အခြေခံအဆောက်အအုံဖွံ့ဖြိုးတိုးတက်မှုက မြန်မာနိုင်ငံအတွက် ရေရှည်တည်တံ့စေမယ့် စီးပွားရေးဖွံဖြိုးတိုးတက်မှုကို ပံ့ပိုးနိုင်

အရည်အသွေးမြင့်မားသော အခြေခံအဆောက်အဦးများကစီးပွားရေးဖွံ့ဖြိုးတိုးတက်စေဖို့ အကောင်အထည်ဖော်ခြင်းနဲ့မြန်မာနိုင်ငံရဲ့ စွမ်းအားအစစ်အမှန်ကို ဖော်ထုတ်ခြင်းတို့မှာမရှိမဖြစ် အခန်းကဏ္ဍမှ ပါဝင်လာမှာဖြစ်တယ်လို့ အောက်တိုဘာ ၁၂ ရက်နေ့က ဂျပန်စိုးရမှ ကျင်းပတဲ့“အရည်အသွေးမီ အခြေခံအဆောက်အဦးများဆိုင်ရာဒိုင်ယာလော့ဂ် - အာရှ၏အနာဂတ်ကိုတည်ဆောက်ခြင်း” ဆွေးနွေးပွဲမှာ မြန်မာနဲ့ဂျပန်အစိုးရတာဝန်ရှိသူတွေက ပြောကြားခဲ့ပါတယ်။

အဆိုပါဆွေးနွေးပွဲမှာ မြန်မာနိုင်ငံ အလျှင်အမြန်တိုးတက်ရေးအတွက် မည်သို့သော အရည်အသွေးမီ အခြေခံအဆောက်အဦးများ လိုအပ်သနည်းဟူသောအချက်နဲ့ ဂျပန်နိုင်ငံအနေဖြင့် အရေးပါသော အခန်းကဏ္ဍမှ မည်သို့ပါဝင်နိုင်
သည် ဟူသောအချက်တို့ကို ဆွေးနွေးခဲ့ကြခြင်းဖြစ်ပါတယ်။

မြန်မာနိုင်ငံရှိ ဂျပန်သံရုံးမှ ကောင်စစ်ဝန် Mr. Kazuyuki Takimi က ဂျပန်အစိုးရကိုယ်စား အဖွင့်စကားပြောရာမှာ“အကန့်အသတ်ရှိတဲ့အရင်းအမြစ်အတွင်းမှာသင့်လျော်တဲ့အရည်အသွေးမြင့်အဆောက်အုံ ဖွံ့ဖြိုးဆဲနိုင်ငံ တွေအတွက် အရည်အသွေးမြင့်အဆောက်အအုံတွေက အဓိကအရေးကြီးတဲ့အပိုင်းက
ပါဝင်နေပါတယ်”လို့ ထည့်သွင်းပြောကြားပါတယ်။

“ဘီလူးချောင်း၊ အမှတ် (၂) ဟိုဒရိုပါဝါ Plant နဲ့ သီလဝါ စက်မှုဇုံရဲ့ စိမံကိန်းတွေအတိုင်းပဲဂျပန်နိုင်ငံရဲ့အတွေ့အကြုံ၊ နည်းပညာများကြွယ်ဝမှုနဲ့ အရည်အသွေး မီ အခြေ ခံအဆောက်အဦးဆိုင်ရာ သိမှတ်စရာတွေကနေတဆင့် မြန်မာနိုင်ငံရဲ့ အခြေခံအဆောက်အ အုံဖွံ့ဖြိုးတိုးတက်မှု ကို ကျွန်တော်တို့
ဆက်လက်ဖြည့်ဆည်းပေးသွားမှာပါ” လို့ ဆက်လက်ပြောပါတယ်။

ဘဏ္ဍာရေးနှင့် စီမံကိန်းဝန်ကြီးဌာန၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနရဲ့ညွှန်ကြားရေးမှူးချုပ်ဦးအောင်နိုင်ဦးက “အရည်အသွေးမြင့် အခြေခံအဆောက်အအုံ ဖွံဖြိုးတိုးတက်မှုဟာနိုင်ငံခြားက တိုက်ရိုက်ရင်းနှီးမြှုပ်နှံမှုတွေမြန်မာနိုင်ငံကိုဝင်ရောက်လာဖို့ အားပေး တိုက်တွန်း ဖို့အတွက်အရေးကြီးတယ်ဆိုတာကို ကျွန်တော်တို့ နားလည်သိရှိထားပါတယ်” လို့ ပြောပါတယ်။

Price Waterhouse Coopers Singapore ရဲ့ အကြီးတန်းမန်နေဂျာ Mr. Satoshi Takesadaကမြန်မာနိုင်ငံအတွင်း ထိန်းသိမ်းထားနိုင်မယ့် စီးပွားရေးတိုးတက်မှုများ ဖြစ်ပေါ်လာစေမယ့်ပြည်ပမှ တိုက်ရိုက်ရင်းနှီးမြုပ်နှံမှုများကို အားပေးရန်အတွက် အရည်အသွေးမီအခြေခံအဆောက်အဦးအရေးကြီးကြောင်း ပြောပါတယ်။

Credit: SFJ Strategy First