တရုတ်ပြည်၏ အချမ်းသာဆုံးပုဂ္ဂိုလ် အိမ်ခြံမြေသူဌေးကြီးက ပြည်တွင်းအိမ်ခြံမြေကဏ္ဍပူပေါင်းပေါက်ကွဲမှုနှင့် ပတ်သက်၍ သတိပေး

တရုတ်ပြည်၏ အချမ်းသာဆုံးပုဂ္ဂိုလ် အိမ်ခြံမြေသူဌေးကြီး ၀မ်ကျန်းလင်က ပြည်တွင်းတွင် အိမ်ခြံမြေကဏ္ဍပူပေါင်းပေါက်ကွဲမှု အခြေအနေ ဖြစ်ပေါ်နေခြင်းနှင့် စပ်လျဉ်း၍ သတိပေးလိုက်သည်ဟု ရှန်ဟိုင်းအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။

လက်ရှိတရုတ်အိမ်ခြံမြေဈေးကွက်အခြေအနေသည် သမိုင်းတစ်လျှောက်အကြီးမားဆုံးပူပေါင်းပေါက်ကွဲမှုဖြစ်ကြောင်း သတိပေးလိုက်သည့် သူဌေးကြီး ၀မ်ကျန်းလင်၏ သတိပေးချက်သည် ကမ္ဘာ့ဒုတိယစီးပွားရေးအင်အားကြီးနိုင်ငံတွင် နောက်ဆုံးပေါ်ထွက်လာသည့် သတိပေးချက်လည်း ဖြစ်သည်။

ဝမ်ကျန်းလင်သည် ၀မ်ဒါ အိမ်ခြံမြေနှင့် ဖျော်ဖြေရေးကုမ္ပဏီ၏ ပိုင်ရှင်ဖြစ်သည်။

အိမ်ခြံမြေဈေးနှုန်းများကို ကြည့်မည်ဆိုလျှင် မြို့ကြီးပြကြီးများတွင် ဈေးတက်မှုများ ဆက်လက်ဖြစ်ပေါ်နေပြီး မြို့ငယ်များတွင်မူ ရောင်းမထွက်သော နေအိမ်သစ်များစွာရှိနေကာ အိမ်ခြံမြေဈေးနှုန်းများ ကျဆင်းလျက်ရှိနေခြင်းကို ၀မ်ကျန်းလင်က ထောက်ပြခဲ့သည်။

“ဒီပြဿနာနဲ့ ပတ်သက်ပြီး အဖြေကောင်းကို ကျွန်တော်မမြင်ဘူး။ အစိုးရကတော့ ၀ယ်လက်တွေကို စည်းမျဉ်းတင်းကျပ်တာတွေ အပါအ၀င် နည်းအမျိုးမျိုးနဲ့ ကြိုးစားနေတာပဲ။ ဒါပေမယ့် တစ်ခုမှ အလုပ်မဖြစ်ပါဘူး” ဟု ၀မ်ကျန်းလင်က ပြောကြားသည်။

ဝမ်ကျန်းလင်၏ ကုမ္ပဏီသည် တရုတ်နိုင်ငံတစ်ဝန်းတွင် ကုန်တိုက်ပေါင်း ၂၀၀ ကျော်နှင့် ဇိမ်ခံဟိုတယ်များစွာ ပိုင်ဆိုင်ထားသည်။

တရုတ်နိုင်ငံတွင် မြို့ပြအသွင်ကူးပြောင်းရေးစီမံကိန်း၊ ချေးငွေနှင့် အစိုးရ၏ ငွေသုံးစွဲမှုများကြောင့် ပြည်တွင်းစီးပွားရေး မြင့်တက်လာသည့်နည်းတူ နိုင်ငံတစ်ဝန်းတွင် ခရိုင်သစ်များ မှိုပေါက်သကဲ့သို့ အပြိုင်းအရိုင်း ပေါ်ပေါက်လာခဲ့သည်။

အစိုးရက ချေးငွေကန့်သတ်မှုများကြောင့် အိမ်ဈေးနှုန်းများ ခေါင်ခိုက်လာကာ မြို့သစ်ကြီးများ များစွာမှာ ရောင်းမထွက်ဘဲ လူမနေသော တေ စ္ဆမြို့ကြီးများ ဖြစ်လာနေကြသည်။

ပေကျင်းရှိ အချို့ခရိုင်များတွင် အိမ်သာမပါ၊ ရေမရသည့် အခန်းကျဉ်းကလေးများ၏ ဈေးနှုန်းမှာ ဥရောပရှိ အချို့မြို့ကြီးများ၏ အိမ်ပေါက်ဈေးများအတိုင်း ဖြစ်လာနေသည်။




Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)