မလေးရှားတွင် တည်ဆောက်လျက်ရှိသော မြို့သစ်စီမံကိန်းကြီး၏ လူနေခန်းကြိုပွိုင့် ဝယ်လက်တို့အနေဖြင့် ဝယ်ယူမှုဖျက်သိမ်းပါက လျော်ကြေးပေးရမည်ဟု developer က ခြိမ်းခြောက်

မလေးရှားနိုင်ငံတွင် Forest City အမည်ရှိ မြို့သစ်စီမံကိန်းကြီးကို တရုတ်နိုင်ငံရှိ တတိယအကြီးမားဆုံး developer က တည်ဆောက်လျက်ရှိပြီး လူနေခန်းကြိုပွိုင့် ဝယ်လက်တို့အနေဖြင့် ဝယ်ယူမှုဖျက်သိမ်းပါက လျော်ကြေးပေးရမည်ဟု developer က ခြိမ်းခြောက်လိုက်ကြောင်း ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

အဆိုပါစီမံကိန်းလူနေခန်းများ၏ ၉၀ ရာခိုင်နှုန်းခန့်ကို တရုတ်နိုင်ငံသားများအား ကြိုပွိုင့်ရောင်းချထားခဲ့ခြင်းဖြစ်သည်။
Forest City စီမံကိန်းကို ဆောက်လုပ်ရန်အတွက် တရုတ်နိုင်ငံ၏ တတိယမြောက်အကြီးမားဆုံး developer ဖြစ်သော Country Garden သည် တရုတ်နိုင်ငံမှ ရုံးများအားလုံးကို ပိတ်သိမ်းကာ မလေးရှားသို့ ထွက်ခွာသွားခဲ့ပုံကို iMyanmarHouse.com တွင် ရေးသားတင်ပြခဲ့ပြီး ဖြစ်ပါသည်။

ပြန်လည်ဖတ်ရှုလိုပါက http://www.imyanmarhouse.com/news/read/586480 အင်တာနက်လင့်ခ်တွင် ဖတ်ရှုနိုင်ပါသည်။

“လက်မှတ်ထိုးပြီးတဲ့ အရောင်းအဝယ်သဘောတူညီချက်ကို ဖျက်သိမ်းတာဟာ စာချုပ်ဖောက်ဖျက်မှုအဖြစ် မှတ်ယူခြင်းခံရမယ်ဆိုတာ ကျွန်တော်တို့ ရှင်းရှင်းလင်းလင်း ပြောချင်ပါတယ်” ဟု Country Garden က ထုတ်ပြန်ထားသည်။

အရောင်းအဝယ်စာချုပ်ဖျက်သိမ်းသူများအနေဖြင့် ၁၀ ရာခိုင်နှုန်းမှ ၃၀ ရာခိုင်နှုန်းအကြား လျော်ကြေးပေးရလိမ့်မည်ဖြစ်ကြောင်းလည်း
ကုမ္ပဏီ၏ ထုတ်ပြန်ချက်တွင် ဖော်ပြသည်။

ယခုနှစ်အတွင်း တရုတ်အာဏာပိုင်တို့က ပြည်ပအိမ်ခြံမြေဝယ်ယူရန်အတွက် နိုင်ငံခြားငွေရယူခြင်းကို တားမြစ်လိုက်ရာ Forest City စီမံကိန်းရှိ လူနေခန်းပေါင်း ၁၀၀၀၀ ကျော်ကို ဝယ်ယူထားသည့် ပြည်မကြီးဝယ်လက်တို့ အကျပ်အတည်းဖြင့် ရင်ဆိုင်ရလျက်ရှိနေသည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)