ကမ္ဘာပေါ်တွင် လုံခြုံ မှုမရှိဆုံး မြို့တော်များစာရင်းတွင် ရန်ကုန်မှာ ဒုတိယနေရာတွင် ရပ်တည်

၂၀၁၇ ခုနှစ် လုံခြုံသောမြို့ တော်များညွှန်းကိန်းတွင် ရန်ကုန်သည် အောက်ဆုံးအဆင့်တွင် ရောက်ရှိလျှက်ရှိပြီး လုံခြုံ မှုမရှိဆုံး မြို့တော်များစာရင်းတွင် ဒုတိယနေရာ၌ ရပ်တည်လျှက်ရှိသည်။အဆိုပါ ညွှန်းကိန်းကို eiu က ထုတ်ပြန်ခဲ့ခြင်းဖြစ်သည်။

မြန်မာနိုင်ငံ၏ အကြီးမားဆုံးမြို့ တော်ရန်ကုန်သည် ကျန်းမာရေးနှင့် အခြေခံအဆောက်အအုံတို့တွင် ရင်းနှီးမြှပ်နှံမှု နည်းပါးခြင်း ၊ စီမံခန့်ခွဲမှုညံ့ဖျင်းခြင်း ၊ယာဉ်လမ်းကြောင်းပိတ်ဆို့မှု ၊ အကြမ်းဖက်ဝါဒ နှင့်ရာသီဥတု ပြောင်းလဲမှု၊
အစရှိသည်တို့၏ ခြိမ်းခြောက်မှု ခံရလျှက်ရှိသည်။

ယင်းအစီရင်ခံစာအရ တကမ္ဘာလုံးအတိုင်းအတာ တွင် မြန်မာနိုင်ငံအောက် အန္တရာယ်အရှိဆုံးနေရာဟူ၍ ပါကစ္စတန်နိုင်ငံ ကရာချိ မြို့ တော်သာရှိတော့သည်။

ကမ္ဘာမြို့ ပေါင်း ၆၀ ကို ညွှန်းကိန်းပေါင်း ၄၉ ခုဖြင့် အကဲဖြတ်ထားခြင်းဖြစ်ပြီး
ဒစ်ဂျစ်တယ် လုံခြုံရေး ၊ ကျန်းမာမှုလုံခြုံရေး ၊ အခြေခံအဆောက်အအုံလုံခြုံရေး နှင့် တစ်ကိုယ်ရည်လုံခြုံရေးများပါဝင်သည်။

(ဒစ်ဂျစ်တယ်လုံခြုံရေး)

ဒစ်ဂျစ်တယ်လုံခြုံရေးကဏ္ဍတွင် အောက်ဆုံးအဆင့်၌ ရန်ကုန်ရောက်ရှိနေရခြင်း၏ အကြောင်းအရင်းမှာ ဝင်ငွေနိမ့်ပါးသော မြို့ ဖြစ်ခြင်းကြောင့်လည်း ပါဝင်သည်။ဒစ်ဂျစ်တယ်လုံခြုံရေးတွင်ရန်ကုန်သည် အမှတ်၁၀၀ ပေးထားသည့် အနက် ၃၉.၀၇ သာရရှိထားသည်။
ရန်ကုန်ကဲ့သို့ ဝင်ငွေနိမ့်ပါးသော မြို့ တော်များသည် ရောဂါကူးစက်မှုနှင့် ဆင်းရဲမွဲတေမှု အစရှိသည့် စိန်ခေါ်မှုများရင်ဆိုင်ရလျှက်ရှိရာ ဆိုက်ဘာလုံခြုံရေးကို ကိုင်တွယ်နိုင်ခြင်းမရှိကြချေ။
ရန်ကုန်၏ ဆိုက်ဘာလုံခြုံရေးနည်းပါးမှုမှာ ယခုနှစ်အတွင်း ထင်ရှားလာခဲ့သည်။နိုင်ငံပိုင်သတင်းစာနှင့် အစိုးရဝက်ဘ်ဆိုက်များစွာ တိုက်ခိုက်ခံခဲ့ရမှုက သက်သေပင်။

(ကျန်းမာမှုလုံခြုံရေး )

