ခရီးသွားလုပ်ငန်းဖွံ့ဖြိုးတိုးတက်မှုမှသည် အိမ် ခြံ မြေ ပြန်လည်သက်ဝင်ပါစေ

မြန်မာ့အိမ် ခြံ မြေ ဈေးကွက်သည် ထုံထိုင်းမှိုင်းဝေလွန်းလှသည်။အိမ် ခြံ မြေ အရောင်းအ၀ယ် အားကောင်းသောမြို့ကြီးများရှိဈေးကွက်ပျက်သုဉ်းလာမှုသည် အံ့သြစရာအခြေအနေသို့ပင် ရောက်ရှိလာခဲ့သည်။လွန်ခဲ့သော ဆယ်စုနှစ်အတွင်းအရောင်း အ၀ယ် ဖြစ်ထွန်းနေခဲ့သာ ရန်ကုန် ၊ မန္တလေး အစရှိသည့် မြို့ကြီးများ၌ပင် အရောင်းအ၀ယ်ကြီးကြီးမားမား ဖြစ်ထွန်းသံများ ဆွံ့အလျက်ရှိသည်။ထိုအခြေအနေသည် အိမ် ခြံ မြေ ရင်းနှီးမြုပ်နှံထားသူများ ၊အိမ်ခြံမြေအကျိုးဆောင်များ၊အိမ်ခြံမြေဈေးကွက်နှင့်ပတ်သက်ဆက်နွယ်နေသူတို့အတွက် အိပ်မက်ဆိုးတစ်ခုပင်ဖြစ်သည်။

ထိုအခြေအနေမှ လွန်မြောက်ရေးအတွက် အိမ် ခြံ မြေ နှင့်စပ်လျဉ်းသည့် မူဝါဒများအနက်မှ တံဆိပ်ခေါင်းခွန် ၊ တစ်ပေပတ်လည်တန်ဖိုး အစရှိသည်တို့ကို အစိုးရမှ ဖြေလျှော့ပေးခဲ့သည်။သို့သော် ထူးထူးခြားခြား ကောင်းမွန်လာခြင်းမရှိပေ။အမေရိကန် အပါအ၀င် ပြည်ပနိုင်ငံများမှ စီးပွားရေးပိတ်ဆိုပအရေးယူမှုများကို ရုတ်သိမ်းပေးပြီးနောက် မြန်မာ့အိမ် ခြံ မြေဈးကွက်ပြန်လည် နာလန်ထူလာရေး မျှော်လင့်ခဲ့ကြသော်လည်း လက်တွေ့တွင် လာရောက်ရင်းနှီးမြုပ်နှံသူ နည်းပါးခြင်းကြောင့် ထင်သလောက်အလုပ်မဖြစ်ပေ။ထိ်ုကဲ့သို့သော အခြေအနေများကြောင့် မြန်မာ့အိမ် ခြံ မြေ ဈေးကွက် ပြန်လည် ခေါင်းမော့လာရေး ဂယ်ပေါက်တစ်ခုလိုအပ်လာပေသည်။

အိမ် ခြံ မြေ ဈေးကွက်ဖြစ်ထွန်းရန်အတွက် အရေးအကြီးဆုံးနှင့် အဓိကအကျဆုံးမှာ နိုင်ငံစီးပွားရေးတိုးတက်ကောင်းမွန်ရေးဖြစ်သည်။လတ်တလော နိုင်ငံစီးပွားရေးနှင့် ရင်းနှီးမြုပ်နှံမှု အသွားအလာပုံစံအရ မီးခိုးတိတ်စက်ရုံဟုတင်စားခေါ်ဆိုသော ခရီးသွားလုပ်ငန်းသည် အလားအလာကောင်းများဖြစ်ပေါ်နေသည်။ အရပ်သား အစိုးရစတင်ပေါ်ပေါက်လာခဲ့ကတည်းက အရှိန်စယူခဲ့သော ခရီးသွားလုပ်ငန်းသည် ယခုအခး အရှိန်အဟုန်ကောင်းတစ်ရပ် ရရှိနေပြီဖြစ်သည်။ယင်း အားကောင်းမှု အရှိန်အဟုန်သည် အိမ် ခြံ မြေ ၏ လေးလံထိုင်းမှိုင်းနေမှုအား လှုပ်နှိုးပေးနိုင်သည့် အရာတစ်ခုဖြစ်လာပါက အိမ် ခြံ မြေ သည် ဂယ်ပေါက်တစ်ရပ်အမှန်တကယ်ပင် ရရှိလာနိုင်ကြောင်း ၀ါရင့် အိမ် ခြံ မြေ အကျိုးဆောင်များမှ မျှော်လင့်သုံးသပ်ထားကြသည်။

