ခွင့်ပြုသည်ထက်

လုပ်ငန်းရှင်တစ်ဦးအနေ နှင့် မိမိလုပ်ငန်းလုပ်ရန် လျာထားပုံစံကို မိမိစိတ်ကြိုက်ရွေးချယ်ပြီး သက်ဆိုင်ရာကို တင်ပြရသည်။တင်ပြလျှောက်ထားချက်တို့ကို
သက်ဆိုင် ရာဌာနက စစ်ဆေးပြီး ခွင့်ပြုလို့ရသဖြင့် ခွင့်ပြုခဲ့သည်။

လုပ်ငန်းရှင်အနေနှင့် သက်ဆိုင် ရာဌာနက ခွင့်ပြုချက်ရသည့်ပုံစံအတိုင်း ဆောက်ကြရမည်ဖြစ်သည်။ ထိုသို့မဟုတ် ဘဲ မိမိတင်ပြလျှောက်ထားပြီး သက်ဆိုင်ရာဌာနက ခွင့်ပြုသည့်ပုံစံအတိုင်း လိုက်နာ တည်ဆောက်ခြင်းမရှိဘဲ ပုံစံပြောင်းဆောက် လုပ်ခြင်း၊ ခွင့်ပြုအထပ်ရေထက် ပိုမို ဆောက်လုပ်ခြင်းတို့ ပြုလုပ်တတ်ကြသည်။ဌာနဆိုင်ရာ
က လာရောက်စစ်ဆေးလျှင် နောက်ကိစ္စနောက်မှရှင်းမည်ဟု အရဲကိုးတတ်ကြသည်ကို တွေ့ခဲ့ဖူးသည်။

ယခင့်ယခင်က အချို့သော လုပ်ငန်းရှင်တို့သည် ခွင့်ပြုချက်မဲ့၊ ခွင့်ပြု ပုံစံတို့နှင့် ကွဲလွဲပြင်ဆင်ထပ်တိုးထားသော အဆောက်အအုံတို့ကို တည်ဆောက်ခဲ့မှု များ ရှိခဲ့ကြသည်။ ဆောက်လုပ်ပြီး၍လူ နေထိုင်ခွင့်ကျဖို့ စစ်ဆေးမှုများ လုပ်သော အခါ သက်ဆိုင်ရာဌာန၏ ခွင့်ပြုပုံစံမဟုတ် သဖြင့် နှောင့်နှေးကြန့်ကြာ နေတတ်သည် ကို တွေ့ခဲ့ရဖူးသည်။
နောက်များ ဘယ်လို ဖြေရှင်းပြီးစီးသွားသည်မသိပါ။လုပ်ငန်း လုပ်မည့်သူများကလည်း ၎င်းင်းအဆောက် အအုံရှိ အခန်းတို့ကို အလျှိုအလျှိုငှားရမ်း လာသည်။ နေထိုင်သူတိုကလည်း ၀ယ်ယူ နေထိုင်လာကြသည်။ အခြေအနေတို့သည် ဘာကိုပြနေသနည်း။ ခန့်မှန်းတွက်ဆ၍ ရနိုင်ကြမည်ထင်သည်။

ယခင်က အမေးမရှိခဲ့သော မေးခွန်းတို့သည် ယခုအစိုးရသစ်လက် ထက် ဒုတိယအကြိမ် ရန်ကုန်တိုင်းဒေသ ကြီး လွှတ်တော် ပဥ္ဒမပုံမှန်အစည်းအဝေး ဒုတိယနေ့တွင် မရမ်းကုန်း မဲဆန်္ဒနယ် အမှတ်(၁) လွှတ်တော်ကိုယ်စားလှယ် ဦးရန်ရှင်းက ရန်ကုန်မြို့တော်စည်ပင် သာယာရေးနယ်နိမိတ်အတွင်း ခွင့်ပြုချက်မဲ့ အဆောက်အအုံများတည်ဆောက်ခြင်း၊ ခွင့်ပြုအထပ်အရေအတွက်ထက် ပိုမိုဆောက်လုပ်နေခြင်းအား ထိရောက်စွာတားမြစ်သွားနိုင်ရန် ယခုထက် ပိုမိုထိရောက် သော ဒဏ်ငွေများ တိုးမြှင့်ကောက်ခံသွားရန်၊ ထိုသို့ဖြစ်စဉ်များ မပေါ်ပေါက်ရေး အတွက် ပြည်သူလူထုအား ပညာပေးလုပ်ငန်းများ ဆောင်ရွက်သွားရန်၊ ငါးထပ် ထက်မပိုသော အဆောက်အအုံများ တည်ဆောက်ရန် ခွင့်ပြုပါမစ်များကို စာရွက်စာတမ်းပြည့်စုံပါက မည်သည့်ရက်အတွင်း ခွင့်ပြုမိန့်ချထားပေးပြီး ပါမစ်လွယ်ကူစွာ ရက်အနည်းငယ်အတွင်း ရရှိနိုင်ရေးအတွက် အစီစဉ်များ ချမှတ်ဆောင်ရွက်သွားရန် အစီအစဉ်ရှိ/မရှိ မေးခွန်းတို့ကို လွှတ်တော် တွင် အမေးရှိလာသည်။

