အိမ်ခြံမြေဈေးကွက် ၂၀၁၇ခုနှစ် ဈေးကွက်ပြန်လည်ပတ်နိုင်မည် ခန့်မှန်း

လက်ရှိ ၂၀၁၆ခုနှစ် အိမ်ခြံမြေဈေးကွက်ကလည်း ပြီးခဲ့တဲ့ ၂၀၁၅ခုနှစ်ရဲ့ ဈေးကွက်အတိုင်းဈေးကွက်ပြန်ကောင်းလာမယ့် အချိန်ကိုပဲမျှော်လင့်နေရာမှာ ဖြစ်ပြီးလာမယ့် ၂၀၁၇ ခုနှစ် ဝန်ကျင်းမှသာဈေးကွက်ပြောင်းလဲမှုတွေ ဖြစ်လာနိုင်မယ်လို့ အကျိုးဆောင်တချို့က ပြောပါတယ်။

အိမ်ခြံမြေဈေးကွက်ကလက်ဆင့်ကမ်းရောင်းချနေတဲ့ မူမမှန်တဲ့ ဈေးကစားမှုတွေကြောင့် ဈေးကွက်ပျက်ခဲ့တယ်။ဝယ်လိုအားကလည်းဈေးကွက်ထဲမှာရှိနေတဲ့ ရောင်းလိုအား
ထက်၃၀ရာခိုင်နှုန်းလောက်သာဈေးကွက်ဖြစ်နေတာလို့ ပြောပါတယ်။

၂၀၁၅ ခုနှစ်က ငြိမ်သက်နေခဲ့ပြီးဈေးနှုန်းတွေကတဖြည်းဖြည်းကျဆင်းလာကာ ၂၀၁၆ ခုနှစ်မှာတော့ အဝယ်ပါပျောက်ပြီးဈေးကွက်အေးနေတာ ဖြစ်တယ်လို့ သိရပါတယ်။

ဝယ်ရောင်းအကျိုးဆောင် ဦးဝင်နိုင်က ‘အခုဈေးကွက်ကိုပြောရမယ်ဆို ကြီးထွားဖို့ အရှိန်လျော့သွားပြီးတချို့အရွက်တွေကကြွေကျသွားသလိုပဲဈေးကမတတ်တော့ဘဲဈေးကွက်အရှိန်လျော့သွားပြီးဈေးလျှော့ထုတ်ရောင်းနေကြတာမျိုးပေါ့၊ ရောင်းလိုအားနဲ့ ဝယ်လိုအားမမျှတော့တဲ့ ဈေးကွက် ဖြစ်နေတာ’လို့ ပြောပါတယ်။

မြေယာမူဝါဒ၊ မြေကွက်စံနှုန်းထား၊ အခွန်နှုန်းထား၊ စက်မှုဇုန်နဲ့ပတ်သက်တဲ့ ဥပဒေစည်းမျဉ်းစည်းကမ်းတွေ၊ ဆောက်လုပ်ရေးနဲ့ ပတ်သက်တဲ့ စည်းကမ်းချက်တွေ၊ ဥပဒေတွေကိုထုတ်ပြန်တာဆွေးနွေးနေတာတွေ ရှိပါတယ်။

အိမ်ခြံမြေအရောင်းအဝယ် ဈေးကွက်အေးနေတာကဈေးကွက်တည်ငြိမ်မှု မရှိတာကြောင့်နဲ့ ယုံကြည်မှုပျောက်နေတာကြောင့်လို့ ပြောပါတယ်။အများစုက သည်၂၀၁၆မှာ ပြောင်းလဲလာမယ်လို့ မျှော်မှန်းထားကြပေမဲ့ အခုအထိဈေးကွက်ကထူးခြားမှု မရှိသေးတာကြောင့် လာမယ့်၂၀၁၇မှာတော့ ဈေးကွက် ပြန်လည်ပတ်နိုင်မှာလို
့ ပြောကြတာဖြစ်တယ်။

ဝါရင့်အကျိုးဆောင် ဦးမောင်မောင်က ‘အခုတော့ ဆောက်လုပ်ရေးဈေးကွက်မှာတော့ တည်ငြိမ်လာမယ်ထင်တယ်၊ စည်းကမ်းတွေအတိုင်းလုပ်ဆောင်နေတော့ အစပိုင်းပဲရှိနေသေးပေမယ့် ပိုကောင်းတယ်၊ ယုံကြည်မှုတွေ ပျောက်နေတာ ပြန်တည်ဆောက်လာနိုင်မယ်၊ မြေကွက်အရောင်းတွေလဲစောင့်ရဦးမှာဆိုပေမဲ့ ၂၀၁၇လောက် ဈေးကွက်က ပြန်လည်ပတ်နိုင်မှာပါ’လို့ ပြောပါတယ်။

လူနေထိုင်မှုမရှိသေးတဲ့ မြို့စွန်နေရာတွေကမြေကွက်လွတ်တွေ အကွက်မြေတွေကိုငွေတတ်နိုင်တဲ့ သူတွေကအဆမတန်တဲ့ ဈေးတွေနဲ့ ဝယ်ယူတာကြောင့် ဈေးမြင့်ကုန်ပါတယ်။တကယ်ဈေးနဲ့ မကိုက်ညီတဲ့ နေရာတွေမှာဈေးတွေ ပြန်လည်ကျဆင်းနေတာကြောင့်တဖြည်းဖြည်းဈေးတွေရောအရောင်းအဝယ်တွေပါ နှေးကွေးလာတာ ဖြစ်တယ်လို့ သိရပါတယ်။

ဝသုန်အကျိုးဆောင်မှ ဦးမောင်ဝင်းက ‘အခုဈေးကွက်က ၂၀၁၅ကထက် ပိုပြီးဈေးကွက်အေးနေတာ၊ ဈေးကလဲ မြို့တွင်းနေရာတွေတော့ မပြောင်းလဲပေမဲ့ မြို့စွန်တွေကတော့ ပုံမှန်ထက် ၂၀ ရာခိုင်နှုန်းလောက် ဈေးလျှော့ရောင်းမှ အရောင်းအဝယ်တချို့လေးတွေ ရှိလာတယ်၊ ဈေးကွက်ပျောက်နေတဲ့ ဝယ်လိုအားနည်းပြီးရောင်းလိုအားဈေးကွက် ကြီးမားနေတဲ့ လက်ရှိအချိန်ကတော့ ကြာနိုင်သေးတယ်’ လို့ ပြောပါတယ်။

အိမ်ခြံမြေဈေးကွက်က ၂၀၁၇ခုနှစ်လောက်အထိစောင့်ကြည့်ရနိုင်တယ်။အရောင်းအဝယ်ဖြစ်နေတဲ့ကွက်ကြားနေရာတွေကတော့ လျှော့ဈေးနဲ့ဖြစ်နေတာပါ။ပြဋ္ဌာန်းဖို့ ကျန်နေသေးတဲ့ ဥပဒေတွေ ထွက်လာမယ်ဆိုရင်တော့ ဈေးကွက်ပြန်လည်ပတ်နိုင်မှာ ဖြစ်တယ်လို့ သိရပါတယ်။

Credit: The Modern