မြန်မာနိုင်ငံ၏ ခရီးသွားမျှော်လင့်ချက်သည် နှစ်စဉ်တိုးတက်နေကြောင်းကို ဟိုတယ်နှင်ါခရီး ၀န်ကြီးဌာနမှ ထုတ်ပြန်သော စာရင်းများအရသိရှိရသည်။ပြည်ပ ခရီးသွား ဧည့်သည်များသည်လည်း ပြည်တွင်းသို့လာရောက်မှုမှာ နှစ်စဉ်တိုးတက်လာခဲ့သည်။ မြန်မာနိုင်ငငံသို့ ခရီးသွားဧည့်သည်များလာရောက်သော အါ သွားရောက်လည်ပတ်ကြသည့် နေရာအ်ျးစုမှာ ယဉ်ကျေးမှုဇုန်များဖြစ်ကြသည့် ပုဂံ ၊ မြောက်ဦး ၊ ကမ်းခြေဒေသများဖြစ်သည့် ချောင်းသာ ၊ငွေဆောင် ၊ ငပလီ ၊အစရှိသည့်နေရာများအပြင် သဘာဝအလှအပများရှိသည့် ဒေသများသို့လည်း ခြေဆန့်လာကြသည်ကိုတွေ့ရသည်။ယင်းကဲ့သို့ ခြေဆန့်လည်ပတ်လာကြသည်နှင့်အမျှ တည်းခိုနေထိုင်စရာလိုအပ်လာသည်။

မြန်မာနိုင်ငံတွင် ဟိုတယ်အရေအတွက် များပြားလွန်းလှသော်လည်း အမှန်တကယ်လိုအပ်သည့်နေရာများစွာကျန်ရှိနေသေးကြောင်းမြန်မာနိုင်ငံခရီးသွားလာရေးလုပ်ငန်းရှင်များအသင်းမှ ဦးသက်လွင်တိုးက ထောက်ပြပြောဆိုဖူးသည်။ထို့ပြင် ခရီးသွားကဏ္ဍတွင် Infrastructure များစွာလိုအပ်နေသေးသည်ကိုလည်းတွေ့မြင်ရသည်။ထို အခြေခံအဆောက်အအုံအားလုံးနီးပါးအတွက် မြေနေရာများလိုအပ်သည်။

ယင်းကဲ့သို့သော လိုအပ်ချက်များကို ရန်ကုန် ၊မန္တလေး အစရှိသည့်မြို့ကြီးများတွင် ဖြည့်ဆည်းပေးနိုင်ပြီးဖြစ်သော်လည်း အခြားဒေသများစွာ ကျန်ရှိနေသေးသည်။ယင်းနေရာများတွင် မြေဧရိယာအများစုသည် နှစ်ပိုင်းအတွင်းလိုအပ်လာပေဦးမည်။ လက်ရှိ်တွင်လည်း ကြိုတင်ဝယ်ယူရင်းနှီးမြုပ်နှံသူအချို့ရှိလာပြီကို မြင်တွေ့ရသည်။ထိုထိုသော အခြေအနေများမှတဆင့် အိပ်ပျော်နေသော အိမ် ခြံ မြေ ဈေးကွက်အတွက် ကယ်ပေါက်တစ်ခုဖြစ်ပေါ်လာနိုင်ပါစေကြောင်း မျှောင်လင့်ရပါတော့သည်။

မင်းချို မှ iMyanmarHouse.com (အိုင်မြန်မာဟောက်စ်ဒေါ့ကွန်း) အတွက် အထူးရေးသားဖော်ပြသည်။
Credit: iMyanmarHouse.com