နေပြည်တော် အိမ်ခြံမြေ အရောင်းရော အငှားပါသွက်

နေပြည်တော်အိမ်ခြံမြေဈေးကွက်မှာ အရောင်းရော၊ အငှားပါသွက်နေပြီး
လမ်းသာတဲ့ နေရာတွေထက်လုံခြုံမှုရှိတဲ့နေရာတွေကို ပိုပြီးစိတ်ဝင်စား
လာကြတယ်လို့ နေပြည်တော်အိမ်ခြံမြေဈေးကွက်က သိရပါတယ်။

‘လူစည်တဲ့နေရာမျိုး၊ လုံခြုံမှုရှိတဲ့နေရာမျိုးဆိုကြိုက်တယ်၊ လမ်းဘေးကဘာညာသိပ်မကြည့်တော့ဘူး’ လို့ဇေယျာအိမ်ခြံမြေအကျိုးဆောင်လုပ်ငန်းမှ ဦးနန္ဒကျော်က ပြောပါတယ်။

အရောင်းအ၀ယ်အဖြစ်ဆုံးနေရာတွေကတော့ ဇမ္ဗူသီရိမြို့နယ်၊
ဥတ္တရသီရိမြို့နယ်နဲ့ ဒက္ခိဏသီရိမြို့နယ် တို့ဖြစ်တယ်လို့ သိရပါတယ်။

‘အဆောက်အအုံပါ မြေကွက်တွေ ပိုမက်ကြတယ်ဆိုပေမဲ့
နေရာကောင်းရင်တော့ အဆောက်အအုံ မပါလဲဝယ်နေကြပါတယ်။’ လို့လည်းကိုနန္ဒကျော် ကပဲပြောပါတယ်။

ပြီးခဲ့တဲ့ နှစ်လလောက်ကတော့ နေပြည်တော်အိမ်ခြံမြေဈေးကွက်မှာ အရောင်းအ၀ယ်ပုံမှန်ဖြစ်နေပေမဲ့ သိန်း ၅၀၀ ၀န်းကျင်လောက်သာရှိတဲ့
မြေကွက်တွေလောက်သာ အရောင်းအ၀ယ်ဖြစ်နေခဲ့တာပါ။ လက်ရှိမှာတော့အငှားရော အရောင်းအ၀ယ်ပါ သွက်နေပြီး အငှားဆိုရင် သုံးသိန်းဝန်းကျင်တန် အိမ်တွေ ပိုပြီးငှားနေရတယ်လို့သိရပါတယ်။ ဥတ္တရသီရိဘက်မှာတော့
သိန်း ၁၀၀၀ ၀န်းကျင်ရှိအဆောက်အအုံပါ မြေကွက်တွေ အနည်းငယ်အရောင်းအ၀ယ်ဖြစ်နေတာက နိုင်ငံခြားမှာ နေထိုင်တဲ့သူတွေက ပိုပြီး
ဝယ်ယူနေတဲ့အတွက်ကြောင့် ဖြစ်တယ်လို့လည်းသိရပါတယ်။

‘နေပြည်တော်ရဲ့ အိမ်ခြံမြေဈေးကွက်ကတော့ ရောင်းငှားဝယ်
အကုန်ကောင်းဦးမှာပဲ၊ ဘာလို့လဲဆိုတော့ ဈေးနှုန်းတွေက တခြားမြို့ကြီးတွေနဲ့ယှဉ်ရင် သင့်တင့်တဲ့ နှုန်းထားမှာ ရှိနေတုန်းပဲ’ လို့ မြန်မာနိုင်ငံအိမ်ခြံမြေ၀န်ဆောင်မှုအသင်း (နေပြည်တော်) မှ အတွင်းရေးမှူး ဦးကျော်စွာမြင့်က
ပြောပါတယ်။

Credit: The Modern