အမေရိကန်တွင် အိပ်ခန်းပေါင်း ၅၀ နှင့် အခန်းပေါင်း ၁၁၀ ပါဝင်သည့် စံအိမ်ကြီး ဒေါ်လာတစ်သန်းဈေးလျှော့ကာ ရောင်းချမည်

အမေရိကန်ပြည်ထောင်စု၊ ဖီလာဒဲလ်ဖီးယားပြည်နယ်တွင်
အခန်းပေါင်း ၁၁၀ ပါဝင်သည့် စံအိမ်ကြီးကို ကန်ဒေါ်လာ တစ်သန်းဈေးလျှော့ကာ ၁၆ ဒသမ ၅ သန်းဖြင့် ရောင်းချမည်ဖြစ်သည်။

နာမည်ကျော် အမေရိကန်ဗိသုကာပညာရှင် ဟိုးရေ့ စ် ထရမ်းဘောအာက ဒီဇိုင်းရေးဆွဲပေးခဲ့သည့် လင်းဝုဒ်ဟောလ်စံအိမ်ကြီး၏ ခြံဝန်းအကျယ်မှာ ၃၃ ဒသမ ၈၅ ဧက ကျယ်ဝန်းသည်။

နီယိုးကလပ်စစ်ကယ်ဗိသုကာဟန်ဖြင့် ၁၈၉၇ ခုနှစ်မှ ၁၉၀၀ ပြည့်နှစ်အကြားတည်ဆောက်ခဲ့ခြင်းဖြစ်ပြီး အမေရိကန်သူဌေးကြီး
ပီ-အေ-ဘီ ဝီဒန်နာအတွက် ဆောက်လုပ်ပေးခဲ့ခြင်းဖြစ်သည်ဟု ဆိုသည်။

အခန်းပေါင်း ၁၁၀ အနက် ၅၅ ခန်းမှာ အိပ်ခန်းများ ဖြစ်ကြသည်။
၂၀၁၄ ခုနှစ်တွင် အရောင်းဈေးကွက်သို့ ရောက်ရှိခဲ့ပြီး ထိုစဉ်က ခေါ်ဈေးမှာ ကန်ဒေါ်လာ သန်း ၂၀ ဖြစ်သည်။

နှစ်အတန်ကြာရောင်းမထွက်ဘဲရှိခဲ့ပြီးနောက် ပြီးခဲ့သော မေလတွင် ကန်ဒေါ်လာ ၁၇ ဒသမ ၅ သန်းသို့ ဈေးလျှော့ကာ ရောင်းချပြန်သည်။
သို့တိုင်ရောင်းမထွက်သေးသောကြောင့် ၄ လအကြာ၊ ယခုအခါတွင် ကန်ဒေါ်လာ တစ်သန်းထပ်မံဈေးလျှော့ပေးကာ ဈေးကွက်တင်လာခြင်း ဖြစ်သည်။

“ဈေးနှုန်းကို ကျွန်တော်တို့ ပြန်ချိန်ပေးရတဲ့အကြောင်းကတော့ ဝယ်လက်တွေ ကမ်းလှမ်းလာတဲ့ဈေးက ရောင်းလက် မျှော်လင့်ထားတာနဲ့ တော်တော်လေး ဟနေလို့ပါ” ဟု ဈေးကွက်တင်သူ ဘက်ခ်ရှိုင်းယား ဟာသာဝေးအကျိုးဆောင်ကုမဏီက ဆိုသည်။

ဝီဒန်နာသည် တန်ဖိုးကြီး အနုပညာလက်ရာများ စုဆောင်းလေ့ရှိသူတစ်ဦးဖြစ်ရာ စံအိမ်ကြီးအတွင်းတွင် အနုပညာပြခန်းတစ်ခုလည်း ပါဝင်သည်။လူပေါင်း ၁၀၀၀ ဆန့် ballroom ၊ ရေကူးကန်တစ်ခု၊ ဝိုင်သိုလှောင်ခန်းများ၊ ခြံဝန်းအတွင်းတွင် တောင်ယာစိုက်ခင်းတစ်ခုတို့အပြင် လျှပ်စစ်ဓာတ်အားပေးစက်ရုံငယ်တစ်ခုပင် ပါဝင်သည်ဟု ဆိုသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)