အဆောက်အအုံဆောက်လုပ်ကြတဲ့ သူတွေအနေနှင့် ဥပဒေပါတားမြစ် ချက်တစ်ရပ်ရပ်ကို ဖောက်ဖျက်ကျူးလွန် ကြောင်း ဒါမှမဟုတ် လိုက်နာရန် ပျက်ကွက်ခဲ့တယ်ဆိုပါက အဲဒီသူကို ထောင်ဒဏ်(၁)နှစ်ဖြစ်စေ၊ အနည်ဆုံး ငွေဒဏ်ကျပ်တစ်သောင်းကနေပြီး အများဆုံးဒဏ်ငွေကျပ် ငါးသိန်းအထိနှင့် ဒဏ်နှစ်ရပ်လုံးကိုလည်း ချမှတ်နိုင်သည်။ ပြစ်ဒဏ်ချမှတ်ခံထားရသူ အနေနှင့် ပြဋ္ဌာန်းချက်တွေကိုဆက်ပြီး ဖောက်ဖျက်ကျူးလွန်နေလျှင်၊ လိုက်နာရန် ပျက်ကွက်လျှင် အဲဒီပျက်ကွက်တဲ့နေ့ကစပြီး တစ်နေ့ကို ဒဏ်ငွေကျပ်တစ်သောင်းမှ အများဆုံး ကျပ်ငါးသောင်းအထိ ဒဏ်တပ် နိုင်ပါသည်။ ဒါမှမဟုတ် ထောင်ဒဏ်(၁)နှစ်ထိ ပြစ်ဒဏ်ချမှတ်နိုင်သည်ဟု သိရပါ သည်။

သက်ဆိုင်ရာဌာနက ခွင့်ပြုထား သည်ထက် ခွင့်ပြုချက်မဲ့ ဆောက်လုပ်သော အဆောက်အအုံတို့အား တရားရုံးက ချ မှတ်ထားသည့်ပြစ်ဒဏ်တို့ ကျခံစေရမည့် အပြင် ကြိုတင်ဆောက်လုပ်သည့်အတွက် ဒဏ်ကြေးငွေကောက်ခံ၍ ခွင့်ပြုမိန့်ရရှိရေး ကို ဆက်လက် ဆောင်ရွက်ပေးလျက်ရှိ သည်။ ၂၀၁၃ ခုနှစ် တည်ဆဲဥပဒေအရ အရေးယူဆောင်ရွက်နေသော်လည်း ဒဏ် ကြေးတိုးမြှင့်ကောက်ခံခြင်း မရှိသေး ကြောင်း သိရသည်။

လိုင်စင်မဲ့ ကန်ထရိုက်တာတို့နှင့် အဆောက်အအုံဆောက်လုပ်ခြင်း၊ ခွင့်ပြု ချက်မရှိဘဲ အဆောက်အအုံဆောက်လုပ် ခြင်းမပြုလုပ်ရန်နှင့် ခွင့်ပြုချက်မဲ့ ဆောက် လုပ်ခြင်းများလုပ်ဆောင်ပါက ထိရောက်စွာ အရေးယူတော့မည့်အကြောင်းကိုလည်း ရန်ကုန်မြို့တော်စည်ပင်သာယာရေးကော် မတီအနေနှင့်လည်း သတင်းစာများကနေ သုံးကြိမ်တိုင် ကြေညာခဲ့ပြီးလည်း ဖြစ် သည်။ ၂၀၁၄ ခုနှစ် ဇူလိုင် ၇ ရက်ကလည်း ရန်ကုန်မြို့တော်စည်ပင်သာယာရေးကော် မတီ အင်ဂျင်နီယာဌာန အဆောက်အအုံ တွင် စာနယ်ဇင်းများကိုဖိတ်ကြားပြီး ခွင့်ပြုချက်မဲ့ ဆောက်လုပ်သူများကို ထိရောက် တဲ့အရေးယူမှုများကို ပြုလုပ်တော့မည်ဖြစ်ကြောင်း အသိပေးဆွေးနွေးမှုလည်း လုပ်ခဲ့သည်။

