နောက်ဖေးလမ်းကြား ဥယျာဉ်ပုံစံပြောင်းသည့်အစီအစဉ် ရန်ကုန်မြို့လယ်လမ်းကြားတစ်ခုတွင် ထပ်မံပြုလုပ်မည်

တို့ရန်ကုန်၊ တို့အိမ်ရာပွဲ တော်ကာလအတွင်း လူစိတ်ဝင် စားမှုများပြားခဲ့သည့် နောက်ဖေး လမ်းကြား ဥယျာဉ်ပုံစံပြောင်းလဲ သည့် အစီအစဉ်ကို
ဆိပ်ကမ်းသာ လမ်းနှင့် ၃၉ လမ်းကြားတွင် ထပ်မံပြုလုပ်မည်ဖြစ်သည်။

မတ်လ ၁၂ ရက်က တို့ရန် ကုန်၊ တို့အိမ်ရာပွဲတော်ကာလ အတွင်း ပန်းဘဲတန်းမြို့နယ် ၂၇ လမ်းရှိ နောက်ဖေးလမ်းကြားကို သစ်ပင်ပန်းပင်ငယ်များ၊ကလေး ငယ်များ၏ ပန်းချီလက်ရာများဖြင့် အလှဆင်ထားပြီး သန့်ရှင်းသပ် ရပ်သော အပြင်အဆင်များဖြင့် ဥယျာဉ်ပုံစံအဖြစ် ပြသခဲ့သည်။ ယင်းပြကွက်ကို တို့ရန်ကုန်၊ တို့ အိမ်ရာပွဲတော်နှင့် မိတ်ဖက်အဖြစ် ‘တို့အိမ်’က အကောင်အထည်ဖော်ပြသခဲ့ခြင်းဖြစ်သည်။

နောက်ဖေး လမ်းကြားကို ဥယျာဉ်ငယ်အဖြစ် ပြောင်းလဲမှုကို
မတ်လ ၂၀ ရက်ကစ၍ ဆိပ်ကမ်း သာလမ်းနှင့် ၃၉ လမ်းကြားတွင် ထပ်မံပြုလုပ်ရန် တို့အိမ်က စီစဉ် နေကြောင်းတို့အိမ်၏
စီမံကိန်းမန် နေဂျာ ဦးလှတင်က ပြောသည်။

နောက်ဖေး လမ်းကြားကို ဥယျာဉ်အဖြစ် ထပ်မံပြုလုပ်ရန် ၂၇ လမ်းနှင့် အခြားသောလမ်း များက တောင်းဆိုသဖြင့် ထပ်မံ ပြုလုပ်ရခြင်းဖြစ်သည်
ဟု သိရ သည်။

ထိုအစီအစဉ်ကို အကောင် အထည်ဖော်ရန် ရန်ပုံငွေအလှူခံ နေပြီး မတ်လ ၂၃ ရက်အထိ အမေရိကန်ဒေါ်လာ ရှစ်ထောင် ခန့်ရရှိထားပြီဟု ဦးလှတင်က ပြောသည်။ အလှူငွေကို နိုင်ငံ ခြားသားများထံမှ အများဆုံး ရရှိ သည်ဟု ၎င်းက ဆိုသည်။ အရှည် ၁ ကီလိုမီတာ (ပေ ၃,၂၈၀) ခန့် ရှိသည့် လမ်းကြား ဥယျာဉ်အဖြစ် ပြောင်းလဲနိုင်ရန် ၎င်းတို့က အမေရိကန်ဒေါ်လာ ငါးသောင်းရရှိရေး ကြိုးစားမည်ဟု သိရသည်။

ရန်ကုန်တိုင်း ဒေသကြီး လွှတ်တော်ကိုယ်စားလှယ် ဦးနေဘုန်းလတ်
က ယင်းကဲ့သို့ အိမ် နောက်ဖေးလမ်းကြားများတွင် အ ပန်းဖြေသည့် ကလေးငယ်များ ဆော့ကစားသည့်နေရာများအ ဖြစ်လုပ်ဆောင်ရန် လိုအပ်သကဲ့ သို့ သီးခြားနေရာများတွင် အပန်းဖြေဆော့ကစားရန်
လိုအပ်နေ သေးကြောင်း ပြောသည်။

ယခင်ကလည်း နောက်ဖေး လမ်းကြားများတွင် လူများနားနေ ခြင်းနှင့် သစ်ပင်များစိုက်ပျိုးခြင်း ပြုလုပ်နိုင်သော်လည်း အမှိုက် စွန့်ပစ်မှုများရှိလာခဲ့၍ ညစ်ပတ် ပြီး မြင်မကောင်းသည့်အဆင့်ဖြစ် သွားကြောင်း ဦးနေဘုန်းလတ်က ဆိုသည်။

မြို့နယ်အလိုက် ဘတ် ဂျက်များခွဲဝေရရှိသည့်အခါ မြို့ နယ်ရှိ ပြည်သူများနှင့်တိုင်ပင်ရာ နောက်ဖေးလမ်းကြားအမှိုက်နှင့် ရေဆိုးများကင်းရန် လုပ်ဆောင် စေလိုသည်ဟု ဆန္ဒပြုကြောင်း ပန်းဘဲတန်းမဲဆန္ဒနယ် ရန်ကုန် တိုင်းလွှတ်တော်အမတ် ဦးသန်း နိုင်ဦးက ပြောသည်။


Credit: 7Daydaily