ကျူးကျော်စာရင်း ကောက်ယူမှု ဒဂုံဆိပ်ကမ်းမြို့နယ်သို့ ရောက်ရှိ

ကျူးကျော်နေထိုင်သူ စာရင်းကို ဒဂုံမြို့သစ်(ဆိပ်ကမ်း)မြို့နယ်မှာ သည်နေ့စတင်ကောက်ယူနေတယ်လို့ ဒေသခံတွေရဲ့ ပြောပြချက်အရ သိရပါတယ်။

ကျူးကျော်စာရင်းတွေကို သည်လ ၂ရက်နေ့ကစပြီး တောင်ဒဂုံမြို့နယ်မှာ ကောက်ယူခဲ့တယ်။
ရပ်ကွက် ၂၀ကို ပထမဆုံး စီမံချက်နဲ့ ကောက်ယူခဲ့ပါတယ်။ဒဂုံမြို့သစ်(တောင်ပိုင်း)မြို့နယ်က ကျူးကျော်စာရင်း ကောက်ယူတာကို သည်လ ၂ရက်နေ့ကနေ ၁၃ရက်နေ့အထိ ကောက်ယူခဲ့တာ ဖြစ်ပါတယ်။

ကျူးကျော်စာရင်းကောက်ယူတဲ့ ဒဂုံမြို့သစ်(တောင်ပိုင်း)မြို့နယ်က ဒေသခံတစ်ဦးဖြစ်တဲ့ မောင်စည်တော်က ‘၁၃ရက်နေ့က တောင်ဒဂုံကောက်တာ ပြီးသွားတယ်၊ အခုဆိပ်ကမ်းနဲ့ ဒဂုံအရှေ့ကို ဆက်ကောက်မယ်၊ ဒီနေ့ ဒဂုံမြို့သစ်(ဆိပ်ကမ်း)မြို့နယ်က စကောက်နေပြီ’ လို့ ပြောပါတယ်။

ကျူးကျော်စာရင်းတွေကို ဒဂုံမြို့သစ်(တောင်ပိုင်း) မြို့နယ်က ၁၇၊ ၂၁၊ ၅၅၊ ၅၄၊ ၅၆ စတဲ့ အိမ်ခြေမဲ့ ဦးရေများတဲ့ ရပ်ကွက် ၂၀ကို ကောက်ယူခဲ့တာဖြစ်ပြီး ဆက်စပ်မြို့နယ်တွေဖြစ်တဲ့ ဒဂုံမြို့သစ်(ဆိပ်ကမ်း)ကို ဆက်လက်ကောက်ယူနေတာ ဖြစ်ပါတယ်။

ကျူးကျော်စာရင်းကို နည်းပညာနဲ့ လက်ဗွေရာကို စကင်န်ဖတ်၊ ဓါတ်ပုံမှတ်တမ်းယူပြီး ကောက်ယူနေတာ ဖြစ်ပါတယ်။ကျူးကျော်စာရင်း ကောက်ယူတဲ့ ပုံစံက အုပ်ချုပ်ရေးပိုင်းက ကျူးကျော်တွေကို စုပေးပြီး စာရင်းကောက်ယူတဲ့အဖွဲ့က လက်ဗွေရာ စစ်ဆေးပြီး အသိအမှတ်ပြု သက်သေခံလက်မှတ်ထုတ်ပေးတာ ဖြစ်ပါတယ်။

အုပ်ချုပ်ရေးပိုင်းက ပေးတဲ့စာရင်းနဲ့ ကောက်ယူရတာဖြစ်လို့ အုပ်ချုပ်ရေးပိုင်းက ပေးတဲ့ စာရင်းက ဘယ်လောက်အထိ မှန်မှန်ကန်ကန် တင်ပြနိုင်မလဲဆိုတာ လွှတ်တော်ကိုယ်စားလှယ်တွေက မေးမြန်းထားပါတယ်။အုပ်ချုပ်ရေးပိုင်းက စာရင်းပေးဖို့ ကျန်ခဲ့တာတွေကို ထပ်မံကောက်ယူမှာ ဖြစ်တယ်လို့ သိရပါတယ်။

ဒဂုံမြို့သစ်(တောင်ပိုင်း)မဲဆန္ဒနယ်အမှတ်(၁)က လွှတ်တော်ကိုယ်စားလှယ် ဦးညီညီက ‘အုပ်ချုပ်ရေးပိုင်းကနေပြီးတော့ လူဦးရေ စာရင်းပေါ်မူတည်ပြီးတော့ ကျွန်တော်တို့က ကောက်ရတာပါ၊ လွှတ်တော်ကိုယ်စားလှယ်တွေက လိုက်ပြီး ဝန်းရံတဲ့သဘောပါပဲ’ လို့ ပြောပါတယ်။

နည်းပညာအကူအညီနဲ့ ကျူးကျော်စာရင်း ကောက်ယူတာကို ရန်ကုန်းတိုင်းဒေသကြီး အစိုးရအဖွဲ့ အစီအစဉ်နဲ့ ဆောင်ရွက်မှာဖြစ်ပြီး လွှတ်တော်ကိုယ်စားလှယ်တွေကို ဝန်းရံတဲ့အနေနဲ့ ဆောင်ရွက်ပေးနေတာ ဖြစ်ပါတယ်။ကျူးကျော်စာရင်းတွေကို စာရင်းကောက်သူ ၃၀ဦး၊ ကွန်ပျူတာပညာရှင် ၁၈ဦးနဲ့ ဝန်းရံအင်အား ၃၀၊ စုစုပေါင်း ၇၈ဦးနဲ့ ကောက်ခံနေတာ ဖြစ်ပါတယ်။

ကျူးကျော်နေထိုင်သူတွေ ဖြစ်ကြောင်း အသိအမှတ်ပြုလက်မှတ်ကို တစ်ဆင့်ရောင်းချတာမျိုး ဆောင်ရွက်လို့မရဘူးလို့ သိရပါတယ်။သည်လက်မှတ်တွေက လက်ဗွေရာပါပြီးသားဖြစ်လို့ လက်ဗွေရာကွဲလွဲနေရင် ဥပဒေအကြောင်းအရ အရေးယူခံရမှာဖြစ်ပါတယ်။

သည်အစီအစဉ်ကို မေလ ၂၅ ရက်နေ့က ရန်ကုန်တိုင်းဒေသကြီး အစိုးရအဖွဲ့ရုံးမှာ သတင်းမီဒီယာတွေကို ချပြခဲ့တယ်။သုံးလအကြာ သည်စက်တင်ဘာလ ၂ ရက်နေ့မှာ ပထမဆုံးစီမံကိန်းအဖြစ် ဒဂုံမြို့သစ်(တောင်ပိုင်း)မြို့နယ်က ရပ်ကွက် ၂၀ကို စတင်ကောက်ယူတာ ဖြစ်ပါတယ်။ဒုတိယမြို့နယ်အဖြစ် ဒဂုံမြို့သစ်(ဆိပ်ကမ်း) မြို့နယ်ကို ကောက်ယူနေပါတယ်။

Credit:The Modern