ကမ္ဘာ့ထိပ်တန်း တင်းနစ်ကြယ်ပွင့် ဂျိုကိုဗစ်က မီယာမီကမ်းခြေရှိ ကွန်ဒိုခန်းဝယ်ယူ

ဆားဘီးယားလူမျိုးတစ်ဦးဖြစ်သူ ကမ္ဘာ့နံပါတ် ၁ တင်းနစ်ကစားသမား နိုဗက်ခ် ဂျိုကိုဗစ်သည် အမေရိကန်ပြည်ထောင်စု၊ မီယာမီ ကမ်းခြေတွင် အိပ်ခန်း ၃ ခန်းပါ ကွန်ဒိုခန်းတစ်ခန်းကို ဝယ်ယူလိုက်ကြောင်း နယူးယောက်အခြေစိုက် အိမ်ခြံမြေ သတင်းဝက်ဘ်ဆိုက် တစ်ခုတွင် ဖော်ပြသည်။

Eighty Seven Park ကွန်ဒိုတာဝါအဆောက်အအုံရှိ အခန်းဖြစ်ပြီး
အိမ်ခန်း ၃ ခန်း၊ ရေချိုးခန်း ၃ ခန်းပါဝင်သည်။
ယင်းအဆောက်အအုံကို ဒီဇိုင်းရေးဆွဲခဲ့သည်မှာ ဗိသုကာပညာရှင် ရန်ဇို ပီယာနိုဖြစ်ပြီး နယူးယောက်ရှိ Whitney Museum of American Art ကို ဒီဇိုင်းဆွဲခဲ့သူလည်း ဖြစ်သည်။

ယခုကွန်ဒိုခန်းအတွက် မည်မျှပေးခဲ့ရကြောင်းကိုမူ
ဂျိုကိုဗစ်က ထုတ်ဖော်ပြောကြားခဲ့ခြင်း မရှိချေ။
သို့ရာတွင် အဆိုပါအဆောက်အအုံ၌ အိမ်ခန်း ၃ ခန်းပါအခန်းများသည်
ဈေးနှုန်း ကန်ဒေါ်လာ ၅ ဒသမ ၉ သန်းခန့်မှ စတင်ပေါက်ဈေး ရှိကြောင်း Eighty Seven Park ကွန်ဒိုတာဝါအဆောက်အအုံ၏
ဝက်ဘ်ဆိုက်တွင် ဖော်ပြသည်။

လက်ရှိအားဖြင့် ယင်းကွန်ဒိုအဆောက်အအုံကို ဆောက်လုပ်နေဆဲဖြစ်ပြီး ၂၀၁၈ ခုနှစ်တွင် အပြီးသတ်မည်ဟု ဆိုသည်။
ကွန်ဒိုခန်း၏ မြင်ကွင်းကျယ်ပြန့်မှုက ဝယ်ယူဖြစ်စေရန် ဆွဲဆောင်နိုင်ခဲ့ခြင်းဖြစ်ကြောင်း ဂျိုကိုဗစ်က ပြောကြားသည်။

“ဒီအခန်းက ကျွန်တော်နဲ့ ဇနီးဖြစ်သူ ဂျီလီနာအတွက် ပြည့်စုံတဲ့ ဘဝဟန်ပန်ကို ပေးစွမ်းနိုင်ပါတယ်” ဟု ဂျိုကိုဗစ်က ပြောကြားခဲ့သည်။
အဆိုပါအဆောက်အအုံတွင် နေထိုင်သူပေါင်း ၇၀ ဦးခန့်ရှိပြီး အကျယ်အဝန်းမှာ ၁၄၀၀ စတုရန်းပေမှ ၇၀၀၀ စတုရန်းပေအထိ အမျိုးမျိုးရှိကာ ကြမ်းပြင်မှ မျက်နှာကျက်အထိ မြင့်မားသည့် ပြတင်းပေါက်များ ပါဝင်သည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)