မွန်ပြည်နယ်မှာ ရင်းနှီးမြှုပ်နှံမှု လုပ်ရန် တရုတ် မျက်စိကျနေ

သစ်သီးဝလံ၊ သဘာဝ သယံဇာတနှင့် ရာသီဥတု ရေခံမြေခံ ကောင်းမွန်သည့် မွန်ပြည်နယ်၌ စီးပွားရေး ရင်းနှီး မြှုပ်နှံမှု လုပ်ကိုင်ရန် တရုတ်နိုင်ငံက စိတ်ဝင်စားလျက် ရှိကြောင်း တရုတ်သံအမတ်ကြီးက မွန်ပြည်နယ်အစိုးရအဖွဲ့နှင့် မနေ့က လာရောက်တွေ့ဆုံစဉ် ထုတ်ဖော်ပြောကြားသည်။

မြန်မာနိုင်ငံဆိုင်ရာ တရုတ်သံအမတ်ကြီး ဟောင်လိုင်နှင့်အဖွဲ့ မော်လမြိုင်မြို့ မွန်ပြည်နယ်အစိုးရအဖွဲ့ရုံးသို့ လာရောက်ကာ ပြည်နယ်အစိုးရအဖွဲ့ဝင်များနှင့် တွေ့ဆုံခဲ့ခြင်းဖြစ်ပြီး၊ တွေ့ဆုံရာတွင် ရာဘာကုန်ချောလုပ်ငန်း၊ သစ်သီးဝလံလုပ်ငန်းနှင့် ခရီးသွားလုပ်ငန်းများအား လုပ်ကိုင်ရန် တရုတ်ရင်းနှီးမြှုပ်နှံသူများက စိတ်ဝင်စားလျက် ရှိကြောင်း တရုတ်သံအမတ်ကြီး ကပြောဆိုခဲ့သည်ဟု မွန်ပြည်နယ်အစိုးရအဖွဲ့ဝင် သယံဇာတနှင့် သဘာဝ ပတ်ဝန်းကျင် ထိန်းသိန်းရေး
ဝန်ကြီး ဒေါက်တာမင်းကြည်ဝင်းက ဧရာဝတီသို့ ပြောသည်။

“သံအမတ်ကြီး မြင်တာကတော့ ရှေ့အလားအလာ စီးပွားရေး ဖွံ့ဖြိုးတိုးတက်မှုမှာ မွန်ပြည်နယ်က အလားအလာကောင်း တယ်၊ တရုတ်ကုမ္ပဏီတွေ ဒီမှာ စီးပွားရေး ရင်းနှီးမြှုပ်နှံမှု လုပ်ကြဖို့ ဆိုတဲ့ အမြင်နဲ့ သူက ဆွေးနွေးတာပေါ့၊ ကျနော်တို့ ပြည်နယ် အစိုးရကလည်း welcome လုပ်ထား တယ်ပေါ့” ဟု ၎င်းကဆိုသည်။

မွန်ပြည်နယ်တွင် လာရောက် ရင်းနှီးမြှုပ်နှံထားသည့် နိုင်ငံခြား ကုမ္ပဏီများထဲတွင် PTTEP International ကုမ္ပဏီသည် မုတ္တမကမ်းလွန်ဒေသ၌ အမေရိကန် ဒေါ်လာ (၂၁၄၆) သန်းကို စွမ်းအင်ကဏ္ဍအတွက် ရင်းနှီးမြှုပ်နှံထားသည်။

၎င်းကုမ္ပဏီသည် မြန်မာနိုင်ငံ၏ စွမ်းအင်ကဏ္ဍ ရင်းနှီးမြှုပ်နှံထားသည့် ကုမ္ပဏီ ၁၈ ခုတွင် အများဆုံး ရင်းနှီးမြှုပ်နှံထား သည့်အပြင် မွန်ပြည်နယ်၏ နိုင်ငံတကာ ရင်းနှီးမြှုပ်နှံမှုတွင်လည်း အများဆုံး ဖြစ်သည်။

ထို့အပြင် ထိုင်းနိုင်ငံ MCL ဘိလပ်မြေစက်ရုံသည် မွန်ပြည်နယ်၌ နိုင်ငံခြား ရင်းနှီးမြှုပ်နှံမှု အမေရိကန် ဒေါ်လာ (၄၁၄) သန်းကို ရင်းနှီးမြှုပ်နှံထားပြီး စက်မှုကဏ္ဍတွင် အများဆုံး ရင်းနှီးမြှုပ်နှံထားသည့် ကုမ္ပဏီ ဖြစ်သည်။

တရုတ် သံအမတ်ကြီး ဟောင်လိုင် ၏ စီးပွားရေးအရ မွန်ပြည်နယ်သို့ ပဏာမ လေ့လာရေးခရီးစဉ် လာရောက်ခြင်းသည် NLD အစိုးရ လက်ထက်၌ ပထမဆုံးလည်း ဖြစ်သည်။

မွန်ပြည်နယ်ထွက် သစ်သီးဝလံများအား တရုတ်နိုင်ငံသို့ တင်ပို့နိုင်ရန်နှင့် အထူးသဖြင့် မွန်ပြည်နယ်ထွက် ကျွဲကောသီးများ အား အလုံးလိုက်သော်လည်းကောင်း ၊ အရည် (Juice) ထုတ်လုပ်၍ လည်းကောင်း အခြောက်အခြမ်း ပြုလုပ်ရန် တရုတ် နိုင်ငံက စိတ်ဝင်စားလျက် ရှိသည်ဟု တွေ့ဆုံစဉ်၌
တရုတ်သံအမတ်ကြီးက ထုတ်ဖော် ပြောကြားခဲ့ကြောင်း မွန်ပြည်နယ် အစိုး ရ အ ဖွဲ့ဝင်ဝန်ကြီး ဒေါ်စံဝင့်ခိုင်ကလည်း ဆိုသည်။

