ျမန္မာႏိုင္ငံ၏ တတိယေျမာက္ အထူးစီးပြားေရးဇုန္ ျဖစ္လာမည့္ ထားဝယ္ အထူးစီးပြားေရးဇုန္မွ ထိုင္းႏိုင္ငံ ဘန္ေကာက္ၿမိဳ႕အထိ ေလးနာရီသာ ၾကာျမင့္မည့္ အျမန္လမ္းမ ေဖာက္လုပ္မည္ျဖစ္ေၾကာင္း ထားဝယ္အထူးစီးပြားေရးဇုန္
စီမံခန္႔ခြဲမႈ ေကာ္မတီ ဒုတိယဥကၠ႒ ဦးၿဖိဳးဝင္းထြန္းက ေျပာၾကားသည္။
လက္ရွိအခ်ိန္တြင္ အဆိုပါ အျမန္လမ္း တည္ေဆာက္ရန္အတြက္ ထိုင္းႏိုင္ငံမွ ပညာရွင္မ်ားႏွင့္ ေဆာက္လုပ္ေရး ဝန္ႀကီးဌာနမွ အင္ဂ်င္နီယာမ်ားက ေလ့လာဆန္းစစ္မႈမ်ား လုပ္ေဆာင္လ်က္ရွိၿပီး ယင္းလမ္းတည္ေဆာက္မႈသည္ ၂ ႏွစ္ခြဲခန္႔ ၾကာျမင့္ႏိုင္ေၾကာင္း ၎က ဆိုသည္။
“စီးပြားေရးဇုန္အတြက္က လမ္းပန္းဆက္သြယ္ေရးေတြ၊ လွ်ပ္စစ္မီးလို အေျခခံ အေဆာက္အဦေတြ လိုတယ္။ ထားဝယ္ ေရနက္ဆိပ္ကမ္းကေန ဒီလမ္းၿပီးသြားရင္ ထိုင္းနယ္စပ္ကို ႏွစ္နာရီပဲ ၾကာမယ္။ ဘန္ေကာက္အထိကို ေလးနာရီနဲ႔ ေရာက္ႏိုင္မယ္”ဟု ၎က ရွင္းျပသည္။
ယင္းလမ္းတည္ေဆာက္မႈအတြက္ ထိုင္းႏိုင္ငံမွ ေခ်းေငြ ဘတ္သန္း ၄၅၀ဝ ေခ်းယူရန္အတြက္ ႏွစ္ႏိုင္ငံအစိုးရ တာဝန္ရွိသူမ်ားအၾကား သေဘာတူညီမႈ ရရွိထားၿပီးျဖစ္ေၾကာင္း၊ အဆိုပါ ေခ်းေငြရယူရန္အတြက္ ျပည္သူ႔လႊတ္ေတာ္သို႔ တင္ျပၿပီး လႊတ္ေတာ္၏ အတည္ျပဳခ်က္ ရယူသြားမည္ျဖစ္ေၾကာင္း၊ ယင္းသို႔လုပ္ငန္းစဥ္ အဆင့္ဆင့္မ်ား ၿပီးစီးပါက အဆိုပါလမ္းမအတြက္ ကုမၸဏီမ်ားကို တင္ဒါ ေခၚယူသြားမည္ျဖစ္ေၾကာင္း ထားဝယ္ အထူးစီးပြားေရးဇုန္ စီမံခန္႔ခြဲမႈ ေကာ္မတီထံမွ သိရသည္။
ထားဝယ္ အထူးစီးပြားေရးဇုန္သည္ ေျမဧက ၄၈၀ဝ၀ ခန္႔ က်ယ္ဝန္းမည္ ျဖစ္ၿပီး အဆိုပါအျမန္လမ္းမသည္ ထားဝယ္ အထူးစီးပြားေရးဇုန္၏ ပထမအဆင့္ စီမံကိန္းျဖစ္ကာ အထူးစီးပြားေရးဇုန္ ဒုတိယအဆင့္ စီမံကိန္းကို ထိုင္းႏိုင္ငံအျပင္ ဂ်ပန္ႏိုင္ငံႏွင့္ပါ ပူးေပါင္း အေကာင္အထည္ ေဖာ္ေဆာင္သြားမည္ျဖစ္သည္။
ထားဝယ္ အထူးစီးပြားေရးဇုန္ကို အေကာင္အထည္ေဖာ္ရန္ ၂၀၁၀ ျပည့္ႏွစ္တြင္ အီတာလ်ံ ထိုင္းကုမၸဏီႏွင့္ ျမန္မာအစိုးရတို႔အၾကား လုပ္ငန္းလုပ္ကိုင္ခြင့္ သေဘာတူစာခ်ဳပ္ ခ်ဳပ္ဆိုခဲ့ၿပီး ကုမၸဏီက ၂၀၁၂ ခုႏွစ္တြင္ အထူးစီးပြားေရးဇုန္ စီမံကိန္းတြင္ ေငြေၾကးရင္းႏွီးျမႇဳပ္ႏွံမႈကို ရပ္ဆိုင္းလိုက္ေၾကာင္း ေၾကညာခဲ့သည္။
လက္ရွိအခ်ိန္တြင္ ျမန္မာႏိုင္ငံ၌ ေရနက္ဆိပ္ကမ္း စီမံကိန္း ပါဝင္ေသာ အထူးစီးပြားေရးဇုန္စီမံကိန္း သံုးခုကို လုပ္ေဆာင္လ်က္ရွိၿပီး ရန္ကုန္ၿမိဳ႕ရွိ သီလဝါ အထူးစီးပြားေရးဇုန္ တစ္ခုသာ လုပ္ငန္းလည္ပတ္လ်က္ရွိကာ ရခိုင္ျပည္နယ္ႏွင့္ တနသၤာ တိုင္းေဒသႀကီးတို႔တြင္ အေကာင္အထည္ေဖာ္မည့္ ေက်ာက္ျဖဴ အထူးစီးပြားေရးဇုန္ႏွင့္ ထားဝယ္ အထူးစီးပြားေရးဇုန္တို႔ကိုလည္း လုပ္ငန္းမ်ား စတင္ အေကာင္အထည္ေဖာ္ႏိုင္ရန္ လုပ္ေဆာင္လ်က္ရွိသည္။
Credit: The Voice
![[ပရလောက ဖြစ်ရပ်ထူး] ဂါနာနိုင်ငံတွင် ကက်သလစ် သီလရှင်တစ်ပါးက ဆေးရုံတစ်ခု၏ ရင်ခွဲရုံရှိ သေဆုံးသွားသူများအား ဈာပနကိစ္စအတွက်](https://imh-images-prod.s3.ap-southeast-1.amazonaws.com/pictures/news/dr5b5kh/1147841-0877415001748325664-02.png)
![[ဆန်းကြယ်သော ကံကြမ္မာ] အမေရိကန်တွင် အမျိုးသားတစ်ဦးမှာ ဒေါ်လာ ၁၆၇ သန်း ထီပေါက်ပြီး ရက်ပိုင်းအကြာတွင် ဖမ်းဆီးခံရ...](https://imh-images-prod.s3.ap-southeast-1.amazonaws.com/pictures/news/dr5b5kh/1149901-0083968001750134093-02.jpg "[ဆန်းကြယ်သော ကံကြမ္မာ] အမေရိကန်တွင် အမျိုးသားတစ်ဦးမှာ ဒေါ်လာ ၁၆၇ သန်း ထီပေါက်ပြီး ရက်ပိုင်းအကြာတွင် ဖမ်းဆီးခံရ...")
