အမေရိကန်ပေါ့ပ်ကြယ်ပွင့် ကေတီပယ်ရီ လော့စ်အိန်ဂျလိနေအိမ်ကို အရောင်းဈေးကွက်တင်

ကမ္ဘာကျော် အမေရိကန်ပေါ့ပ်အဆိုတော်မလေး ကေတီပယ်ရီသည် လော့စ်အိန်ဂျလိမြို့၊ ဟောလိဝုဒ်ဟေးလ်ရှိ နေအိမ်ကို အရောင်းဈေးကွက်တင်လာသည်။

ဟောလိဝုဒ်ဟေးလ်တွင် ၂၀၁၃ ခုနှစ်အတွင်း အိုင်လင်း ဂက်တီထံမှ ဝယ်ယူခဲ့သည့် ကပ်လျက်ခြံဝန်း ၂ ခုအနက် တစ်ခုကို ပြန်လည်ရောင်းချခြင်း ဖြစ်သည်။
မူလက ခြံဝန်းနှစ်ခုလုံးတွဲလျက် အရောင်းဈေးကွက်တင်ခဲ့ပြီး
ရောင်းမထွက်ခဲ့ချေ။

ထို့ကြောင့်ယခုအခါ ခြံဝန်း ၂ ခုအနက် ပိုမိုကျယ်ဝန်းသည့် ခြံဝန်းကို ဈေးကွက်တင်လာခြင်းဖြစ်သည်။ယင်းခြံဝန်းမှာ စတုရန်းပေ ၇၅၀၀ နီးပါးကျယ်ဝန်းပြီး နေအိမ်ကို မြေထဲပင်လယ်ဗိသုကာဟန်ဖြင့် ဆောက်လုပ်ထားသည်။

နေအိမ်အတွင်း အိပ်ခန်း ၄ ခန်း၊ လုံခြုံရေးအစောင့်အိမ်၊ အားကစားလေ့ကျင့်ရေးအဆောက်အအုံ၊ ရေကူးကန်တစ်ခု၊ မီးလင်းဖိုများစွာ ပါဝင်သည်။
ခြံအကျယ်အဝန်း ၂ ဧကခန့်ရှိပြီး သစ်သီးဝလံပင်များ၊ ပန်းဥယျာဉ်များဖြင့် ဝန်းပတ်လျက်ရှိသည်။

နေအိမ်ဝန်းကျင်တွင် နာမည်ကျော် Runyon Canyon Park တည်ရှိသည်။
ကေတီပယ်ရီသည် မကြာသေးမီလပိုင်းများအတွင်း အိမ်ခြံမြေဝယ်ယူမှု၊ ရောင်းချမှုများ များစွာပြုလုပ်လာသည်။

ဘီဗာလီဟေးလ်ရှိ စတုရန်းပေ ၅၅၀၀ ကျယ်ဝန်းသော နေအိမ်တစ်လုံးကိုဝယ်ယူလိုက်သည့်အပြင် သီလရှင်ကျောင်းကို ဝယ်ယူရန်ကြိုးစားမှုတွင် သီလရှင်တို့နှင့်ဖြစ်ပွားသည့် အမှုတစ်ခုကိုလည်း အနိုင်ရခဲ့သေးသည်။
(အဆိုပါ အမှုအကြောင်းကို iMyanmarHouse.com တွင် ရေးသားတင်ပြခဲ့ပြီးဖြစ်ရာ ပြန်လည်ဖတ်ရှုလိုပါက https://www.imyanmarhouse.com/news/read/586898 အင်တာနက်လင့်ခ်တွင် ဖတ်ရှုနိုင်ပါသည်)

ကေတီပယ်ရီက ယခုဟောလိဝုဒ်ဟေးလ်နေအိမ်ကို ကန်ဒေါ်လာ ၉ ဒသမ ၄၅ သန်းဈေးခေါ်ထားသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)