ဆယ်စုနှစ်အတွင်း စီးပွားရေးတိုးတက်မှုအရှည်ကြာဆုံး ကာလတစ်ခု ဂျပန်တို့ ရရှိဖို့ ရှိနေ

ငွေကြေးဖောင်းပွမှုကို နိုင်နင်းစွာ ကိုင်တွယ်နိုင်ခြင်းမရှိလို့
နိုင်ငံရဲ့အနာဂတ်အပေါ် ပြည်သူတွေဘက်က စိုးရိမ်ဒေါသမီးတွေ
ရှိနေသော်ငြားလည်းပဲ ယခုသီတင်းပတ်အတွင်း ထွက်ရှိလာမယ့်
ဂျီဒီပီ ကိန်းဂဏာန်းတွေအရတော့ ဂျပန်ရဲ့ စီးပွားရေးဟာ သုံးလပတ်
ငါးခုဆက်တိုက် တိုးတက်ချဲ့ကားလာနေတာကို ပြသပေးနိုင်ဖို့ရှိနေ
တယ်လို့ သိရပါတယ်။

ယင်းလိုမျိုး စီးပွားရေးတိုးတက်မှု ကာလအကြာဆုံး အခိုက်အတန့်ကို
ပိုင်ဆိုင်လာရခြင်းက ဂျပန်တို့အတွက် ပြီးခဲ့တဲ့ ၂၀၀၆ ခုနှစ်လောက်
က ၀န်ကြီးချုပ်ဟောင်း Koizumi လက်ထက် နောက်ပိုင်း
အကောင်းဆုံးသော အခိုက်အတန့်လည်း ဖြစ်လာခဲ့ပြီ ဖြစ်ပါတယ်။
ယန်းငွေတန်ဖိုး ပိုမိုယှဉ်ပြိုင်နိုင်စွမ်း ရှိလာမှုနဲ့အတူ ပို့ကုန်ကဏ္ဍမှာ
အားကောင်းလာခြင်းတို့ကြောင့်လည်း လက်ရှိဝန်ကြီးချုပ်
Shinzo Abe ဦးဆောင်တဲ့ အစိုးရအတွက်ကတော့ ယခင်
Koizumi အစိုးရလက်ထက်က တိုးတက်မှုတွေထက်
ပိုမိုသာလွန်ကောင်းမွန်လာနိုင်အောင် ဦးဆောင်ပေးနိုင်ဖို့
ရှိနေပြီ ဖြစ်ပါတယ်။

လူသုံးကုန်ပစ္စည်းဈေးနှုန်းတန်ဖိုးတွေ မြင့်တက်လာမလား
မလားဘူးလားဆိုတာကတော့ ၂၀၁၇ နှောင်းပိုင်းလောက်မှ
သိရမှာ ဖြစ်ပေမယ့် စွမ်းအင် စရိတ်စကပိုင်းနဲ့ လုပ်ခလစာပိုင်း
တိုးမြင့်နိုင်မယ့် အလားအလာတွေ မြင့်တက်နေလျက်ရှိပါတယ်။
လာမယ့် သီတင်းပတ်အနည်းငယ်အတွင်းမှာတော့ ဂျပန်တို့အနေနဲ့
ငွေကြေးဖောင်းပွမှုနှုန်း သိပ်မများဘဲနဲ့ စီးပွားရေးတိုးတက်မှုပုံစံ
တစ်ခု ရရှိလာဖို့ရှိနေပြီ ဖြစ်ပါတယ်။

" ဂျပန်တို့အနေနဲ့ ခု ၂၀၁၇ ဟာ ကောင်းမွန်တဲ့ နှစ်စတစ်ခုကို
ပိုင်ဆိုင်ထားနိုင်ခဲ့ပါပြီ၊ ပထမသုံးလပတ် တိုးတက်မှုနှုန်းကလည်း
ဖြစ်နိုင်ဖွယ် တိုးတက်မှုနှုန်းကို ရှင်းရှင်းလင်းလင်း ကျော်လွန်နိုင်
ခဲ့ပါတယ်၊ ရှေ့အလားအလာအခြေအနေတွေက ဆက်ကောင်း
နေပါတယ်၊ ဘုလို့လဲဆိုတော့ ပို့ကုန်လုပ်ငန်း ဆက်ကောင်းနေတယ်၊
ငွေလုံးငွေရင်း အသုံးစရိတ်နဲ့ ရင်းနှီးမြှုပ်နှံမှုတွေကလည်း
မြင့်တက်လာနိုင်လို့ပါ" လို့ တိုကျိုက Dai-Ichi Life Research
Institute က စီးပွားရေးပညာရှင် Yoshiki Shinke က
ပြောသွားပါတယ်။

အလားတူ ပြီးခဲ့တဲ့လကတည်း ဂျပန် ဗဟိုဘဏ်က ၂၀၁၈ မတ်လ
မှာ ကုန်မယ့်ဘဏ္ဍာနှစ်အတွက် နိုင်ငံရဲ့ စီးပွားရေးတိုးတက်မှုနှုန်းကို
၁ ဒသမ ၆ ရာခိုင်နှုန်းထိ တိုးမြင့်ခန့်မှန်းထားခဲ့တယ်လို့ သိရပါတယ်။

Credit: SFJ Strategy First