အိမ်သာမှ ဧည့်လာမှာမို့ ခိုင်မာတဲ့ အိမ်ခြံမြေ ဝန်ဆောင်မှု ဥပဒေ လိုအပ်နေပြီ

မကြာမီမှာ မြန်မာနိုင်ငံ အိမ်ခြံမြေ ဝန်ဆောင်မှုဆိုင်ရာ ဥပဒေ ပေါ်ထွက်လာဖို့အတွက် မြန်မာနိုင်ငံ အိမ် ခြံမြေ ဝန်ဆောင်မှုအသင်း ရန်ကုန်တိုင်းဒေသကြီး အိမ်ခြံမြေ ဝန်ဆောင်မှုအသင်းနှင့် မန္တလေးတိုင်း ဒေသ ကြီး အိမ်ခြံမြေ ဝန်ဆောင်မှု အသင်းတို့ ပူးပေါင်းဆောင်ရွက်ကြတော့မယ်လို့ သိရပါတယ်။

ယနေ့ထိ ပြောပြလို့ မကုန်နိုင်တာ ပွဲစားလောကပါ

အိမ်ခြံမြေ ဝန်ဆောင်မှုဆိုင်ရာ ဥပဒေဟာ နိုင်ငံတော်နှင့် အများပြည်သူတို့အတွက် အမှန်တကယ်လိုအပ် လာပြီ ဖြစ်ပါတယ်။ အဲ့ဒီ ဥပဒေ ပေါ်ထွက်လာပြီဆိုရင် ဒီကနေ့ဖြစ်ပေါ်နေတဲ့ ဥပဒေမဲ့ "ကျော်စား" "ခွစား" "ဖြတ်စား" "ပွဲခ ပိုတင်" စည်းကမ်းမရှိ လေးစား လိုက်နာမှုမရှိ ရိုက်စားလုပ်နေကြတဲ့ "ပရမ်းပတာ" ပွဲစား လောကကြီး ပျောက်သွားမှာ ဖြစ်ပါတယ်။ ဂုဏ်သိက္ခာရှိရှိ အရည်အသွေး ပြည့်မှီသည့် လူကြီး လူကောင်း ပေါ်ထွက်လာတော့မှာ သေချာပါတယ်။

ထို့အတူပဲ နိုင်ငံခြား ရင်းနှီးမြှုပ်နှံမှု ပြုလုပ်ရန်လာကြသူတွေနဲ့ ပြည်တွင်းလုပ်ငန်းရှင်တွေအတွက်ပါ အားကိုး လောက်တဲ့ ပိုမို ခိုင်မာသော အိမ်ခြံမြေ ဝန်ဆောင်/အကျိုးဆောင် အသင်းကြီး ဖြစ်လာမှာ သေချာပါ တယ်။ တချို့က မသမာသူ လူတစုကြောင့် အိမ်ခြံမြေ အကျိုးဆောင် လုပ်ဆောင်သူများမှာ မျက်နှာငယ် ခဲ့ကြရတယ် အိမ်ခြံမြေ ပွဲစားလုပ်စားသည်ကိုပင် အများက အထင်သေးမှာ စိုးကြသည့်အတွက် ရှေးခေတ် ပွဲစားကြီးများကဲ့သို့ "ငါ ပွဲစားကြီး မောင်ကောင်းဖေကွ" ဟု ရဲရဲတင်းတင်း မပြောရဲကြဘဲ "အကျိုးဆောင်" တစ်ယောက်ပါ ဟု မဝံ့မရဲ မိတ်ဆက်ကြရတယ်။

အကျိုးဆောင်ဟု ဆိုလိုက်ခြင်းဖြင့် "ဥပဒေ အကျိုးဆောင်ရှေ့နေ" များနှင့်လည်း လွဲမှားတတ်တာမျိုးလည်း တွေ့ခဲ့ဖူးတယ်။ ဒီလိုသိမ်ငယ်စိတ်ပေါ်ရခြင်းဟာ အိမ်ခြံမြေ ဝန်ဆောင်မှုဆိုင်ရာ ဥပဒေမရှိခြင်းကြောင့် ဟု ဆိုနိုင်ပါတယ် ဒီဥပဒေသာ ပေါ်လာပြီဆိုရင် တရားဝင် ဝန်ဆောင်မှု ပေးနိုင်တော့မှာ ဖြစ်ပါတယ်။

