ပေါင်သန်း ၂၃၀ ဆုကြေးရခဲ့သူ မေဝဲသာ လာ့စ်ဗီးဂပ်စ်တွင် နေအိမ်ဝယ်ယူပြီး တစ်လမပြည့်မီ ဘီဗာလီဟေးလ်တွင် ထပ်မံဝယ်ယူလိုက်ပြန်

ကမ္ဘာကျော်လက်ဝှေ့သမား ဖလွိုက်မေဝဲသာသည် UFC ချန်ပီယံ မက်ဂရီဂေါနှင့် ထိုးသတ်ခဲ့သည့်ပွဲတွင် အောင်ပွဲခံကာ ပေါင်သန်း ၂၃၀ ဆုကြေးရခဲ့ပြီးနောက် ပြီးခဲ့သော သြဂုတ်လကုန်ပိုင်း၌ လာ့စ်ဗီးဂပ်စ်တွင် နေအိမ်တစ်လုံးဝယ်ယူလိုက်သည်မှာ မကြာသေးချေ။

ယခုအခါ လော့စ်အိန်ဂျလိမြို့၊ ကမ္ဘာကျော်များ စုဝေးရာ ဘီဗာလီဟေးလ်တွင် ကန်ဒေါ်လာ ၂၆ သန်းဖြင့် နေအိမ်တစ်လုံး ထပ်မံဝယ်ယူလိုက်ပြန်သည်။

ယခုဝယ်လိုက်သောနေအိမ်သည် မေဝဲသာ၏ ကျန်ဘဝသက်တမ်းတစ်လျှောက် ဖြတ်သန်းကုန်လွန်ကာ ခေါင်းချမည့်နေရာတစ်ခု ဖြစ်လာဖွယ်ရှိကြောင်း ဟောကိန်းများလည်း ထွက်ပေါ်နေသည်။

Beverly Hills ဟိုတယ်အနီးတွင် တည်ရှိပြီး နေအိမ်အကျယ်အဝန်း စတုရန်းပေ ၁၆၀၀ ခန့်ရှိကာ အိပ်ခန်း ၆ ခန်း ပါဝင်သည်။
မက်ဂရီဂေါကို အနိုင်ယူလိုက်သော ပြီးခဲ့သည့်ပွဲမှာ သူ၏ ပွဲ ၅၀ မြောက်လည်း ဖြစ်သည်။

၁၉၉၀ ပြည့်လွန်ကာလများတွင် ဆောက်လုပ်ခဲ့ပြီး developer Nile Niami မှ မကြာသေးမီကပင် ပြန်လည်စစ်ဆေးမှုများ ပြုလုပ်ပေးခဲ့သည်။
သစ်မာနှင့် စကျင်ကျောက်သား ကြမ်းခင်းများ၊ ပြင်သစ်တံခါးများ၊ မီးလင်းဖိုများစွာ၊ နံရံမြှုပ်စင်များ ပါဝင်ပြီး ဒုတိယထပ်သို့ တက်သော လှေကားကို ခရုပတ်အသွင် တည်ဆောက်ထားသည်။

ထို့အပြင် ကော့တေးဘား၊ ဝိုင်သိုလှောင်ခန်း၊ ကိုယ်ပိုင်လသာဆောင်ပါသည့် master bedroom၊ အားကစားလေ့ကျင့်ရေးခန်းမ၊ ထိုင်ခုံ ၂၀ ပါ ရုပ်ရှင်ပြရုံပါဝင်သည့် ဧည့်ဂေဟာတစ်ခုတို့ ပါဝင်သည်။
ခြံဝန်းအကျယ်မှာ ဧကဝက်ရှိပြီး အိမ်နောက်ဘက်တွင် မြက်ခင်းကျယ်နှင့် ကြီးမားသော ရေကူးကန်တစ်ခုကို တွေ့ရသည်။

အဆိုပါနေအိမ်ကို မူလက အရောင်းဈေးကွက်တင်ခဲ့ရာတွင် ဒေါ်လာသန်းပေါင်းများစွာ တန်ကြေးရှိသည့် ဇိမ်ခံကားများ၊ အနုပညာလက်ရာများနှင့်အတူ ဈေးကွက်တင်ခဲ့ခြင်း ဖြစ်ပြိး ကန်ဒေါ်လာ သန်း ၁၀၀ ဈေးခေါ်ခဲ့သည်။

နောက်ပိုင်းတွင်မူ ဈေးချကာ အရောင်းပြန်တင်လာခဲ့ပြီး ယင်းသို့ ဈေးကွက်ပြန်တင်ရာတွင်မူ မော်တော်ကားများနှင့် အနုပညာလက်ရာများ မပါဝင်တော့ချေ။

မေဝဲသာသည် ဖော့ဘ်မဂ္ဂဇင်းကြီးမှ ထုတ်ပြန်သော ဝင်ငွေအမြင့်မားဆုံးအားကစားသမားများစာရင်းတွင် ၃ ကြိမ်တိုင် ထိပ်ဆုံးနေရာတွင် ရပ်တည်ခဲ့သူလည်း ဖြစ်သည်။

အိမ်ခြံမြေမှတ်တမ်းများအရ မေဝဲသာသည် လာ့စ်ဗီးဂပ်တွင် သြဂုတ်လအတွင်းက ဝယ်ယူခဲ့သော နေအိမ်တစ်လုံး၊ ၂၀၀၅ ခုနှစ်အတွင်းက ကန်ဒေါ်လာ ၃ သန်းဖြင့် ဝယ်ယူခဲ့သည့် နေအိမ်တစ်လုံး ပိုင်ဆိုင်ထားဆဲဖြစ်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)