တနင်္သာရီတိုင်းတွင် အခွန်ဆောင်ပြီး ပြေစာရှိမှသာ တင်ဒါယှဉ်ပြိုင်ခွင့်ရမည်

၂ဝ၁၇-၂ဝ၁၈ ဘဏ္ဍာနှစ်၌ တိုင်းအတွင်း ရှိ တင်ဒါလုပ်ငန်းများကို အခွန်ဆောင်ပြီး ကြောင်း ပြေစာ(စလစ်)ရှိမှသာ တင်ဒါယှဉ် ပြိုင်ခွင့်ပြုတော့မည်ဖြစ်ကြောင်း တနင်္သာရီတိုင်း ဒေသကြီးအစိုးရ
အဖွဲ့ရုံးမှ သိရသည်။

ယခင်က ကုမ္ပဏီလိုင်စင်သက်တမ်းရှိရုံ ဖြင့် တင်ဒါဆွဲခွင့်ပြုခဲ့ပြီးကုမ္ပဏီ
အချို့က အခွန် ရှောင်မှုများရှိနေသည့်အတွက် ၂ဝ၁၅--၁၆ ဘဏ္ဍာနှစ်အတွက် အခွန်ဆောင်ပြီးကြောင်း စလစ်ပြနိုင်မှသာ တင်ဒါဆွဲခွင့်ပြုမည်ဖြစ်ကြောင်း တိုင်းဒေသကြီးအစိုးရအဖွဲ့ရုံး ညွှန်ကြားရေးမှူး က ပြောဆိုသည်။

တိုင်းအတွင်း အစိုးရတင်ဒါလုပ်ငန်းများကို တိုင်းအစိုးရအဖွဲ့ရုံးတွင် မှတ်ပုံတင်ထားသည့် ကုမ္ပဏီများကိုသာ တင်ဒါဆွဲခွင့်ပြုမည်ဟု စည်းကမ်းတင်းကျပ်ခဲ့ပြီး ယခု ထပ်မံတင်းကျပ် လိုက်ခြင်းဖြစ်သည်။
''အခွန်မဆောင်ဘဲ ကုမ္ပဏီအဟောင်းကို ဖျက်သိမ်းပြီး
ကုမ္ပဏီလိုင်စင်အသစ်နဲ့ ပြန်လုပ် တာရှိတယ်''ဟု တိုင်းအစိုးရအဖွဲ့ရုံး ညွှန်ကြား ရေးမှူး ဦးသိန်းအောင်က ပြောဆိုသည်။

ပြီးခဲ့သည့် ၂ဝ၁၆-၁၇ ဘဏ္ဍာနှစ်အတွက် အခွန်များကို စည်းကြပ်ဆဲပင်ဖြစ်သည့်အတွက် ၂ဝ၁၅--၂ဝ၁၆ ဘဏ္ဍာနှစ်အတွက် အခွန်ဆောင် ထားကြောင်း စလစ်ကိုသာ တောင်းယူခဲ့ခြင်း ဖြစ်ကြောင်း ၄င်းက ပြောဆိုသည်။

အခွန်ဆောင်ထားပြီး အမှန်အကန်လုပ် ကိုင်နေသည့်ကုမ္ပဏီများအနေဖြင့် ယင်းကဲ့သို့ စိစစ်ပါက ကြိုဆိုကြလိမ့်မည်ဟုထင်ကြောင်း နိုင်ငံအနေဖြင့် အခွန်ယိုပေါက်တွေလည်းမရှိ နိုင်တော့ကြောင်း ထားဝယ်အခြေစိုက်ရဲမြတ် ဟိန်းဆောက်လုပ်ရေးကုမ္ပဏီပိုင်ရှင် ဦးပြည့် ဖြိုးဟိန်းက ပြောဆိုသည်။
လက်ရှိအချိန်တွင် တိုင်းဒေသကြီးအစိုးရ၌ မှတ်ပုံတင်ထားသည့် ကုမ္ပဏီပေါင်း ၃ဝဝ ကျော်ရှိကြောင်း သိရသည်။

Credit: Myanmar Times