ကန်ထရိုက်တိုက်ခန်း ဆောက်လုပ်မယ့်နေရာရဲ့ အထပ်မြင့်ရရှိမှုစောင့်ကြည့်လာ

ဆောက်လုပ်ရေးအရောင်းဈေးကွက်အတွင်း အခန်းဈေးနှုန်း၊ ဆောက်လုပ်မယ့်နေရာရဲ့ အထပ်မြင့်ပေရရှိမှုတို့ကို စောင့်ကြည့်ရတဲ့အခြေအနေတွေ ဖြစ်ပေါ်နေပါတယ်။

အခု ဆောက်လုပ်ရေးအများစုက အထပ်မြင့်ပေများများရတဲ့ နေရာတွေကိုလေ့လာပြီး လာကြတာများတယ်၊ အရင်က အတွင်းဘက်တွေကိုဆောက်လုပ်တာများပေမဲ့ အခုက လူသိများတဲ့လမ်းတွေမှာ ဆောက်လုပ်လာကြ တာများတယ်လို့ အံ့ထူးဆောက်လုပ်ရေးက မန်နေဂျာ ကိုမင်းမင်းက ပြောပါတယ်။

ရောင်းချမှုတွေ

လက်ရှိရောင်းချမှုတွေကတော့  ပထမထပ်ကစတင်ကာ အရောင်းဖွင့်တာတွေရှိ ပြီး မြေညီထပ်ကိုတော့ ဈေးကွက်ကိုလေ့လာပြီး အရောင်းပိတ်ထားတာတွေရှိနေပါတယ်။

မြေညီထပ် အခန်းဈေးနှုန်းတွေကတော့ အနည်းဆုံးလူသိများတဲ့ လမ်းမကျယ်တွေမှာဆို ကျပ်သိန်း ၁၀ဝ၀ ကျော်က စတင်ခေါ်ကြပြီး ကျပ်သိန်း ၃၀ဝ၀ လောက်အထိဈေးကွက် အပြောင်းအလဲရှိတယ်လို့ သိရပါတယ်။ ဒါ့အပြင် အခုနောက်ပိုင်း လူစိတ်ဝင်စားမှုများတဲ့ နေရာတွေမှာတော့ ၂၄ နာရီ စီးတီးမတ် ဆိုင်ခွဲတွေကို ကုမ္ပဏီတွေနဲ့ ပူးပေါင်းဖွင့်လှစ် ကြတာမျိုးတွေကြောင့် ကန်ထရိုက် စိတ်ဝင်စားတဲ့ မြို့နယ်တွေမှာ ခေတ်စားနေတဲ့ဈေးကွက်တစ်ခု လည်း ဖြစ်ပါတယ်။

ဈေးကွက်ထဲမှာရှိတဲ့ အတွင်းကွက် ဈေးနှုန်းတွေကတော့ နောက်ပိုင်းလူစိတ်ဝင်စားမှု အနည်းအများပေါ်မူတည်ပြီး သိန်း ၄၀ဝ လောက်အထိကျဆင်းနေပြီး အတွင်းပိုင်း နေရာတွေမှာတော့ မြေညီထပ်ကို သိန်း ၄၀ဝ ဝန်းကျင်လောက်သာဈေးကွက်ရှိပါတယ်။

ဈေးနှုန်းတွေကတော့ အထပ်တစ်ဆင့်ကို ကျပ်သိန်း ၅၀ လျှော့ခေါ်ကြပြီး အပေါ်ဆုံး ထပ်ဈေးနှုန်းတွေကတော့ ၁၈ ပေ x ၅၅ ပေကို ကျပ်သိန်း ၁၈၀ လောက်အထိပေါက် ဈေးတွေရှိနေပါတယ်။  အရစ်ကျစနစ်ကိုတော့အတွင်း ကွက်တွေမှာသာ ဦးစားပေးရောင်း ချကြပြီး အပြင်လမ်းမတန်းတွေမှာတော့ လက်ငင်းဈေးကွက်သာများပြားနေတာဖြစ်ပါ တယ်။

အရစ်ကျကိုတော့ အရင်က ၁၂ လအထိသာလက်ခံကြပြီး အခုနောက်ပိုင်းမှာတော့ ၁၈ လ မှ၂၄ လအထိအမျိုးမျိုးပြောင်းလဲလက်ခံပြီး ဈေးနှုန်းရဲ့ပထမအရစ်ကိုတော့ အများစုက ၃၀ ရာခိုင်နှုန်းလောက် တောင်းတာတွေရှိတယ် လို့သိရပါတယ်။

ကန်ထရိုက်ဝင်ရောက်မှု

နေရာရွေးချယ်မှုကတော့ ရပ်ကွက်အတွင်း လူသိများတဲ့လမ်းတွေကိုရွေးချယ် ကြတာများပြီး ရပ်ကွက်အလိုက်ရွေးချယ်မှုတွေကတော့ ကန်ထရိုက်အဝင်များတဲ့ နေရာတွေကို ရွေးချယ်တာတွေများသလို ကန်ထရိုက်မရှိသေး တဲ့နေရာတွေကို စတင်ဝင်ရောက်ဆောက်လုပ်တာတွေလည်း ရှိတယ်လို့သိရပါတယ်။ ကန်ထရိုက် မရှိသေးတဲ့ နေရာတွေရဲ့ပြဿနာတွေကတော့ နောက်ပိုင်းအထပ်မြင့်ကို အရင် ဆောက်ထားတဲ့ ကန်ထရိုက်တိုက်ရဲ့အမြင့် ကိုကြည့်ပြီးပေးတာတွေရှိလို့ ကန်ထရိုက် တိုက်မဝင်တဲ့ နေရာတွေမှာဝင်ပြီး သားလမ်းထက် အမြင့်ပေမရရှိတာတွေဖြစ်ပေါ်နေ ပါတယ်။

မြေကွက်ဈေးနှုန်းတွေကတော့ ကျပ်သိန်း ၁၅၀ဝ ဝန်းကျင်လောက် မြေတွေများပြီး မြေညီထပ်တိုက်ခန်းဈေးက မြေတန်ဖိုးကိုကျေနိုင်တဲ့အထိ ဈေးကွက်ရှိနေပါတယ်။ ကန်ထရိုက် ဝင်ရောက်မှုတွေကတော့ လက်ရှိမှာ သာကေတ၊ သင်္ဃန်းကျွန်း နဲ့ တောင်ဥက္ကလာပမြို့နယ်တွေမှာ အဝင်များပြီး ဈေးနှုန်းတွေကိုတော့နေရာအလိုက် လျှော့ရောင်းတာတွေရှိသလို ဈေးမခေါ်ဘဲစောင့်ကြည့်နေတာတွေလည်းရှိတယ်လို့ သိရပါတယ်။


Credit: Kumudra