အဆောက်အအုံဆောက်လုပ် ရာတွင်လည်း အဆောက်အအုံဆောက် လုပ်ခွင့်အား သတ်မှတ်စာရွက်စာတမ်း ပြည့်စုံပြီးမြေပြင်အချက်အလက်များဖြင့် ကိုက်ညီမှုရှိပါက မြေပိုင်ဆိုင်မှုမှန်ကန် သော မြေကွက်တို့တွင် လေးထပ်အောက် အထပ်မြင့် ဆောက်လုပ်ခွင့်များကို ၂၁ ရက်၊ လေးထပ်မှ ကိုးထပ်အောက် အထပ် မြင့်အဆောက်အအုံများကို ၄၅ ရက်နှင့် မြေပိုင်ဆိုင်မှုအတည်မပြုနိုင်သော အရပ် စာချုပ်ဖြင့် လျှောက်ထားသည့် သုံးထပ်အောက် အထပ်ငယ်အဆောက်အအုံများ ကို ၃၅ရက်အတွင်း စိစစ်၍ ခွင့်ပြုနေသည်။ထို့ထက် ပိုမိုလွယ်ကူလျင်မြန်စေရန် E-Government စနစ်ဖြင့် လျှောက်ထား မှုကိုလည်း ဆောင်ရွက်ပေးနေကြောင်း ရန်ကုန်မြို့တော်စည်ပင်သာယာရေးဝန်ကြီး ကလည်း မေးမြန်းချက်များကို လွှတ်တော် တွင် ဖြေကြားရှင်းလင်းခဲ့ပြီးလည်း ဖြစ် သည်။ ဆောက်လုပ်ရေးလုပ်ကြမည့်သူများ အနေနှင့် ခွင့်ပြုချက်နှင့်အညီ လုပ်ကိုင်ကြ ဖို့ လိုပေသည်။

အရည်အသွေးနှင့် စံချိန်စံညွှန်း မမီသောပစ်္စည်းများနှင့် တည်ဆောက်ခြင်း၊ ခွင့်ပြုခြင်းမရှိသောပုံစံ၊ ခွင့်ပြုချက်မဲ့ ဆောက်ခြင်းတို့ကို ပြင်းပြင်းထန်ထန် ဒဏ်တပ်သင့်သည်ဟု မြင်သည်။ ယခင် သုံးထပ်တိုက်တို့သည် ယခုငါးထပ်တိုက် တို့နီးပါးမျှရှိသည်ကို နှိုင်းဆကြည့်နိုင် သည်။ လုပ်ငန်းရှင်တို့အနေနှင့် တွက်ခြေ ကိုက်အောင်လုပ်ခဲ့ကြရင်း နေထိုင်သူတို့ မွန်းကြပ်နေကြရသည့်အဖြစ်မျိုး မဖြစ်ရန် လိုပါသည်။

သက်တမ်းစေ့ နေထိုင်နိုင်ဖို့ အရည်အသွေးနှင့် စံချိန်စံညွှန်းမီသော ဖွဲ့စပ်မှုတို့လိုပါသည်။ တာဝန်ယူတာဝန်ခံ ထားသော ဆောက်လုပ်ရေး အင်ဂျင်နီယာ၊ ကန်ထရိုက်တာတို့အနေနှင့် စတင်ဆောက် လုပ်သည်မှ ပြီးဆုံးသည်အထိ ကြီးကြပ် ကွပ်ကဲသင့်သည်။ ဥပဒေကို မထေမဲ့မြင် ပြုပြီး၊ အသက်တွေကိုရင်းပြီး နေကြရမည် ဖြစ်သော အဆောက်အအုံတို့ကို ခွင့်ပြု ခြင်းမရှိသော ခွင့်ပြုချက်မဲ့ပုံစံတို့ကို သက် ဆိုင်ရာ တာဝန်ရှိသူတွေအနေနှင့် မပြတ် စစ်ဆေးနေသင့်သည်။

နိုင်ငံတော်ဖွံ့ဖြိုးတိုးတတ်မှုနှင့် အတူ လှပခိုင်မာသော အခြေခံအဆောက် အအုံတို့ကို နည်းလမ်းတကျ၊ စည်းကမ်း ကျနစွာ မိမိတို့၏ပုံရိပ်နှင့် ဂုဏ်ကို မြှင့်တင်နိုင်ကြဖို့အတွက် အသိပေး လက်တို့လိုက်ရပါသည်။

ဦးအောင်ခင် မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com