နယူးယောက်မြို့ မန်ဟက်တန်ရှိ Penthouse ခန်းကို ဂျနီဖာလိုပက်ဇ် အရောင်းဈေးကွက်တင်

ရုပ်ရှင်နှင့် ဂီတနယ်ပယ်နှစ်ခုလုံးတွင် အောင်မြင်မှု အထွတ်အထိပ်ရရှိထားသည့် ဂျနီဖာလိုပက်ဇ်သည် နယူးယောက်မြို့ မန်ဟက်တန်ရှိ Penthouse ကွန်ဒိုခန်းကို အရောင်းဈေးကွက်တင်လာသည်။

အခန်းအကျယ်အဝန်းမှာ စတုရန်းပေ ၆၅၄၀ ကျယ်ဝန်းပြီး ကန်ဒေါ်လာ ၂၆ ဒသမ ၉၅ သန်း ဈေးခေါ်ထားသည်။

ဂျနီဖာလိုပက်ဇ်သည် အဆိုပါ duplex ခန်းကို ၂၀၁၄ ခုနှစ်အတွင်း ကန်ဒေါ်လာ ၂၀ ဒသမ ၁ သန်းဖြင့် ဝယ်ယူခဲ့ခြင်းဖြစ်ကြောင်း အိမ်ခြံမြေမှတ်တမ်းများတွင် ဖော်ပြသည်။

ထိုစဉ်က အရောင်းအဝယ်တွင် ပါဝင်ခဲ့သူတစ်ဦးက ပိုင်ရှင်မှာ ဂျနီဖာလိုပက်ဇ်ဖြစ်ကြောင်း နယူးယောက်တိုင်းမ်သတင်းစာကြီးသို့ ထုတ်ဖော်ပြောကြားခဲ့ဖူး
သည်။

မန်ဟက်တန်ရပ် အရှေ့ ၂၆ လမ်းတွင် တည်ရှိသော အဆိုပါအခန်းတွင်
အိပ်ခန်း ၄ ခန်းပါယင်ပြီး Madison Square Park အနီးတွင် တည်ရှိသည်။
ရေချိုးခန်း ၆ ခန်း၊ သီးသန့်ဓာတ်လှေကား၊ မီဒီယာခန်းမ၊ ဝန်ထမ်းခန်း၊ လသာဆောင် ၄ ခုပါဝင်ပြီး အိမ်ခန်းပြင်ပနေရာ အကျယ်အဝန်းမှာ စတုရန်းပေ ၃၀၀၀ ခန့်အထိ ပါဝင်သည်။

Modlin Group အိမ်ခြံမြေကုမ္ပဏီမှတစ်ဆင့် အရောင်းဈေးကွက်တင်လာခဲ့ခြင်းဖြစ်သည်။အဆိုပါအဆောက်အအုံတွင် အခြားနာမည်ကျော်တို့လည်း နေထိုင်လျက်ရှိရာ ဟီလာရီကလင်တန်၏သမီးဖြစ်သူ ချယ်ဆီးကလင်တန်၊ နာမည်ကျော် ပြိုင်ကားမောင်းသမား ဂျက်ဖ်ဂေါ်ဒန်တို့လည်း အပါအဝင်ဖြစ်သည်။

အဆိုပါ ပုဂ္ဂိုလ်များသည် ၎င်းတို့၏ အခန်းများ ဝယ်ယူရာတွင် ကန်ဒေါ်လာ ၁၀ သန်းအောက်သာပေးခဲ့ရကြောင်း မှတ်တမ်းများတွင် ဖော်ပြသည်။
အသက် ၄၈ နှစ်ရှိပြီဖြစ်သော မစ္စက်လိုပက်ဇ်သည် ယခုနှစ်အစောပိုင်းကလည်း လော့စ်အိန်ဂျလိရှိ နေအိမ်ကို ကန်ဒေါ်လာ ၁၀ သန်းဖြင့် ရောင်းချခဲ့ဖူးသည်။

လော့စ်အိန်ဂျလိနေအိမ်ကို ကန်ဒေါ်လာ ၁၇ သန်းဖြင့် စတင်ဈေးကွက်တင်ခဲ့ပြီး အကြိမ်ကြိမ်ဈေးလျှော့ပေးခဲ့ပြီးနောက်ပိုင်းတွင်မှ ရောင်းထွက်သွားခဲ့ခြင်း ဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)