မန်းအိမ်ခြံမြေ ရာဖြတ်အခွန်နှုန်းထားများလို့ စာချုပ်ဖို့ အခက်အခဲဖြစ်

မန္တလေးတိုင်း အစိုးရက ထုတ်ပြန်ထားတဲ့ အိမ်ခြံမြေရာဖြတ်အခွန်နှုန်းထားတွေက မြေပင်အခြေအနေထက်မြင့်နေတာတွေရှိနေလို့ စာချုပ်ချုပ်ဖို့ အခက်အခဲဖြစ်နေတယ်လို့ ရွိုင်ရယ်ထွန်းသစ္စာ အိမ်ခြံမြေရောင်းဝယ်ရေးအကျိုးဆောင် လုပ်ငန်းမှ ဦးတင်မောင်က ပြောပါတယ်။

ဝယ်ဖို့ဝယ်လက်ကိုပြတဲ့ မြေကွက်တစ်ခုဆိုရောင်းတဲ့သူက သိန်း ၅၈၀၀ နဲ့ပဲရောင်းတယ်။ အခွန်ရာဖြတ်က ဖြတ်တာက သိန်း ၆၃၀၀ နဲ့ သိန်း ၉၀၀၀ ကြားဖြတ်တယ်လို့ ဆိုပါတယ်။

ဦးတင်မောင်က ‘ နေဖို့မဖြစ်မနေ၀ယ်တယ်။ ခိုင်လုံတဲ့ စာချုပ်ချုပ်ဖို့အတွက်က အခက်အခဲဖြစ်နေတယ်၊ အဲဒီတော့ ကတိက၀က်နဲ့ နေကြရမှာပဲ၊ အဲဒါကို မနေပါနဲ့ လို့ ပြောလို့မရဘူး။ နာမည်ဖောက်ချင်ပေမဲ့ သိန်း ၅၀၀၀ တန်ဝယ်တာကို သိန်း ၇၀၀၀ ဖြစ်တယ်ဆိုရင် သိန်း ၁၀၀၀ တိုင်းမှာ အခွန်က သိန်း ၃၀၀ လောက်ကျနေတော့ အကုန်အကျမခံနိုင်ကြတော့ဘူး ’ လို့ ပြောပါတယ်။

အခွန်နှုန်းထားပေးဆောင်ဖို့ ရှောင်တဲ့ စနစ်ကို ကျင့်သုံးလာတဲ့အတွက် နိုင်ငံတော်လည်း အခွန်မရရှိသလို ပြည်သူတွေလည်း မှန်ကန်တဲ့ လမ်းကြားပေါ်မရောက်နိုင်ဘူးဖြစ်နေတယ်လို့ အိမ်ခြံမြေအကျိုးဆောင်အချို့
က သုံးသပ်ပါတယ်။

အိမ်ခြံမြေ၀ယ်ယူရာမှာ တရားဝင်အခွန်ဆောင်ပြီး ၀ယ်ယူတာတွေရှိလာဖို့ အတွက် အိမ်ခြံမြေစံနှုန်းတွေကို ယခုဘဏ္ဍာနှစ်မှာ ယခင်နှစ်စံနှုန်းတွေထက် ၂၀ ရာခိုင်နှုန်းလျှော့ချသတ်မှတ်ခဲ့တယ်လို့
မန္တလေးတိုင်း စီမံကိန်းနှင့် ဘဏ္ဍာရေးဝန်ကြီးဌာနက သိရပါတယ်။

‘ အိမ်ခြံမြေပတ်သက်လို့ အခွန်ဘဏ္ဍာကို လာမယ့် ၂၀၁၈ မှာ အခွန်နှုန်းထားစံနှုန်းတွေရော၊ ရာဖြတ်ကိုရော ပြင်ပေးမယ်ဆိုရင်တော့ မှန်ကန်တဲ့ လမ်းကြောင်းပေါ် ရောက်လာနိုင်ပါတယ် ’ လို့ ရွိုင်ရယ်ထွန်းသစ္စာ အိမ်ခြံမြေရောင်းဝယ်ရေးအကျိုးဆောင် လုပ်ငန်းမှ ဦးတင်မောင်က ပြောပါတယ်။

မန္တလေးမြို့အတွက် အခုနှစ်အသုံးပြုရမယ့် အိမ်ခြ့မြေစံနှုန်းတွေကို သြဂုတ်လအတွင်းက ထုတ်ပြန်ခဲ့တာဖြစ်ပါတယ်။

Credit: The Kumudra