ထူးထူးခြားခြား ကမ္ဘာတစ်လွှား အဆောက်အအုံများ (အပိုင်း-၁)

မြောက်ကိုရီးယားနိုင်ငံ၏ မြို့ တော်၊ ပြုံယမ်းတွင် အမည်နာမထူးခြားသော ကဇာတ်ရုံတစ်ခုရှိပြီး ဧပြီ ၂၅ ယဉ်ကျေးမှု အိမ်တော်ဟု အမည်ရ၏။
၁၉၇၄ - ၁၉၇၅ ခုနှစ်များတွင် ဆောက်လုပ်ခဲ့ခြင်းဖြစ်ပြီး စစ်ပညာရပ်ဆိုင်ရာများ သင်ကြားပေးရန် ရည်ရွယ်ဆောက်လုပ်ခဲ့ခြင်း ဖြစ်သည်။

မူလက “ဖေဖော်ဝါရီ ၈ ယဉ်ကျေးမှုအိမ်တော်” ဟုအမည်ပေးခဲ့၏။
ပြုံယမ်းမြို့ တော်၊ မိုရန်ဘောင်ခရိုင်၊ ပီဖာလမ်းတွင် တည်ရှိသည်။
ဂန္ထဝင်ဟန် တိုင်လုံးကြီးများဖြင့် ပုံဖော်ဆောက်လုပ်ထားခြင်းဖြစ်ပြီး ၁၉၇၀ ပြည့်လွန်ကာလများတွင် ပြုံယမ်း၏ ဆိုရှယ်လစ်ပြယုဂ်တစ်ခု ဖြစ်ခဲ့သည်။

သမိုင်းဝင်ဖြစ်ရပ်များစွာ အဆိုပါအဆောက်အအုံကြီးတွင် ဖြစ်ပေါ်ခဲ့ရာ ကိုရီးယားအလုပ်သမားပါတီ၏ ဆဌမအကြိမ်နှင့် သတ္တမအကြိမ် ကွန်ဂရက်များကျင်းပခြင်း၊ ကင်ဂျုံအီနှင့် တောင်ကိုရီးယားသမ္မတ ရိုမူဟွန်းတို့ ၂၀၀၇ ခုနှစ်တွင် တွေ့ဆုံဆွေးနွေးခြင်း အစရှိသည့် သမိုင်းဝင်ဖြစ်ရပ်များ ပါဝင်သည်။

(ဆောက်လုပ်ခြင်း)

မြေအကျယ်အဝန်း ၁၂ ဒသမ ၄ ဟက်တာ (၃၁ ဧက) ကို မြေရှင်းလင်းမှုများ ပြုလုပ်ကာ ဆောက်လုပ်မှုများမှာ ၁၉၇၄ ခုနှစ်၊ ဧပြီလတွင် စတင်ခဲ့သည်။
မျက်နှာစာ (အလျား) မှာ ၁၀၅ မီတာ ( ၃၄၄ ပေ) ၊ အနံမှာ ၁၇၆ မီတာ ( ၅၇၇ ပေ) ရှိပြီး အဆောက်အအုံအမြင့်မှာ မီတာ ၅၀ ( ၁၆၄ ပေ) မြင့်မားသည်။
ကဇာတ်ရုံ ၂ ခုပါဝင်ပြီး ထိုင်ခုံ ၆၀၀၀ ဆန့်နှင့် ထိုင်ခုံ ၁၁၀၀ ဆန့်တို့ ဖြစ်ကြကာ ခုံ ၆၀၀ ဆန့် ရုပ်ရှင်ရုံတစ်ခု ပါဝင်သည်။
ကြမ်းခင်းဧရိယာ စတုရန်းမီတာ ၈၀၀၀၀ ( ၈၆၁၁၁၃ စတုရန်းပေ) ကျယ်ဝန်းပြီး ပင်မကဇာတ်ရုံများကို ပံ့ပိုးပေးရန် အခန်းပေါင်း ၆၀၀ ကျော် ပါဝင်သည်။၁၉၇၅ ခုနှစ်၊ အောက်တိုဘာလ ၇ ရက်တွင် စတင်ဖွင့်လှစ်ခဲ့၏။

