ကမ္ဘောဒီးယားတွင် အာဆီယံလမ်းမကြီးကို ချိတ်ဆက်သည့် အမှတ် ၁ အမြန်လမ်းမကြီးတစ်လျှောက်ရှိ မြေကွက်ဈေးနှုန်းများ တဟုန်ထိုးမြင့်တက်

ကမ္ဘောဒီးယားနိုင်ငံတွင် အမျိုးသား အမှတ် ၁ လမ်းမကြီးအနီး ကပ်လျက်တည်ရှိသော နေရာများတွင် စက်ရုံများ အပြိုင်းအရိုင်းပေါ်ထွန်းလာမှုနှင့်အတူ အဆိုပါလမ်းဘေးဝဲယာရှိ မြေကွက်များမှာ ဝယ်လိုအားမြင့်တက်လာနေပြီး ဈေးနှုန်းများလည်း အလွန်မြင့်တက်လာလျက်ရှိကြောင်း ဖနွမ်းပင် အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

Century 21 Mekong မှ အမှုဆောင်အရာရှိချုပ် ချရက်ခ် ဆော့ခ်နင်မ်ကလည်း အမှတ် ၁ လမ်းမကြီးတစ်လျှောက်ရှိ မြေကွက်များ ဈေးကောင်းနေသည်ဆိုခြင်းကို အတည်ပြုခဲ့သည်။

“ရင်းနှီးမြှုပ်နှံသူ အတော်များများဟာ စက်ရုံတွေဆောက်ဖို့ ရည်ရွယ်ပြီး မြေကွက်တွေ ဝယ်ခဲ့ကြတယ်” ဟု ချရက်ခ်က ပြောကြားသည်။
အမှတ် ၁ လမ်းမကြီးသည် အာဆီယံဒေသကြီး၏ တောင်ဘက်ဖျားတွင် တည်ရှိပြီး ထိုင်း၊ ဗီယက်နမ်နှင့် ကမ္ဘောဒီးယားတို့ကို ဆက်သွယ်ပေးသည့် လမ်းမကြီးလည်း ဖြစ်သည်။

လမ်းမကြီးနှင့် အနီးအဝေးအပေါ်မူတည်၍ မြေကွက်ဈေးများမှာ ကွဲပြားပြီး လွန်ခဲ့သော ၃ နှစ်ခန့်က စတုရန်းတစ်မီတာလျှင် ကန်ဒေါ်လာ ၆၀၀ မှ ၁၀၀၀ ကြားသာရှိခဲ့သည့် မြေကွက်များမှာ ယနေ့အချိန်တွင် ကန်ဒေါ်လာ ၈၅၀ မှ ၁၅၀၀ အကြား ဈေးပေါက်နေသည်။

“ဒီမြေကွက်တွေဟာ နောင်မှာလည်း ဆက်ပြီးဈေးကောင်းနေဦးမှာပဲ။ အကြောင်းကတော့ အမှတ် ၁ လမ်းမကြီးဆိုတာက အရှေ့ တောင် အာရှနဲ့ တရုတ်ပြည်ရဲ့  ခါးပတ်တစ်ခု၊ လမ်းမတစ်ခုကြားမှာ ကွင်းဆက်တစ်ခု ဖြစ်နေလို့ပဲ ” ဟု ချရက်ခ်က ပြောကြားသည်။

CPL Cambodia Properties မှ အထွေထွေ မန်နေဂျာ ဆိုင် ဆိုဖက်ခ်က ပြောကြားရာတွင် မကြာသေးမီနှစ်များအတွင်း အမျိုးသား အမှတ် ၁ လမ်းမကြီးတစ်လျှောက်ရှိ မြေကွက်ဈေးနှုန်းများမှာ ဆက်တိုက်မြင့်တက်မှုများ ဖြစ်ပေါ်နေရာ အကယ်၍သာ ဈေးနှုန်းများ အလွန်အမင်းခေါင်ခိုက်သွားမည်ဆိုပါက ရင်းနှီးမြှုပ်နှံမှုလုပ်ငန်းများအပေါ် အဟန့်အတားတစ်ခု ဖြစ်လာလိမ့်မည်ဟု ယူဆကြောင်း ပြောကြားသည်။

ဖနွမ်းပင်မြို့ ၊ ချဘာ အမ်ပေါ့ဗ်ခရိုင်တွင် နေထိုင်သူတစ်ဦးဖြစ်သည့် အားရ် ဆိုဗန်နာရာက ပြောကြားရာတွင် “လွန်ခဲ့တဲ့ နှစ်အနည်းငယ်တုန်းက အမှတ် ၁ လမ်းမကြီးဘေးမှာ ကျွန်တော်ဝယ်ခဲ့တဲ့မြေကွက်က တစ်စတုရန်းမီတာကို ဒေါ်လာ ၅၀ ကနေ ၇၀ ကြားလောက်ပဲ ဈေးပေါက်ခဲ့ပေမယ့် အခုအချိန်မှာ ဒေါ်လာ ၂၅၀ ကနေ ၃၀၀ ကြား ဖြစ်နေပါပြီ” ဟု ဆိုသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)