ၿပီးခဲ့တဲ့ အစိုးရလက္ထက္က အေဆာက္အအံုတည္ေဆာက္ဖို႔ ခြင့္ျပဳမိန္႔က်ၿပီး (ပါမစ္ႀကီး) တဲ့ အထပ္ျမင့္ အေဆာက္အအံု ၁၂လံုး စည္ပင္သာယာဥပေဒနဲ႔ မကိုက္ညီတဲ့အခ်က္ေတြ ျပန္ျပင္ေပးရမယ္လို႔ ရန္ကုန္ၿမိဳ႕ေတာ္ စည္ပင္သာယာေရးေကာ္မတီက သိရပါတယ္။
ရန္ကုန္ၿမိဳ႕ေတာ္ စည္ပင္သာယာေရး ေကာ္မတီ အတြင္းေရးမွဴးေဒၚလႈိင္ဦးေမာ္က ‘နည္းနည္းပါးပါး ျပင္ဆင္စရာေလးေတြေတာ့ ရွိပါတယ္၊ ၁၂လံုးရွိေတာ့ တစ္လံုးနဲ႔တစ္လံုး တစ္မ်ိဳးနဲ႔တစ္မ်ိဳး မတူဘူး၊ အမ်ိဳးစံုပါတယ္’ လို႔ ေျပာပါတယ္။
ရန္ကုန္ၿမိဳ႕ေတာ္ စည္ပင္သာယာေရး ေကာ္မတီဥပေဒနဲ႔ မကိုက္ညီတဲ့ အခ်က္ေတြကို ျပင္ေပးရမွာျဖစ္ၿပီး ျပန္ျပင္ရတဲ့ အနည္းအမ်ားကေတာ့ တည္ေဆာက္ထားတဲ့အေပၚ မူတည္တယ္လို႔ သိရပါတယ္။ဘယ္လိုမွ အဆင္မေျပတဲ့ အခ်က္ေတြကိုိ ျပန္ျပင္ခိုင္းမွာ ျဖစ္ပါတယ္။
အထပ္ျမင့္အေဆာက္အအံု ၁၂လံုးကို စစ္ေဆးတဲ့ ရလဒ္ကို ရန္ကုန္တိုင္းေဒသႀကီး အစိုးရအဖြဲ႔ကေန စည္ပင္သာယာေရးေကာ္မတီကို ေပးပို႔မွာျဖစ္ၿပီး စည္ပင္သာယာက ထုတ္ျပန္ေၾကျငာမွာ ျဖစ္ပါတယ္။
သည္အေဆာက္အအံုေတြက ႏွစ္လနီးပါးၾကာတဲ့အထိ အေဆာက္အအံုတည္ေဆာက္ခြင့္ေတြ ရပ္ဆုိင္းခံထားရတာျဖစ္ၿပီး ေျမျပင္ကြင္းဆင္းစစ္ေဆးမႈကို ဇြန္လ ၂၁ရက္ေန႔က စတင္စစ္ေဆးခဲ့ပါတယ္။သည္အပတ္ (ဇူလိုင္လ ဒုတိယပတ္) ထဲမွာ အေသးစိတ္အခ်က္ေတြကို ထုတ္ျပန္ေပးမွာ ျဖစ္ပါတယ္။
အထပ္ျမင့္ အေဆာက္အအံု ၁၂လံုးကို သက္ဆုိင္ရာၿမိဳ႕နယ္က လႊတ္ေတာ္ကုိယ္စားလွယ္၊ ရပ္မိရပ္ဖတစ္ဦး၊ ၿမိဳ႕နယ္အုပ္ခ်ဳပ္ေရးမွဴး၊ ရပ္ကြက္အုပ္ခ်ဳပ္ေရးမွဴး၊ ျမန္မာႏိုင္ငံဗိသုကာအသင္းက ကိုယ္စားလွယ္၊ ျမန္မာႏိုင္ငံ အင္ဂ်င္နီယာအသင္းက ကိုယ္စားလွယ္၊ ရန္ကုန္ၿမိဳ႕ေတာ္ စည္ပင္သာယာေရးေကာ္မတီ လမ္းတံတားဌာန၊ အင္ဂ်င္နီယာဌာန(အေဆာက္အအံု)၊ ရန္ကုန္လွ်ပ္စစ္ဓါတ္အားေပးေရးအဖြဲ႔က ၿမိဳ႕နယ္အင္ဂ်င္နီယာ၊ ျမန္မာႏိုင္ငံေဆာက္လုပ္ေရး လုပ္ငန္းရွင္အသင္း၊ Urban Environmental ဌာန၊ မီးသတ္ဦးစီးဌာန၊ Geo Tech နဲ႔ ပတ္သက္သူ၊ YHT တို႔နဲ႔ စစ္ေဆးခဲ့တာ ျဖစ္ပါတယ္။ရန္ကုန္ၿမိဳ႕က အထပ္ျမင့္အေဆာက္အအံု အလံုး ၁၄၀ေက်ာ္ကုိ ၿမိဳ႕ျပအဂၤါရပ္နဲ႔ ကိုက္ညီေစဖို႔အတြက္ အေဆာက္အအံုေတြကို အေသးစိပ္ ျပန္စိစစ္ဖို႔ ရန္ကုန္ၿမိဳ႕ေတာ္ စည္ပင္သာယာေရး ေကာ္မတီက ေမလ ၂၀ရက္ေန႔က ေၾကျငာခ်က္ထုတ္ထားတာ ျဖစ္ပါတယ္။
ေနာက္ထပ္စစ္ေဆးဖို႔ အေဆာက္အအံု ၁၄၁လံုး ရွိၿပီး လက္ရွိ စာရြက္စာတမ္း စစစ္ေနၿပီလို႔ သိရပါတယ္။သည္အေဆာက္အအံုေတြက ၿပီးခဲ့တဲ့ အစိုးရလက္ထက္က တည္ေဆာက္ခြင့္ျပဳထားတဲ့ အေဆာက္အအံုေတြ ျဖစ္ပါတယ္။
Credit: Kumudra
![[ရုပ်ရည်ကျဆင်း အိုမင်းခြင်းကား ပျိုမျစ်နောက်ဆုံးရှိချေ၏] အိုမင်းသော ရုပ်ရည်မှ ဆန်းကြယ်စွာ နုပျိုသွားသော ဂျပန်အမျိုးသားတစ](https://imh-images-prod.s3.ap-southeast-1.amazonaws.com/pictures/news/dr5b5kh/1149063-0945344001749443046-02.jpg)
![[ရာစုနှစ်၏ မင်္ဂလာပွဲကြီး] ဂျက်ဘေးဇော့စ်နှင့် လော်ရန်ဆန်းချက်ဇ်တို့၏ ဗင်းနစ်မင်္ဂလာပွဲ အချက်အလက်နှင့် ကိန်းဂဏန်းများ](https://imh-images-prod.s3.ap-southeast-1.amazonaws.com/pictures/news/dr5b5kh/1150723-0410243001751007761-02.jpg)
