ဟံသာဝတီလေဆိပ်ဆောက်ရန် အစိုးရက ဦးစားပေး

လက်ရှိအကောင်အထည်ဖော်လျက်ရှိသော ပို့ဆောင်ရေးမဟာ
စီမံချက်၏ လေကြောင်းပို့ဆောင်ရေးအပိုင်းတွင် ဟံသာဝတီအပြည်ပြည်ဆိုင်
ရာလေဆိပ် ဆောက်လုပ်ရေးစီမံကိန်းသည် ပင်မဦးစားပေးဖြစ်ပြီး ယခုအစိုးရသက်တမ်းအတွင်း ထိုစီမံကိန်းတစ်ခုတည်းကိုသာ တစိုက်မတ်မတ်ဆောင်ရွက်သွားမည်ဟု ပို့ဆောင်ရေးနှင့် ဆက်သွယ်ရေးဝန်ကြီးဌာနမှ တာဝန်ရှိသူက ပြောကြားလိုက်သည်။

မူဘောင်သဘောတူညီချက်ကို တင်ဒါအောင်မြင်ထားသည့် ကုမ္ပဏီများနှင့် ရေးထိုးပြီးဖြစ်သလို လုပ်ပိုင်ခွင့်ဆိုင်ရာ သဘောတူညီမှုများကို ပို့ဆောင်ရေးနှင့် ဆက်သွယ်ရေး ဒုတိယဝန်ကြီး ဦးဆောင်ဆွေးနွေးနေပြီး ယခုနှစ်ကုန်တွင် ပြီးပြတ်နိုင်မည်ဖြစ်ကြောင်း ပို့ဆောင်/ဆက်သွယ်ဝန်ကြီးဌာန အမြဲတမ်းအတွင်းဝန် ဦးဝင်းခန့်က ပြောသည်။

''စီမံကိန်းဟာ နောက်ငါးနှစ်အတွင်းမှာ ပြီးရမှာဖြစ်တယ်။ ရန်ကုန်ကွင်းရဲ့အနေအထားအရဆိုရင် ဟံသာဝတီကွင်းက နောက်ငါးနှစ်မှာ ပြီးဖို့လိုနေပြီလို့ ဝန်ကြီးဌာနအနေနဲ့ရော လေကြောင်းဦးစီးအနေနဲ့ရော ဒီလိုပဲတွက်ချက်သုံးသပ်ဆုံးဖြတ်ထားတယ်။ နောက်ပြီးတော့ ဂျပန်က တရားဝင်ဖွံ့ဖြိုးရေးချေးငွေကိုလည်း အစိုးရက ချေးတဲ့အလုပ်ကို လုပ်ပေးရမယ်။ ဆပ်တာတော့ တင်ဒါအောင်ထားတဲ့ ကုမ္ပဏီက ဆပ်မယ်။ ဒါကြောင့် ကျန်တဲ့ဆွေးနွေးမှုအပိုင်းတွေ အများကြီးကျန်သေးတယ်''ဟု ၎င်းက ပြောသည်။

လက်ရှိရန်ကုန်အပြည်ပြည်ဆိုင်ရာလေဆိပ်သည် ခရီးသည် ၂ ဒသမ ၇ သန်းကိုသာ လက်ခံနိုင်ကာ ၂ဝ၁၃ ခုနှစ်အတွင်းက ခရီးသည်သုံးသန်းကျော်အထိ ဝင်ရောက်ခဲ့သည်။ ရန်ကုန်အပြည်ပြည်ဆိုင်ရာလေဆိပ်ကို တိုးချဲ့ရန် မြေနေရာ ကန့်သတ်ချက်များရှိပြီး တိုးတက်များပြားလာသော လေကြောင်းခရီးစဉ်များနှင့် ခေတ်မီလေယာဉ်ကြီးများ ဆင်း/တက်ရန် မလုံလောက်တော့သည့်အတွက် ရန်ကုန်အနီးတစ်ဝိုက်တွင် လေဆိပ်သစ်ဆောက်ခြင်းဖြစ်သည်ဟု ဆိုသည်။

ဟံသာဝတီလေဆိပ်တည်ဆောက်ရန်အတွက် ပဲခူးတိုင်းဒေသကြီး၊ ပဲခူးမြို့နယ်၊ ကျောက်တိုင်ကန်ကျေးရွာအနီးရှိ ၉,၆၉ဝ ဧကကျယ်ဝန်းသော ဂျပန်ခေတ်က လေယာဉ်ကွင်းဟောင်းကို ရွေးချယ်ထားပြီး တစ်နှစ်လျှင် ခရီးသည် ၁၂ သန်းကို ကိုင်တွယ်ဆောင်ရွက်ပေးနိုင်ရန် မျှော်မှန်းထားသည်။

အခြားတစ်ဖက်တွင်မူ ရန်ကုန်မြို့နှင့် လေယာဉ်ကွင်းသစ်ကြား ခရီးလမ်းအကွာအဝေးကများနေသဖြင့် အခက်အခဲကလည်း ရှိနေသည်။

''ဟံသာဝတီလေဆိပ်ကို ရန်ကုန်လေဆိပ်နဲ့ ကားလမ်းသို့မဟုတ် ရထားလမ်းနဲ့ချိတ်ဆက်ဖို့ရာ ပုဂ္ဂလိကရင်းနှီးထည့်ဝင်မှုတွေ လိုအပ်တယ်။ ရန်ကုန်လေဆိပ်နဲ့ချိတ်ဆက်ဖို့ လမ်းတွေမရှိရင် အဲဒီလေဆိပ်သစ်ဟာ အသုံးဝင်မှာမဟုတ်ဘူး''ဟု ဦးဝင်းခန့်က ပြောသည်။

ပြည်တွင်းလေယာဉ်ကွင်းများအနက် အလားအလာရှိသော လေယာဉ်ကွင်း သုံးကွင်းဖြစ်သည့် မော်လမြိုင်၊ ကော့သောင်းနှင့် ဟဲဟိုးကွင်းများကို အစိုးရပုဂ္ဂလိက ပူးပေါင်းဆောင်ရွက်မှုပုံစံ (PPP model) ဖြင့် လုပ်ဆောင်ရန်ရည်ရွယ်ထားသော်လည်း လက်ရှိတွင် ပူးပေါင်းဆောင်ရွက်မှုဆိုင်ရာ ချမှတ်ထားသောစည်းမျဉ်းဥပဒေများက အတည်တကျမရှိသေးသဖြင့် စိန်ခေါ်မှုများရှိနေကြောင်း ဦးဝင်းခန့်က ပြောသည်။

Credit: Myanmar Times