စပိန်နဲ့ ဆွစ်ဇာလန်နိုင်ငံတို့က မြန်မာဆန်ဝယ်တော့မယ်

ယခု အရပ်သား အစိုးရလက်ထက်မှာ နိုင်ငံရေးအခင်းအကျင်းတွေက ပြောင်းလဲလာသလို နိုင်ငံတကာ ဆက်ဆံရေးကလည်း အထူးကောင်းမွန်လာတဲ့ ကာလဖြစ်ပါတယ်။ မကြာခင်မှာပဲ နိုင်ငံခြားရင်းနှီးမြှုပ်နှံမှု တွေကလည်း အများအပြား ဝင်လာတော့မယ်လို့ သိရပါတယ်။၂၆.၁၀.၂၀၁၆ နေ့ထုတ် မြို့တော်သတင်း အရဆိုရင် "စပိန်နိုင်ငံ၊ ဆွတ်ဇာလန်နိုင်ငံများမှ မြန်မာဆန်များကို ဝယ်ယူတင်သွင်းရန် လာရောက်ဆွေးနွေး နေတယ်" လို့ သိရတဲ့အတွက် ဝမ်းမြောက် ဝမ်းသာ ကြိုဆိုလိုက်ပါတယ်။ ဒါဟာ မြန်မာနိုင်ငံ တောင်သူ လယ်သမားများအတွက် မင်္ဂလာသတင်းကောင်း ဖြစ်ပါတယ်။


အိမ်သာမှ ဧည့်လာမှာမို့ အိမ်ခြံမြေ ဝန်ဆောင်မှု ပေးဖို့လိုနေပြီ

အဲ့ဒီလိုဆိုရင် နိုင်ငံခြားသား အများအပြား ဝင်ရောက်လာတဲ့အခါ နေရာထိုင်ခင်း ကောင်းကောင်း ပေးဖို့ အ ထူးလိုအပ်လာပြီလေ။ "အိမ်သာမှ ဧည့်လာမှာ မဟုတ်လား" ဒီတော့ ရောက်လာသူတွေ နေရေး အဆင် ပြေစေဖို့ အိမ်ခြံမြေ ဝန်ဆောင်မှုဆိုင်ရာ ဥပဒေ ခိုင်ခိုင်မာမာ ရှိဖို့ လိုအပ်လာပြီလေ။ နိုင်ငံတကာမှာတော့ အိမ်ခြံမြေ ဝန်ဆောင်မှု ဥပဒေတွေက ရှိနေပြီးသား ဖြစ်ပေမဲ့ မြန်မာနိုင်ငံမှာ အိမ်ခြံမြေ ဝန်ဆောင်မှုဆိုင်ရာ ဥပဒေကို အခုမှ ကြိုးစားပြီး ရေးဆွဲနေကြတုန်းပဲ မဟုတ်လား။

ငှားရမ်းခ ကြီးကြပ်ရေး ဥပဒေလည်း ပြင်ဆင်ပေးဖို့ လိုအပ်နေ

လက်ရှိမြန်မာနိုင်ငံမှာဆိုရင် ၁၉၆၀ ပြည့်နှစ် မြို့ပြဆိုင်ရာ ငှားရမ်းခ ကြီးကြပ်ရေး ဥပဒေဖြစ်တဲ့ အိမ်ရှင်၊ အိမ်ငှားနဲ့ ပတ်သတ်တဲ့ ဥပဒေပဲ ရှိသေးတာလေ။ အဲ့ဒီမြို့ပြဆိုင်ရာ ငှားရမ်းခ ကြီးကြပ်ရေး ဥပဒေဟာ လည်း နှစ်ပေါင်း ၅၆ နှစ်ရှိသွားပြီဆိုတော့ ဟာကွက်၊ ပျော့ကွက်များလွန်းလို့ ခေတ်နဲ့အညီ ပြင်ဆင်ရေးဆွဲဖို့ လိုအပ်နေပြန်ပြီပေါ့။ ဒီအချက်တွေကို လွှတ်တော်ကိုယ်စားလှယ်တွေလည်း သိရှိပြီးဖြစ်ပါတယ်။ အဲဒီအိမ်ရှင်အိမ်ငှားဥပဒေဟာလည်း ယခုဖော်ဆောင်နေတဲ့ အိမ်ခြံမြေ ဝန်ဆောင်မှု ဥပဒေနဲ့ ယှဉ်တွဲပြီး လုပ်ဆောင်သွားရမှာ ဖြစ်နေတာကို တွေ့ရပါတယ်။


ဥပဒေအလား၊ နှုတ်ထွက်စကား အတည်ဖြစ်နေခဲ့တဲ့ ပြေတစ်ခေတ်

တကယ်တော့ အိမ်ခြံမြေ ဝန်ဆောင်မှု/ အကျိုးဆောင်ဥပဒေဟာ တကယ်ခိုင်ခိုင်မာမာ ရှိဖို့လိုအပ်နေတာ က တော့ အမှန်ပါပဲ။ ၂၀၁၀ ခုနှစ်က စခဲ့တဲ့ ပြေခေတ်ကို ပြန်ကြည့်လိုက်ပါ။ အိမ်တိုင်း၊ ရပ်ကွက်တိုင်းမှာ ပွဲစား တွေ မှိုလိုပေါက်ခဲ့တာ လူတိုင်း အသိပါပဲ။ အိမ်ခြံမြေ အရောင်းအဝယ်ဖြစ်စေ၊ အငှားဖြစ်စေ ဥပဒေတိတိကျ ကျ မရှိတဲ့ အခါကျတော့ "ပေါက်ဈေး"ဆိုတာကို "ကြိုက်ဈေး"ဆိုတာတို့နဲ့ အဆုံးအဖြတ်ပြုနေကြတယ်၊ အဲ့ဒါ ကြောင့်လည်း တရပ်ကွက်နဲ့ တရပ်ကွက် မတူကြလို့ "နှုတ်ထွက်စကား" ကိုပဲ ဥပဒေအလား လိုက်နာပြီး ဆောင်ရွက်ခဲ့ကြရတယ်။

