ရန်ကုန်မြစ်တွင် မြေသားစမ်းသပ်မှုများ ဆောင်ရွက်နေသော ဒလတံတား တည်ဆောက်ရေး

ရန်ကုန်မြို့လမ်းမတော်မြို့နယ် ဘုန်းကြီးလမ်းနှင့် ဒလမြို့နယ် ကမာကဆစ် ရပ်ကွက် ဗိုလ်မင်းရောင်လမ်းမကြီးတို့ ဆက်သွယ်တည်ဆောက်မည့် ကိုရီး ယား-မြန်မာချစ်ကြည်ရေး(ဒလ)တံတား တည်ဆောက်ရေးအတွက် တံတား ချဉ်းကပ်လမ်းနှစ်ဖက်တွင် မြေသားစမ်းသပ်မှု လုပ်ငန်းများ ဆောင်ရွက်ပြီး စီးကြောင်း သိရသည်။

ယခုတွင် ရန်ကုန်မြစ်အတွင်းတွင် Area Name-A, Area Name-B, Area Name-C ဖြင့် တည်နေရာများ သတ်မှတ်ပြီး မြေသားစမ်းသပ်ရေး ဝမ်းပြားရေ ယာဉ်ကို ကျောက်ချထားပြီး စမ်းသပ်နေကြောင်း သိရသည်။

မြေသားခံနိုင်ဝန် စမ်းသပ်တိုင်းတာခြင်းကို Suntac Technologies ကုမ္ပဏီမှ တာဝန်ယူပြီး နည်းပညာပိုင်းဆိုင်ရာ စမ်းသပ်အကောင်အထည်ဖော်ခြင်းနှင့် စီမံကိန်းလုပ်ငန်းများ အကောင်အထည်ဖော်နိုင်ရေးတို့အတွက် လုပ်ငန်း များ ဆောင်ရွက်လျက်ရှိပြီး မကြာခင် ရန်ကုန်မြို့အတွင်းရှိ မြေသား စမ်းသပ် မှု လုပ်ငန်းများ ဆောင်ရွက်ပြီးစီးတော့မည်ဖြစ်ကြောင်း သိရသည်။

ကိုရီးယား-မြန်မာချစ်ကြည်ရေ (ဒလ) တံတားတညဆောက်ရေး လုပ်ငန်းနှင့် ပတ်သက်ပြီး ဒလတံတား တည်ဆောက်မည့် ဧရိယာရေပြင်ရှိ သတ်မှတ် တည်နေရာများတွင် မြေသားစမ်းသပ်မှုများကို စမ်းသပ်ရေးဝမ်းပြားရေယာဉ် ကို ကျောက်ချထားရှိကာ လုပ်ငန်းများလုပ်ဆောင်လျက် ရှိပြီး ဆောင်ရွက်ေ နစဉ်အတွင်း ယင်းရေယာဉ်များတွင်နေ့အချိန်တွင် လိမ္မော်ရောင်အလံကို သိ သာထင်ရှားစွာ လွှင့်ထူထားပြီး ညအချိန်တွင် အနီရောင်အချက်ပြမီးကို ပြသ ထားကြောင်းသိရသည်။

ရေယာဉ်တွင် VHF CH-16 ဆက်သွယ်ရေးစက် တပ်ဆင်ထားပြီး လုပ်ငန်းေ ဆာင်ရွက်နေသည့် ရေယာဉ်အနီးမှ ဖြတ်သန်းသွားလာသော ရေယာဉ်များအနေဖြင့် ထိုယာဉ်များနှင့် မီတာ ၃ဝခန့် အကွာမှ ဖြတ်သန်း သွားလာကြ ရန်နှင့် မီတာ ၅ဝ အတွင်း ကျောက်ချရပ်နားခြင်းမပြုရန် မြန်မာ့ဆိပ်ကမ်း အာဏာပိုင်မှ ရေကြောင်းသတိပေးချက်ထုတ်ပြန်ထားကြောင်း သိရသည်။

ဒလမြို့နယ်ကမာကဆစ်ရပ်ကွက် ဗိုလ်မင်းရောင်လမ်းမကြီးတစ်လျှောက်တွင် တံတားအူလမ်းကြောင်းနှင့် မူလ သတ်မှတ်ထားသော တံတားချဉ်းကပ်လမ်း အား တံတားမြေဧရိယာများ တိုင်းတာပြီး လမ်းမကြီးဝဲယာတစ်လျှောက်တွင် အလံတိုင်များဖြင့် စိုက်ထူဆောင်ရွက်လျက်ရှိပြီး တိုင်များစိုက်ထူရာတွင် ယခင်က သတ်မှတ်ထားသည့် ဧရိယာထက် ၁၅ ပေခန့် ပါရှိသွားကြောင်း
ထိုအကြောင်းအရာအား တာဝန်ရှိသူများအား တင်ပြသွားမည်ဖြစ်ကြောင်း သိရသည်။

အောက်တိုဘာ ၅ ရက်မှစတင်ပြီး နိုဝင်ဘာ ၅ ရက်အထိ တစ်လတိတိ အ ချိန်ပေးပြီး တံတားဧရိယာနှင့် မလွတ်ကင်း သည့်မြေယာလျော်ကြေးပေး ထားပြီးသည့် နေအိမ်နှင့် ဈေးဆိုင်များကိုပါ ပြောင်းရွှေ့ခိုင်းထားကြောင်း၊
ထိုအကြောင်းကိုလည်း ဒေသခံပြည်သူများသည် အစည်းအဝေးများတွင် သိ ရှိပြီးပြီ ဖြစ်ကြောင်း သိရသည်။

ဒလတံတားကြီးတည်ဆောက်ရန်အတွက် မြင်တွေ့ရတော့မည်ဖြစ်ပြီး ဒေသခံပြည်သူများ၏ လူမှုရေး၊စီးပွားရေး၊ ပညာရေးနှင့် ကျန်းမာရေးတို့အတွက် စီး ပွားရေးမြို့တော်ရန်ကုန်မြို့သို့ စက်တပ်သမ္ဗန်များစီးပြီး အခက်အခဲပေါင်း များစွာဖြင့် ဖြတ်သန်းသွားလာနေခြင်းကြောင့် ရန်ကုန်-ဒလတံတားကြီး တည်ဆောက်ပြီးစီးသွားပါက ဒေသအတွက် များစွာဖွံ့ဖြိုးတိုးတက် သွားမည်ဖြစ်ကြောင်း ကမာကဆစ်ရပ်ကွက်အုပ်ချုပ်ရေးမှူးမှ ပြောကြားေ ကြာင်း သိရသည်။

Credit:The Mirror Daily