ကျန်းမာမှုလုံခြုံရေးတွင် ရန်ကုန်သည် ၄၅.၇၉ သာရရှိထားပြီး ဒါကာနှင့်ကရာချိတို့ထက်သာ အဆင့်မြင့်မားသည်။
အဆိုပါ မြို့ များအားလုံးသည် ဆင်းရဲသော မြို့ များသာ ဖြစ်ကြသည်။
သို့ရာတွင် ကျန်းမာမှုလုံခြုံရေးကို အဆုံးအဖြတ်ပေးသည်မှာ ဝင်ငွေတစ်ခုတည်းက မဟုတ်ချေ။
ထိပ်တန်းတွင်ရပ်တည်နေသည့် မြို့  ၁၀ မြို့ အနက် တိုကျိုနှင့် ဇူးရစ်သာ ဝင်ငွေမြင့်မားကြသည်။
ရန်ကုန်၏ ကျန်းမာရေးနိမ့်ပါးရခြင်း အကြောင်းအရင်းမှာ အဓိကအားဖြင့် မြန်မာအစိုးရက ၎င်းတို့၏ ရင်းမြစ်များကို မည်သို့ခွဲဝေ အသုံးပြုနေသည့် အချက်များပေါ် မူတည်သည်။
ကျန်းမာမှု လုံခြုံရေးကို အဆုံးဖြတ်ပေးမည့် ပညာရေးနှင့် ကျန်းမာရေးဝန်ကြီးဌာနများမှာ ၂ ခုပေါင်း ၁၃ ရာခိုင်နှုန်း သာ ဘက်ဂျက်ရရှိထားသည်ဟု ဖော်ပြထားသည်။

(အခြေခံအဆောက်အအုံ လုံခြုံရေး)

ရန်ကုန်သည် အခြေခံအဆောက်အအုံ လုံခြုံရေးကဏ္ဍတွင် ၄၈ ဒသမ ၅၈ မှတ်သာရရှိထားပြီး ဒါကာနှင့် ကရာချိတို့ထက်သာ သာလွန်ထားပြီး ကမ္ဘာ့အောက်ဆုံးအဆင့်များတွင် ရပ်တည်လျက်ရှိသည်။
ယင်းမှာ အခြေခံအဆောက်အအုံကဏ္ဍတွင် ရင်းနှီးမြှုပ်နှံမှု နည်းပါးခြင်း၊ အုပ်ချုပ်ပုံညံ့ဖျင်းမှု၊ အခြေခံအဆောက်အအုံနှင့် စပ်လျဉ်းသည့် လုပ်ထုံးလုပ်နည်းများ အားနည်းမှုတို့ကြောင့်ဖြစ်သည်ဟု ဆိုသည်။
ရာသီဥတုပြောင်းလဲမှုတွင် ထိခိုက်လွယ်မှုရှိသည့်အချက်ကလည်း ရန်ကုန်၏ အခြေခံအဆောက်အအုံ လုံခြုံရေးကဏ္ဍ ကျဆင်းစေသည့် အချက်တစ်ရပ်ဖြစ်သည်။
ယခုညွှန်းကိန်းတွင် ပါဝင်သည့် ကမ္ဘာ့မြို့ကြီးပေါင်း ၆၀ အနက် နှစ်စဉ်သဘာဝဘေးကြောင့် သေဆုံးရမှုမြင့်မားသည့် မြို့ကြီးများစာရင်းတွင် ရန်ကုန်မှာ နံပါတ် ၁၅ နေရာတွင် ရပ်တည်လျက်ရှိသည်။

(တစ်ကိုယ်ရေလုံခြုံရေး)

ရန်ကုန်သည် တစ်ကိုယ်ရေ လုံခြုံရေးကဏ္ဍတွင် ၅၂ ဒသမ ၄၃ မှတ်ရရှိထားပြီး ရန်ကုန်အောက်တွင် ဟိုချီမင်းမြို့တော်၊ ကရာကက်စ်နှင့် ကရာချိမြို့များသာ ကျန်တော့သည်။
၂၀၀၇ ခုနှစ်မှ ၂၀၁၆ ခုနှစ်များအကြား အကြမ်းဖက်တိုက်ခိုက်မှုများကြောင့် ဒဏ်ရာရသေဆုံးမှု များပြားသည့် မြို့ကြီးများစာရင်းတွင် ရန်ကုန်ကို နံပါတ် ၁၇ နေရာတွင် ဖော်ပြထားသည်။
ထို့အပြင် ရန်ကုန်၏ ယာဉ်လမ်းကြောပိတ်ဆို့မှု ကြောက်မက်ဖွယ်အဆင့်သို့ ရောက်ရှိနေသည်ဟုလည်း ဖော်ပြသည်။
လစဉ် ယာဉ်မတော်တဆမှုများကြောင့် လူပေါင်းရာနှင့်ချီ၍ သေဆုံးနေရပြီး နှစ်စဉ်သေဆုံးမှုပမာဏ မြင့်တက်လျက်ရှိသည်ဟု ဆိုသည်။
ရန်ကုန်ရဲတပ်ဖွဲ့မှ ထုတ်ပြန်သည့် အစီရင်ခံစာတစ်ရပ်အရ ၂၀၁၆ ခုနှစ်၊ ပထမနှစ်ဝက်ကာလအတွင်း မုဒိမ်းမှု ၉၆ မှု၊ လူသတ်မှု ၉၃ မှု၊ လုယက်မှု ၂၆ မှုနှင့် ခိုးမှု ၃ မှု ဖြစ်ပွားခဲ့သည်ဟု ဆိုသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)