကွက်လပ်တည်ရှိသည့် အခြေအနေပေါ်မူတည်ပြီး မြေစီမံခန့်ခွဲမှုဆိုင်ရာ လုပ်ထုံးလုပ်နည်းနှင့်အညီ ပြန်စစ်ဆေးရကြောင်း ရန်ကုန်မြို့တော်ဝန်ကပြောသည်။

‘‘သက်ဆိုင်ရာ မြို့နယ်အ လိုက် ထပ်မံတင်ပြမှုရှိရင်လည်း မြေပြင်အနေအထားအရ မြေပုံ၊ မြေစာရင်းနဲ့အညီ စိစစ်ပြီး ဆောင်ရွက်ခွင့်ပြုပေးသွားမှာ ဖြစ်တယ်’’ ဟု ၎င်းကပြောသည်။

နိုဝင်ဘာ ၁ ရက်တွင် ပြုလုပ် သည့် တိုင်းဒေသကြီးလွှတ်တော် အစည်းအဝေးတွင် ဒဂုံမြို့သစ် (တောင်ပိုင်း)မြို့နယ် မဲဆန္ဒနယ် အမှတ်(၁) လွှတ်တော်ကိုယ်စား လှယ် ဦးညီညီ၏ ‘‘ရန်ကုန်တိုင်း ဒေသကြီးအတွင်းရှိ မြို့နယ်များ တွင် လစ်လပ်ချန်လှပ်နေသည့် မြေလွတ်၊ မြေကွက်လပ်များတွင် ကလေးကစားကွင်း
ဖော်ဆောင် နိုင်ရန် အစီအစဉ်ရှိ၊ မရှိ၊ မရှိပါက မည်သည့်အတွက်ကြောင့်
မရှိကြောင်းနှင့် ရှိပါကမည်ကဲ့သို့ ဆောင်ရွက်မည်’’ကို သိရှိလိုပါ ကြောင်း
မေးခွန်းမေးမြန်းမှုအပေါ် အထက်ပါအတိုင်း ဖြေကြားခဲ့ သည်။

ထို့ပြင် ရန်ကုန်မြို့တော်စည်ပင်သာယာရေးကော်မတီ ပန်း ဥယျာဉ်နှင့် အားကစားကွင်းများ ဌာနက မြေပြင်ကွင်းဆင်းစစ်ဆေးပြီး မြေပြင်အနေ
အထားအရ ကစားကွင်းနှင့် ပန်းခြံများကို ဘဏ္ဍာရေးနှစ်အလိုက် ဘတ်ဂျက်
ရေးဆွဲဆောင်ရွက်နေကြောင်း ရန်ကုန်မြို့တော်ဝန်က ပြောသည်။

ရန်ကုန်မြို့နယ် စည်ပင်သာယာရေးနယ်နိမိတ်အတွင်းရှိ ၃၃ မြို့နယ်နှင့်
စည်ပင်သာယာရေး နယ်နိမိတ် ၁၂ မြို့နယ် စုစုပေါင်း၄၅ မြို့နယ် အဆင့်မြှင့်တင်သည့် လုပ်ငန်းများကို နိုင်ငံတော်အစိုးရ၏ လမ်းညွှန်ချက်နှင့်အညီ ဘဏ္ဍာရေးနှစ်အလိုက် အကောင်အထည်ဖော်ဆောင်ရွက်နေကြောင်း ၎င်းကပြောသည်။

Credit: 7Daydaily