ကန်ဒေါ်လာဈေး ၁,၃၉၀ ကျပ်ထိ စံချိန်တင် ရောက်ရှိ

ပြင်ပ ဈေးကွက်တွင် အမေရိကန်ဒေါ်လာတန်ဖိုး စံချိန် တင်မြင့်တက်ပြီး ဗဟိုဘဏ်ရည် ညွှန်းငွေလဲနှုန်းနှင့် ကွာခြားမှုများ လာခြင်းကြောင့် ပုဂ္ဂလိကဘဏ် များက လူတစ်ဦးလျှင် ဒေါ်လာအ နည်းငယ်သာ ရောင်းချပေးနေ ကြောင်း သတင်းရရှိသည်။

ပြင်ပဈေးကွက်တွင် ဒီဇင် ဘာ ၁၂ ရက် ညနေက အမေရိ ကန်တစ်ဒေါ်လာလျှင် ၁,၃၉၀ ကျပ်ခန့်ဈေးရှိသည်။ သို့သော် ဗဟိုဘဏ်၏ ရည်ညွှန်းငွေလဲနှုန်းသည် တစ်ဒေါ်လာလျှင် ၁,၃၀၈ ကျပ်သတ်မှတ်သဖြင့် ပုဂ္ဂလိကဘဏ် များက တစ်ဒေါ်လာ ၁,၃၃၁ ကျပ် မှ ၁,၃၃၅ ကျပ်အကြား ဈေးဖွင့် ခဲ့သည်။

ပုဂ္ဂလိက ဘဏ်များသည် ဈေးနှုန်းဖွင့်လှစ်၍ ဒေါ်လာရောင်း ချမှုအပေါ် ဗဟိုဘဏ်ရည်ညွှန်းငွေလဲနှုန်း၏ ၀ ဒသမ ၈ ရာခိုင်နှုန်းကိုသာ ဈေးနှုန်းအတိုးအလျှော့လုပ်ခွင့်ကို ဗဟိုဘဏ်ကပေးထားသဖြင့် ပြင်ပဈေးနှုန်းနှင့် ယှဉ်ပြိုင်ရောင်းချနိုင်ခြင်းမရှိကြောင်း ပြည်တွင်း ပုဂ္ဂလိကဘဏ်တစ်ခုမှ အကြီးတန်း အရာရှိတစ်ဦးက ပြောကြားသည်။

ပြင်ပပေါက်ဈေးနှင့် ပုဂ္ဂလိ ကဘဏ်ဈေးသည် တစ်ဒေါ်လာ လျှင် ၆၀ ကျပ်ခန့် ကွာခြားနေခြင်း ကြောင့် ဒေါ်လာရောင်းချမှုကို လူ တစ်ဦးလျှင် ကျပ် ၁၀၀ မှ ၂၀၀ ခန့်သာ ရောင်းချပေးနိုင်ကြောင်း သိရသည်။

ပြင်ပဈေးကွက်တွင် အမေရိ ကန်ဒေါ်လာတန်ဖိုး အပြောင်းအ လဲသည် ရက်ပိုင်းအတွင်း၊ အချိန် ပိုင်းအတွင်း ဖြစ်ပေါ်နေသည်။ ဒီဇင်ဘာ ၉ ရက် ရုံးပိတ်ရက်မတိုင်မီက တစ်ဒေါ်လာလျှင် ၁,၃၆၉ ကျပ်ဖြင့် ဈေးပိတ်ခဲ့သော အမေရိကန်ဒေါ်လာဈေးသည် ဒီဇင်ဘာ ၁၂ ရက် နံနက်ဈေးဖွင့်ချိန်တွင် ၁,၃၇၆ ကျပ်ဖြစ်ပြီး ညနေ၌ ၁,၃၉၀ ကျပ်သို့ မြင့်တက်လာ သည်။

ပြင်ပဈေးကွက်တွင် ဒေါ်လာဈေးမြင့်တက်လာရခြင်းသည် စင် ကာပူနိုင်ငံသို့ ငွေလွှဲမှုများခြင်း ကြောင့်ဟု ပြင်ပတွင် ငွေကြေးဝန် ဆောင်မှုလုပ်ငန်း လုပ်ကိုင်နေသူ တစ်ဦးက ပြောသည်။ ပို့ကုန်၊ သွင်း ကုန်လုပ်ငန်းများအတွက် စင်ကာပူနိုင်ငံသို့ ငွေလွှဲမှုများခြင်း ကြောင့် ဒေါ်လာဈေး တက်လာ ကာ ပြင်ပ ငွေကြေးဈေးကွက်၌ ဒေါ်လာအရောင်းအဝယ်သည် ဝယ်လိုအားထက် ရောင်းလိုအား များနေကြောင်း သိရသည်။

ပြင်ပ ငွေကြေးဈေးကွက် တွင် ဒေါ်လာတန်ဖိုးမြင့်တက်ချိန် ၌ ကမ္ဘာ့ရွှေဈေးကျဆင်းမှုကြောင့် ပြည်တွင်းရွှေဈေး ကျဆင်းလာ သည်။

ဒီဇင်ဘာ ၉ ရက်တွင် တစ် အောင်စလျှင် ၁,၁၆၇ ဒေါ်လာရရှိခဲ့သော ကမ္ဘာ့ရွှေဈေးသည် ဒီဇင်ဘာ ၁၂ ရက်တွင် ၁,၁၅၅ ဒေါ်လာသို့ ကျဆင်းလာသည်။ ထို့အတူ ပြည်တွင်းရွှေဈေးမှာလည်း ၈၅၈,၀၀၀ ကျပ်မှ ၈၅၀,၀၀၀ ကျပ်သို့ ကျဆင်းသည်။

ပြင်ပဈေးကွက်တွင် ဒေါ်လာဈေး စံချိန်တင် မြင့်တက်လာမှု ကြောင့် ပုဂ္ဂလိက ဘဏ်များနှင့် စီးပွားရေးလုပ်ငန်းရှင်များကို ဗဟိုဘဏ်က ဒီဇင်ဘာ ၅ ရက်၌ အမှာစာလေးစောင် ထုတ်ပြန်ခဲ့ရသည်။

ဗဟိုဘဏ်၏ ထုတ်ပြန်စာ တွင် ပြည်ပသို့ ကုန်ပစ္စည်းများ တင်ပို့ပြီး ခြောက်လအတွင်း ပို့ ကုန်ရငွေ စာရွက်စာတမ်းများကို ဗဟိုဘဏ်သို့ တင်ပြပေးရန်၊ ကုန် သွယ်ရေးလုပ်ငန်းများမှ ရရှိသည့် နိုင်ငံခြားငွေများကို ဥပဒေနှင့်အညီ ပြည်တွင်းသို့ ပြန်လည်ပို့ ဆောင်ပေးရန်၊ ပြည်ပနိုင်ငံများ တွင် ငွေစာရင်းဖွင့်လှစ်ထားမှုများ ကို ဥပဒေနှင့်အညီ ပြောင်းလဲပြု လုပ်ရန်၊ ပြည်ပနိုင်ငံများတွင် ရင်းနှီးမြှုပ်နှံပြီး ကုမ္ပဏီများ ဖွင့်လှစ် ထားသူများသည် မြန်မာနိုင်ငံ ရင်းနှီးမြှုပ်နှံမှုဥပဒေများနှင့်အညီ ပြု လုပ်ရန် စသည့်ခေါင်းစဉ်များဖြင့် ထုတ်ပြန်ခဲ့သည်။


Credit: 7DayDaily