ဆော်ဒီဆောက်လုပ်ရေးကုမ္ပဏီ အိုဂါသည် အလုပ်သမားများကို လစာပေးရန်အကြွေး ကန်ဒေါ်လာ သန်း ၈၀၀ ကျော်ရှိကာ ဒေ၀ါလီခံရတော့မည်

ဆော်ဒီအာရေးဗီးယားနိုင်ငံ၊ ရီယာ့ဒ်အခြေစိုက် ဆောက်လုပ်ရေးကုမ္ပဏီ အိုဂါသည် အလုပ်သမားများကို လစာပေးရန်အကြွေး ကန်ဒေါ်လာ သန်း ၈၀၀ ကျော်ရှိကာ ဒေ၀ါလီခံရန် ကြေညာရဖွယ်ရှိကြောင်း အရှေ့အလယ်ပိုင်းအခြေစိုက် အိမ်ခြံမြေသတင်း ၀က်ဘ်ဆိုက်တစ်ခုတွင် ဖော်ပြသည်။

ယင်းကုမ္ပဏီတွင် လုပ်ကိုင်လျက်ရှိသော ပြင်သစ်အလုပ်သမားများသည် လစာမရရှိသည်မှာ ၉ လရှိပြီဖြစ်ပြီး ယခုအခါတွင် အိုဂါကုမ္ပဏီကို ပြင်သစ်နိုင်ငံရှိ တရားရုံးများတွင် တရားစွဲဆိုထားသည်ဟု ဆိုသည်။

လက်ရှိအားဖြင့် အဆိုပါကုမ္ပဏီတွင် အင်ဂျင်နီယာ၊ မန်နေဂျာအဖြစ် တာဝန်ထမ်းဆောင်ခဲ့သော ပြင်သစ်ဝန်ထမ်းပေါင်း ၂၀၀ ကျော်၏ တရားစွဲဆိုထားမှုကို ပြင်သစ်ရှေ့နေတစ်ဦးက ဦးဆောင်ပေးလျက်ရှိသည်။

ယင်းရှေ့နေနှင့် အိုဂါကုမ္ပဏီအကြားဆွေးနွေးမှုမှာ ပြေလည်မှုမရရှိခဲ့ဟု ဆိုသည်။

ကုမ္ပဏီအလုပ်သမားတို့က လစာအပြည့်နှင့် လျော်ကြေးငွေ တောင်းဆိုကြသည်ဟု ဆိုသည်။

အိုဂါကုမ္ပဏီသည် ရေနံဈေးများအလွန်အမင်း ကျဆင်းခြင်းနှင့် ငွေဖြစ်လွယ်မှုအခက်တွေ့ခြင်းတို့ကြောင့် ယခုကဲ့သို့ ဘဏ္ဍာရေးအကျပ်အတည်း ကြုံတွေ့ခဲ့ခြင်းဖြစ်ပြီး အလုပ်သမားများအား လစာ ငါးလခွဲစာပေးရန် ညှိနှိုင်းခဲ့သော်လည်း အလုပ်သမားတို့၏ ရှေ့နေက လက်မခံခဲ့ချေ။

ယင်းကာလအတွင်း ရီယာ့ဒ်ရှိ ပြင်သစ်သံရုံးသည် ပြင်သစ်လုပ်သားများအား ငွေကြေးထောက်ပံ့ကူညီလျက်ရှိနေပြီး ယခုပြဿနာ မပြေလည်မီအတွင်း ကလေးများ၏ ကျောင်းစရိတ်အပါအ၀င် အခြားအသုံးစရိတ်များ ရစေရန် ထောက်ပံ့ခြင်းဖြစ်သည်။

အိုဂါကုမ္ပဏီတွင် အလုပ်လုပ်ကိုင်နေသော ၀န်ထမ်းပေါင်း ၂၀၀၀၀ ကျော်ရှိပြီး လွန်ခဲ့သော ရှစ်လတာကာလအတွင်း လစာသာမက ကျန်းမာရေးအာမခံလည်း သက်တမ်းတိုးပေးခြင်းများ မပြုလုပ်နိုင်ခဲ့တော့ချေ။

အချို့လုပ်သားများမှာ အိုဂါကုမ္ပဏီမှ ကန်ဒေါ်လာ ၁၃၃၃၁၃ ခန့်အထိ ရရန်ရှိသူများ ပါဝင်သည်။

လက်ရှိအခြေအနေတွင် ဆော်ဒီအာရေးဗီးယားအစိုးရသည် အိုဂါကုမ္ပဏီကို လွှဲပြောင်းရယူရန် ဆွေးနွေးလျက်ရှိသည်။

အိုဂါကုမ္ပဏီကို ပိုင်ဆိုင်သူမှာ လက်ဘနွန်ဝန်ကြီးချုပ်ဟောင်း ဆာအက်ဒ် ဟာရီရီ ဖြစ်သည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)