ရုံးခန်း အဆောက်အအုံ လုပ်ငန်း၊ ရုပ်ရှင်ရုံလုပ်ငန်း၊ ပုဂ္ဂလိကကျောင်း၊ လက်ခစား အပ်ကုန်လုပ်ငန်းများ အပါအ၀င် ပြည်တွင်းပြည်ပလုပ်ငန်း ၁၇ ခု မြန်မာနိုင်ငံ ရင်းနှီးမြှုပ်နှံမှုကော်မရှင် ခွင့်ပြု

ရုံးခန်း အဆောက်အအုံ တည်ဆောက် ငှားရမ်းခြင်းလုပ်ငန်း၊ ရုပ်ရှင်ရုံလုပ်ငန်း၊ ပုဂ္ဂလိက အခြေခံပညာ အထက်တန်းကျောင်း၊ လက်ခစား အပ်ကုန်လုပ်ငန်းများ အပါအ၀င် ပြည်တွင်းပြည်ပလုပ်ငန်း ၁၇ ခုကို မြန်မာနိုင်ငံ ရင်းနှီးမြှုပ်နှံမှုကော်မရှင်က ခွင့်ပြုခဲ့ကြောင်း ကော်မရှင်၏ ထုတ်ပြန်ချက်အရ သိရသည်။

ဧပြီ ၅ ရက်က ပြုလုပ်ခဲ့သော မြန်မာနိုင်ငံ ရင်းနှီးမြှုပ်နှံမှုကော်မရှင် အစည်းအဝေး (၆/၂၀၁၇) တွင် ရင်းနှီးမြှုပ်နှံမှုလုပ်ငန်း ၁၁ ခုကို ခွင့်ပြုပေးခဲ့ခြင်း ဖြစ်ပြီး ခွင့်ပြုခဲ့သည့် ရင်းနှီးမြှုပ်နှံမှုလုပ်ငန်းများတွင် ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှုလုပ်ငန်း ၁၂ ခု၊ ဖက်စပ်နိုင်ငံခြားရင်းနှီးမြှုပ်နှံမှု လုပ်ငန်းသုံးခုနှင့် မြန်မာနိုင်ငံသား ရင်းနှီးမြှုပ်နှံမှုလုပ်ငန်း နှစ်ခုတို့ပါဝင်ကြောင်း သိရသည်။

ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှုလုပ်ငန်း ၁၂ ခုအနက် ကိုးခုသည် လက်ခစား အပ်ကုန်စနစ် (CMP) စနစ်ဖြင့် ဆောင်ရွက်မည့် အ၀တ်အထည်နှင့် အိတ်ချုပ်လုပ်မည့် လုပ်ငန်းများဖြစ်ပြီး ၎င်းတို့မှာ U & G Fashion Co.,Ltd ၊ GTIG Huasheng Co.,Ltd ၊ Guohua Clory Co.,Ltd ၊ GTIG Eastar Co.,Ltd ၊ GTIG Hubo Co.,Ltd ၊ Maisha Garment Co.,Ltd ၊ Fuson Garment Factory Ltd ၊ China Palette Garment Co.,Ltd ၊ Myanmar Li Bao Hangbag Co.,Ltd တို့ ဖြစ်သည်။ အခြား ရာခိုင်နှုန်းပြည့် နိုင်ငံခြားရင်းနှီးမြှုပ်နှံမှု လုပ်ငန်းများအနက် Bel Ga Myanmar Ltd အား ရန်ကုန်တိုင်းဒေသကြီး မြောင်းတကာ စက်မှုဇုန်တွင် ရက်သားကြက်ပေါက်များအား သားဖောက်ခြင်းလုပ်ငန်းနှင့် ပြည်တွင်းဈေးကွက်သို့ ဖြန့်ဖြူးရောင်းချခြင်းလုပ်ငန်း၊ Ming Da Ployester Wadding Co.,Ltd ကို ရန်ကုန်တိုင်းဒေသကြီး လှိုင်သာယာမြို့နယ်တွင် အထည်ချုပ်လုပ်ငန်း အမျိုးမျိုးတွင် အသုံးပြုရန်အတွက် Polyster အမျိုးမျိုး ထုတ်လုပ်ခြင်းနှင့် ရောင်းချခြင်းလုပ်ငန်း၊ Four Rivers Inya Office Co.,Ltd အား ရန်ကုန်မြို့ ကမ္ဘာအေးဘုရားလမ်း အမှတ် ၈၅၊ မြေကွက်အမှတ် ၅(အေ/၁) တွင် ရုံးခန်း အဆောက်အအုံ တည်ဆောက် ငှားရမ်းခြင်း နှင့် ရုံးခန်းများ စီမံခန့်ခွဲမှုလုပ်ငန်းတို့ကို ရင်းနှီးမြှုပ်နှံခွင့်ပြုခဲ့သည်။

ဖက်စပ် နိုင်ငံခြားရင်းနှီးမြှုပ်နှံမှု လုပ်ငန်းများအဖြစ် Lucky Tokyo Noodle Co.,Ltd အား ရန်ကုန်တိုင်းဒေသကြီး ဒဂုံအရှေ့ပိုင်းစက်မှုဇုန်တွင် အသင့်စားခေါက်ဆွဲ ထုတ်လုပ်ဖြန့်ဖြူး ရောင်းချခြင်းလုပ်ငန်း၊ Commercial Plastics Co.,Ltd (Marshall Islands) ကို ရန်ကုန်တိုင်းဒေသကြီး လှိုင်သာယာမြို့နယ်တွင် Plastics Recycling ထုတ်ကုန်များ ထုတ်လုပ်ရောင်းချခြင်းလုပ်ငန်း၊ Paradiso Cinemas Co.,Ltd အား ဧရာဝတီတိုင်းဒေသကြီး ဖျာပုံမြို့နယ်တွင် ရုပ်ရှင်ရုံများ ဆောက်လုပ်ခြင်းနှင့် ရုပ်ရှင်ပြသခြင်းလုပ်ငန်း လုပ်ကိုင်ခွင့်ပြုခဲ့သည်။

မြန်မာနိုင်ငံသား ရင်းနှီးမြှုပ်နှံမှုလုပ်ငန်းများအဖြစ် ချင်းတွင်းတံခွန် ကုမ္ပဏီလီမိတက်ကို မန္တလေးတိုင်းဒေသကြီး ပျဉ်းမနားမြို့နယ်တွင် CMP စနစ်ဖြင့် Jacket ၊ Happi နှင့် Pants စသည့် အ၀တ်အထည်ချုပ်လုပ်ခြင်း လုပ်ငန်း၊ သံလွင်ပညာရေးဝန်ဆောင်မှု ကုမ္ပဏီလီမိတက်အား ရန်ကုန်တိုင်းဒေသကြီး မင်္ဂလာဒုံမြို့နယ်တွင် အခြေခံပညာ အထက်တန်းကျောင်း တည်ထောင်ခွင့်ပြုခဲ့ခြင်း ဖြစ်သည်။

မြန်မာနိုင်ငံရင်းနှီးမြှုပ်နှံမှုကော်မရှင် အစည်းအဝေး (၆/၂၀၁၇) မှ ခွင့်ပြုခဲ့သည့် လုပ်ငန်းများ၏ ရင်းနှီးမြှုပ်နှံမှုကြောင့် အလုပ်အကိုင်အခွင့်အလမ်း ၉၄၇၈ ခု ဖန်တီးပေးနိုင်ခဲ့သည်ဟု ကော်မရှင်က ထုတ်ပြန်ခဲ့သည်။

Credit: Eleven Media Group