မင်းဘူးမြို့ နမ္မဒါဂေါက်ကွင်းအတွက် သိမ်းဆည်းခဲ့သော လယ်ယာမြေကိစ္စ ပြန်လည်စိစစ်ပေးရန် တောင်းဆို

မကွေးတိုင်းဒေသကြီး မင်းဘူးမြို့ နမ္မဒါဂေါက်ကွင်းအ တွက် သိမ်းဆည်းခံလယ်ယာမြေများနှင့် အသုံးမပြုသည့် လယ်ယာမြေများအတွက် ပြန်လည်စိစစ်ဖြေရှင်းပေးရန် မကွေးတိုင်းဒေသကြီး လယ်ယာမြေနှင့် အခြားမြေများ သိမ်းဆည်းခံရမှု ပြန်လည်စိစစ်ရေးကော်မတီနှင့် မကွေးတိုင်း ၀န်ကြီးချုပ်တို့ထံ နစ်နာခဲ့သည့် တောင်သူများက တင်ပြတောင်းဆိုထားကြောင်း သတင်း ရရှိသည်။

၁၉၉၄ က မင်းဘူးမြို့ တွင် နမ္မဒါဂေါက်ကွင်းတည်ဆောက်ရန် တောင်သူ ၃၅ ဦးထံမှ လယ်ယာမြေဧက ၂၀၀ ခန့်သိမ်းဆည်းခဲ့သော်လည်း ဂေါက်ကွင်းတည်ဆောက်အပြီး ပိုလျှံနေသည့် မြေများ မူလပိုင်ရှင်တောင်သူများထံ ပြန်လည်ပေးအပ်ခြင်း၊ နစ်နာကြေး ပေးလျော်ခြင်း မရှိသဖြင့် ယင်းကိစ္စကို ပြန်လည်စိစစ်ပေးရန် တောင်သူများက စာဖြင့် တင်ပြတောင်းဆိုနေခြင်းဖြစ်သည်။

‘‘အဲဒီတုန်းက မ၀တရုံးက ကျွန်တော်တို့ တောင်သူတွေကို ခေါ်လိုက်တယ်။ ယာမြေတွေကို သိမ်းဆည်းလိုက်ပြီလို့ ပြောတယ်။လက်မှတ်ထိုးခိုင်းတယ်။ ကြောက် တော့ထိုးလိုက်ရတယ်။ ဘာနစ်နာ ကြေး၊ လျော်ကြေး တစ်ပြားတစ် ချပ်မှ မရခဲ့ပါဘူး’’ဟု ယာမြေဧက ၃၀ ကျော် သိမ်းဆည်းခံရသည့် တောင်သူ ဦးစောလှိုင်က ပြောကြားသည်။

ဂေါက်ကွင်း တည်ဆောက်ရာတွင် သိမ်းဆည်းထားသည့် ဧက ၂၀၀ ခန့်မှ ဧက ၆၀ ကျော်သာ အသုံးပြုခဲ့သော်လည်း အသုံးမပြုဘဲ ပိုလျှံနေသည့် လယ်ယာမြေများကို တောင်သူများထံ ပြန်လည်ပေး အပ်ခြင်းမရှိဘဲ သက်ဆိုင်ရာအာ ဏာပိုင်များက မြေကွက်များရိုက်၍ ရောင်းချခဲ့သည်ဟု တောင်သူများက ပြောသည်။

‘‘မပြောရဲတဲ့ခေတ်ကို ကျွန် တော်တို့ ဖြတ်သန်းခဲ့ရတယ်။ နောက်ပိုင်း ဦးသိန်းစိန် အစိုးရ လက်ထက်မှာလည်း ဒီကိစ္စကို ဖြေရှင်းပေးဖို့ ဥပဒေကြောင်းအရ သုံး ကြိမ်တင်ပြခဲ့တယ်။ အခုကတော့ အမေစုစကားကို ယုံတယ်။ သူတို့ အစိုးရဖြစ်ရင် လယ်ယာမြေကိစ္စ တွေကို ဦးစားပေးဆောင်ရွက်မယ်ဆိုတဲ့ အမေ့စကားကို ယုံသလို အခု အစိုးရကိုလည်း ယုံတယ်။ အဲဒါကြောင့် ပြန်လည်စိစစ်ပေးဖို့ အသုံးမပြုမြေတွေကို မူလပိုင်ရှင် တောင်သူကို ပြန်ပေးပြီး ပုံစံ (၇) ရရှိဖို့အထိ ဆောင်ရွက်ပေးဖို့ တင်ပြနေတာပါ’’ ဟု တောင်သူ ကိုအောင်တင်သိန်းက ဆိုသည်။

ယင်းကိစ္စနှင့် ပတ်သက်၍ မင်းဘူးမြို့နယ် အထွေထွေအုပ် ချုပ်ရေးဦးစီးဌာနအုပ်ချုပ်ရေးမှူး၊ မင်းဘူးမြို့နယ် လယ်ယာမြေပြန် လည်စိစစ်ရေးကော်မတီ ဥက္ကဋ္ဌ ဦးညီညီဝင်းက ပြန်လည်စိစစ်နေ ကြောင်း ပြောသည်။

‘‘နမ္မဒါ ဂေါက်ကွင်းကိစ္စကို ကျွန်တော်တို့ ဆောင်ရွက်နေပါ တယ်။ ဂေါက်ကွင်းက မန်းရေနံ မြေအပိုင်ဖြစ်နေတော့ သိမ်းဆည်းခဲ့တဲ့ လယ်ယာမြေတွေအတွက် လျော်ကြေးပေးဖို့အတွက် စီစဉ်နေ ပါတယ်။ အသုံးမပြုလယ်ယာမြေ တွေကိစ္စက ကျွန်တော်တို့ဆီကို တက်မလာသေးပါဘူး။ အရင် အစိုးရလက်ထက်က အစီရင်ခံစာတွေကိုလည်း ပြန်ပြီးစိစစ်နေပါ တယ်။ အားလုံးကို ပြန်လည်စိစစ် ပြီး ဥပဒေအရ တောင်သူတွေနစ် နာမှုမရှိအောင် ဆောင်ရွက်နေပါ တယ်’’ ဟု ဦးညီညီဝင်းက ပြော ကြားသည်။

Credit : 7Daydaily