( အမည်နာမ )

မူလက အဆိုပါအဆောက်အအုံကြီးကို ဖေဖော်ဝါရီ ၈ ယဉ်ကျေးမှု အိမ်တော်ဟု အမည်ပေးခဲ့ခြင်းဖြစ်ပြီး ကိုရီးယားပြည်သူ့တပ်မတော် (KPA) ကို စတင်တည်ထောင်သည့် နေ့စွဲအား ဂုဏ်ပြုခေါ်ဝေါ်ခဲ့ခြင်း ဖြစ်သည်။
အဆိုပါအမည်မှည့်ခေါ်ထားစဉ် ၁၉၈၀ ပြည့်နှစ်၊ အောက်တိုဘာ ၁၀ ရက်မှ ၁၄ ရက်အထိ ကိုရီးယားအလုပ်သမားပါတီ၏ ဆဌမမြောက် ကွန်ဂရက်ကို ယင်းအဆောက်အအုံကြီးတွင် ကျင်းပခဲ့သည်။
ဆဌမအကြိမ်မြောက် ကွန်ဂရက်ကျင်းပပြီးနောက်ပိုင်း တခါတရံတွင် ယင်းအဆောက်အအုံကို ကွန်ဂရက်ဟောဟု ခေါ်ဆိုခြင်းများလည်း ရှိခဲ့၏။
ယင်းနောက်ပိုင်းကာလတွင် ဂျပန်တော်လှန်ရေးတပ်မတော် တည်ထောင်သည့်ရက်စွဲကို ဂုဏ်ပြုသောအားဖြင့် ဧပြီ ၂၅ ယဉ်ကျေးမှု အိမ်တော်ဟု ပြောင်းလဲခေါ်ဝေါ်ခဲ့သည်။

(အသုံးပြုမှု)

ဧပြီ ၂၅ ယဉ်ကျေးမှု အိမ်တော်သည် ဧပြီ ၂၅ ယဉ်ကျေးမှုနှင့် အနုပညာဌာနရုံးစိုက်ရာနေရာလည်း ဖြစ်သည်။
ဧပြီ ၂၅ ယဉ်ကျေးမှုနှင့် အနုပညာဌာနရုံးသည် ကိုရီးယားပြည်သူ့တပ်မတော် (KPA) ၏ ယဉ်ကျေးမှုဆိုင်ရာ ပွဲလမ်းများ ကျင်းပရန် စီစဉ်ပေးရရန် တာဝန်ယူထားရသည်။
ထို့အပြင် နိုင်ငံတကာ ဆွေးနွေးပွဲများနှင့် နိုင်ငံတော်ဈာပနများ ကျင်းပရန်အတွက်လည်း ဦးဆောင်မှုပေးရ၏။
စစ်ပညာရပ်ဆိုင်ရာ ဆွေးနွေးပွဲများနှင့် ဆုပေးပွဲများကို အဓိက ကျင်းပပေးရပြီး တရားဝင်နိုင်ငံတော် အခမ်းအနားများနှင့် ပါတီဆွေးနွေးပွဲများကိုလည်း ဤအဆောက်အအုံကြီးတွင် ကျင်းပလေ့ရှိသည်။

မြောက်ကိုရီးယား စာပို့လုပ်ငန်းက ၁၉၇၆ ခုနှစ်၊ အောက်တိုဘာလ ၇ ရက်တွင် တံဆိပ်ခေါင်းတစ်ခု ရိုက်နှိပ်ထုတ်ဝေခဲ့ရာ၌ ဧပြီ ၂၅ ယဉ်ကျေးမှု အိမ်တော်၏ ဓာတ်ပုံဖြင့် ထုတ်ဝေခဲ့လေသည်။

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)