ရောင်းဝယ်ငှား ပွဲဖြစ်တိုင်း အခွန်ပေးမှ ရမယ်

ဒီတော့ ခိုင်မာတဲ့ အိမ်ခြံမြေ ဝန်ဆောင်မှု ဥပဒေ ပေါ်ပေါက်လာမှသာ ပြည်တွင်းလုပ်ငန်းတွေမှာရော၊ နိုင် ငံခြားရင်းနှီးမြှုပ်နှံသူတွေမှာပါ ယုံယုံကြည်ကြည်နဲ့ လုပ်ကိုင်လာကြမှာ ဖြစ်ပါတယ်။ အိမ်ခြံမြေ ဝန်ဆောင်မှု ဥပဒေပေါ်လာရင် ရောင်းဝယ်ငှားရမ်းတဲ့အပေါ်မှာ အခွန်ငွေတွေ ရရှိလာမှာ ဖြစ်ပါတယ်။ အဲ့ဒီအခွန်တွေနဲ့ နိုင်ငံတော် တည်ဆောက်ရေးမှာ တစ်ဖက်တစ်လမ်း ကူညီပေးနိုင်ပါမယ်။



အရှိတရား အမှန်ပြောနိုင်တဲ့ ပြည်သူ့အသံကိုလည်း နားထောင်သင့်တယ်

ဒီတော့ အိမ်ခြံမြေ ဝန်ဆောင်မှုဆိုင်ရာ ဥပဒေ ရေးဆွဲတဲ့အခါမှာ အိမ်ခြံမြေ လောကသားများနဲ့ အများ ပြည်သူရဲ့ အကြံပြုတင်ပြချက်တွေကိုလည်း လက်ခံပေးရပါမယ်။ အိမ်ခြံမြေ လောကသား အလွှာ တစ်ခု တည်းက လုပ်ဆောင်တာနဲ့တင် ပြည့်စုံမှု ရှိနိုင်မှာ မဟုတ်ပါဘူး။ ပြည်သူတွေရဲ့ အသံတွေကိုလည်း နား ထောင်ပေးရပါမယ်။

အလုပ်ရုံဆွေးနွေးပွဲနဲ့ အဖြေရှာတော့မယ် အိမ်ခြံမြေ အကျိုးဆောင်ဥပဒေ

ဒါကြောင့် ၆.၁၁.၂၀၁၆ မှာ မြန်မာနိုင်ငံအိမ်ခြံမြေ ဝန်ဆောင်မှု အသင်းအနေနဲ့ နေပြည်တော်မှာ အလုပ် ရုံဆွေးနွေးပွဲ လုပ်ကြမှာပါ။ အဲဒီမှာ "ဥပဒေရေးဆွဲရေးအဖွဲ့" ထံမှာ အကူအညီ တောင်းမယ်။ ပြီးတော့ နိုင်ငံ တကာ ပညာရှင်တွေနဲ့ ပူးပေါင်းပြီး ဥပဒေ ရေးဆွဲသွားကြမယ်လို့ သိရပါတယ်။ ဆက်လက်ပြီး သက်ဆိုင် ရာ တာဝန်ရှိသူတွေနဲ့ အကြိမ်ကြိမ်ဆွေးနွေးညှိနှိုင်းမှုတွေ လုပ်မယ်။ Draft တစ်ခုရအောင် ရေးဆွဲကြမယ်။ အဲ့ဒီရလာတဲ့ Draft ကို လွှတ်တော်မှာ တင်ပြဆွေးနွေးခြင်းအားဖြင့် ယုံကြည်အားကိုးရတဲ့ အိမ်ခြံမြေ အကျိုး ဆောင်ဥပဒေ ပေါ်ပေါက်လာမှာ ဖြစ်တယ်လို့ ဥပဒေနှင့်အတူ လေ့လာဆန်းစစ် သုံးသပ်ရေးကော်မရှင် အဖွဲ့ ဝင် ဦးတင်မောင်ထံမှ သိရပါကြောင်း အိမ်ခြံမြေ ဝန်ဆောင်မှု သတင်းကောင်း ဝေငှလိုက်ပါတယ်။


လွှတ်တော်ရှေ့နေ မောင်ကောင်းဖေ မှ iMyanmarHouse.comအတွက်အထူးရေးသားဖော်ပြသည်။
Credit: iMyanmarHouse.com