ဧပြီ ၂ ရက် ဒူဘိုင်းအိမ်ခြံမြေပြပွဲတွင် ဥရောပနိုင်ငံများက နေအိမ်ဝယ်ယူသူတို့ကို နိုင်ငံသားအဖြစ်လက်ခံမည့် ရွှေဗီဇာဖြင့် ဆွဲဆောင်မည်

လာမည့် ဧပြီလ ၂ ရက်မှ ၄ ရက်အထိ ကျင်းပမည့် ဒူဘိုင်းနိုင်ငံတကာအိမ်ခြံမြေပြပွဲ (IPS) တွင် စပိန်၊ ပေါ်တူဂီ၊ မာလ်တာ၊ ဂရိနှင့် ဆိုက်ပရပ်စ်ကဲ့သိုသော ဥရောပနိုင်ငံများက ရွှေဗီဇာဖြင့် ပြည်ပရင်းနှီးမြှုပ်နှံသူများကို ဆွဲဆောင်နိုင်ရန် စီစဉ်ထားကြောင်း အရှေ့အလယ်ပိုင်း အခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

ဒူဘိုင်းအိမ်ခြံမြေပြပွဲတွင် စီးပွားရေးလုပ်ငန်းမှ စီးပွားရေးလုပ်ငန်းသို့ (B2B) နှင့် စီးပွားရေးလုပ်ငန်းမှ ဖောက်သည်များသို့ (B2C) ဆွေးနွေးပွဲများ ကျင်းပသွားမည်ဖြစ်ပြီး အိမ်ခြံမြေလုပ်ငန်းကဏ္ဍတွင် ရင်းနှီးမြှုပ်နှံနိုင်မည့် အခွင့်အလမ်းများကို ရှာဖွေသွားမည်ဖြစ်သည်။
ယင်း အိမ်ခြံမြေပြပွဲကို ဒူဘိုင်းနိုင်ငံတကာ ကွန်ဗန်းရှင်းနှင့်ပြပွဲစင်တာတွင် ကျင်းပရန် စီစဉ်ထားသည်။

ရွှေဗီဇာပေးအပ်မည့်နိုင်ငံများ၏ အိမ်ခြံမြေကဏ္ဍတွင် ရင်းနှီးမြှုပ်နှံမှုများ ပြုလုပ်ပါက အဆိုပါရင်းနှီးမြှုပ်နှံသူနှင့် မိသားစုကို နိုင်ငံသားအဖြစ် လက်ခံပေးမည့် အစီအစဉ်ဖြစ်သည်။

ရင်းနှီးမြှုပ်နှံမှုဟု ဆိုရာတွင် အိမ်ခြံမြေဝယ်ယူခြင်း၊ သက်ဆိုင်ရာနိုင်ငံ၏ ပင်မစီးပွားရေးလုပ်ငန်းနယ်တွင် ဝင်ရောက်ရင်းနှီးမြှုပ်နှံမှု ပြုလုပ်ခြင်းတို့ ပါဝင်သည်။

ပေါ်တူဂီနိုင်ငံသည် အိမ်ခြံမြေဝယ်ယူသူပေါင်း ၄၂၀၂ ဦးကို ရွှေဗီဇာများ ထုတ်ပေးခဲ့ပြီး ဖြစ်သည်။
ယခုကာလတွင် နိုင်ငံပေါင်းများစွာမှာ နိုင်ငံခြားသားများ အခြေချနေထိုင်ရန် တံခါးဖွင့်လာကြပြီး ရင်းနှီးမြှုပ်နှံမှုဖြင့် နိုင်ငံသားအဖြစ်လက်ခံခြင်းများဖြင့် ဆွဲဆောင်လာကြကြောင်း အိမ်ခြံမြေလောက ကျွမ်းကျင်ပညာရှင်များက ပြောကြားသည်။

ယခုနှစ် ဒူဘိုင်းနိုင်ငံတကာအိမ်ခြံမြေပြပွဲသည် ၁၃ ကြိမ်မြောက်ကျင်းပခြင်းဖြစ်ပြီး ကမ္ဘာလုံးဆိုင်ရာ နိုင်ငံသားဖြစ်မှုနှင့် ရင်းနှီးမြှုပ်နှံမှု စီမံကိန်းများအကြောင်း ဦးတည်ဆွေးနွေးကြမည် ဖြစ်သည်။
ရွှေဗီဇာနှင့် စပ်လျဉ်း၍ အသေးစိတ်သိရှိလိုသူများအနေဖြင့် info@goldenvisas.com သို့ စာရေးသားမေးမြန်းပါက ဖြေကြားစာနှင့်အတူ Golden Visa programmes Europe အမည်ရှိ pdf ဖိုင် ဖတ်ရှုနိုင်မည်ဖြစ်သည်။

ဥရောပနိုင်ငံများက နေအိမ်ဝယ်ယူမည့်သူများအား ရွှေဗီဇာပေးအပ်သည့်သတင်းကို ၂၀၁၆ ခုနှစ်၊ ဧပြီလအတွင်းကပင် iMyanmarHouse.com တွင် သတင်းများ ရေးသားဖော်ပြခဲ့ပြီးဖြစ်ရာ ပြန်လည်ဖတ်ရှုလိုပါက အောက်ဖော်ပြပါ အင်တာနက်လင့်ခ်များတွင် ဖတ်ရှုနိုင်ပါသည်။

(၁) အာရှဝယ်လက်များ ဥရောပတွင်အိမ်ခြံမြေ၀ယ်ယူပါက ရေရှည်နေထိုင်ခွင့်ပေးမည့် ရွှေဗီဇာ အစီအစဉ်
http://www.imyanmarhouse.com/news/read/468420

(၂) ဥရောပတွင် အမြဲနေထိုင်ရေးရွှေဗီဇာရရန် အိမ်ခြံမြေ၀ယ်ရာ၌ ငွေမည်မျှသုံးရမည်နည်း
http://www.imyanmarhouse.com/news/read/469214

Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)