“အန်တီတို့ လိုလားတာက သူတို့ရဲ့ ရင်းနှီးမြှုပ်နှံမှုဆိုတာထက်ကို ဈေးကွက်စီးပွားရေးစနစ်ပေါ့နော်၊ သူတို့ရဲ့ ဝယ်သူ ဈေး ကွက် မဟုတ်ဘဲနဲ့ အန်တီတို့က Upper Hand ရတဲ့ ရောင်းသူ ဈေးကွက်ဖြစ်အောင် ဖန်တီးလုပ်ကိုင် ကြိုးပမ်းရမှာပဲ” ဟု မွန်ပြည်နယ် အစိုးရအဖွဲ့ဝင် ပအိုဝ်းတိုင်းရင်းသားရေးရာ ဝန်ကြီး ဒေါ်စံဝင့်ခိုင်က ပြောသည်။

မွန်ပြည်နယ်သို့ စီးပွားရေး ရင်းနှီးမြှုပ်နှံမှု ပြုလုပ်နိုင်ရန်အတွက် တရုတ် သံအမတ် ဟောင်လိုင် ၏ ပမာဏ လေ့လာရေး ခရီးစဉ်၌ မြန်မာနိုင်ငံဆိုင်ရာ တရုတ်သံရုံးမှ ကိုယ်စားလှယ် (၁၅) ဦး ပါဝင်ခဲ့ပြီး ၎င်းကိုယ်စားလှယ်အဖွဲ့အား မွန်ပြည်နယ် အစိုးရအဖွဲ့ ဝန်ကြီးချုပ် ဒေါက်တာအေးဇံနှင့် အစိုးရအဖွဲ့ဝင်
ဝန်ကြီးများက လက်ခံ တွေ့ဆုံခဲ့ခြင်းဖြစ်သည်။

ထိုတွေ့ဆုံပွဲအပြီးတွင် တရုတ်သံအမတ်ကြီး ဟောင်လိုင်မှ မွန်ပြည်နယ်ဝန်ကြီးချုပ်နှင့် အစိုးရအဖွဲ့ဝင်ဝန်ကြီးများ အား တရုတ်နိုင်ငံသို့ လာရောက် လေ့လာရန်လည်း တရုတ်သံအမတ်က ဖိတ်ခေါ်ခဲ့ကြောင်း မွန်ပြည်နယ်အစိုးရ အဖွဲ့ဝင် ဝန်ကြီးများက ပြောကြားသည်။

တိုင်းဒေသကြီးနှင့် ပြည်နယ်အဆင့် ရင်းနှီးမြှုပ်နှံမှုကော်မရှင်များ ဖွဲ့စည်းရန်အတွက် မြန်မာနိုင်ငံ ရင်းနှီးမြှုပ်နှံမှုကော်မရှင် (MIC) ပြီးခဲ့သည့် ၂၀၁၇ နှစ်ဆန်း၌ ကြေငြာချက် အမှတ် ၁၁/ ၂၀၁၇ ဖြင့် ညွှန်ကြားခဲ့ပြီး ဖြစ်သည်။

ထိုညွှန်ကြားချက်အရလည်း နိုင်ငံခြား ရင်းနှီးမြှုပ်နှံမှု ဒေါ်လာ (၅) သန်းထက် မပိုသည့် ရင်းနှီးမြှုပ်နှံမှုများကို တိုင်းနှင့် ပြည် နယ်အဆင့်၌ ဆုံးဖြတ်နိုင်ပြီး
ထိုထက် ပိုမိုပါက မြန်မာနိုင်ငံ ရင်းနှီးမြှုပ်နှံမှုကော်မရှင်က ဆုံးဖြတ်မည်ဖြစ်သည်။

ထိုတိုင်းဒေသကြီးနှင့် ပြည်နယ် ရင်းနှီးမြှုပ်နှံမှုကော်မရှင်၌ ဝန်ကြီးချုပ်များက ဥက္ကဋ္ဌနှင့် ရင်းနှီးမြှုပ်နှံမှုနှင့်ကုမ္ပဏီများ ညွှန် ကြားမှုဦးစီးဌာနမှ ဦးစီးမှူး၊
ဒုဦးစီးမှူးများက အတွင်းရေးမှူးအဖွဲ့ဝင်များအဖြစ် တာဝန်ယူရကာ အစိုးရအဖွဲ့ဝင် ဝန်ကြီး (၅) ဦး ပါဝင်၍ စုစုပေါင်း (၇) ဦးဖြင့် ဖွဲ့စည်းရန် ညွှန်ကြားထားသည်။

မွန်ပြည်နယ်တွင် ၁၉၉၄ ခုနှစ်မှ ၂၀၁၆ ခုနှစ်အထိ ၂၂ နှစ်အတွင်း နိုင်ငံတကာမှ လာရောက် ရင်းနှီးမြှုပ်နှံမှုသည် အမေရိ ကန် ဒေါ်လာ သန်း ၅၄၃၃ ကျော်ရှိကြောင်း မွန်ပြည်နယ် ရင်းနှီးမြှုပ်နှံမှုနှင့် ကုမ္ပဏီများ ညွှန်ကြားမှု ဦးစီးဌာနမှတ်တမ်းများ အရ သိရှိရသည်။

Credit: irrawaddy