ဆောက်လုပ်ရေး လုပ်ငန်းသုံး ပစ္စည်းများကို နိုင်ငံခြားသား ဖက်စပ် ကုမ္ပဏီများအား စတင် ကုန်သွယ်ခွင့်ပြုပြီ

ယခင်က ပြည်တွင်းကုမ္ပဏီများကိုသာ တင်သွင်းခွင့်ပြုထားသည့် ဆောက်လုပ်ရေးလုပ်ငန်းသုံး
ပစ္စည်းများကို နိုင်ငံခြားသားဖက်စပ်ကုမ္ပဏီများအား စတင်ကုန်သွယ်ခွင့်ပြုပြီဖြစ်ကြောင်း စီးပွားရေးနှင့်ကူးသန်းရောင်း ၀ယ် ရေးဝန်ကြီးဌာနမှ သိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ပြည်တွင်းလိုအပ်ချက်ရှိသည့် စိုက်ပျိုးရေးလုပ်ငန်းသုံးဓာတ်မြေသြဇာ ၊ ပိုးသတ် ဆေးများအပြင် ဆေးဝါးနှင့်ဆက် စပ်ပစ္စည်းများကိုလည်း နိုင်ငံခြားဖက်စပ် ကုမ္ပဏီများအား တင်သွင်းခွင့်ပြုထားကြောင်းသိရသည်။

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ တာဝန်ရှိသူတစ်ဦးက " အစောပိုင်းကလည်း ကုန်စည်အချို့ကို နိုင်ငံခြားဖက်စပ် ကုမ္ပဏီတွေ ကိုတင်သွင်းခွင့်ပြုထားတယ်။ အခု နိုင်ငံခြားဖက်စပ်ကုမ္ပဏီတွေကို ထပ်မံပြီး ဆောက်လုပ်ရေးပစ္စည်းတွေကို ထပ်တိုးတင်သွင်းခွင့် ပြုလိုက်တာပါ။

ပြည်တွင်းမှာလည်း ပြည် တွင်း၊ ပြည်ပကုမ္ပဏီတွေကို ခွဲခြားမှုမရှိဘဲနဲ့အခုလိုအရည်အသွေး မြင့်ဆောက်လုပ်ရေးပစ္စည်းတွေကို တင်သွင်းခွင့်ပြုခဲ့တာပါ" ဟု ဇူ လိုင် ၉ ရက်က ဒီမိုကရေစီတူဒေးသတင်းစာသို့ ပြောသည်။

စီးပွားရေးနှင့် ကူးသန်းရောင်း ၀ယ်ရေးဝန်ကြီးဌာနသည် ကုန်သွယ်မှုနှင့်ပတ်သက်သည့် နိုင်ငံတကာလုပ်ထုံးလုပ်နည်းများ၊ ကမ္ဘာ့ကုန်သွယ်ရေးအဖွဲ့၏ စည်းမျဉ်းများအရလည်းကောင်း၊ လက်ရှိပြောင်းလဲ လာသော စီးပွားရေးအခြေအနေများအရ နိုင်ငံခြားမှ လာရောက်ရင်းနှီး မြှုပ်နှံလိုသူများ၊ စီးပွားရေးလုပ်ငန်း လာရောက်လုပ်ကိုင်လိုသူများပြားလာမှုအရလည်းကောင်း၊
ပြည်တွင်းဆောက်လုပ်ရေးလုပ်ငန်းများ အရည်အသွေးပို မိုကောင်း မွန်သော ဆောက်လုပ်ရေးပစ္စည်းများ အသုံး ပြုနိုင်ရန် ရည်ရွယ်ကာ နိုင်ငံခြားသား ဖက်စပ်ကုမ္ပဏီများအား ကုန်သွယ်ခွင့်ပြုခြင်းဖြစ်ပြီး ခွင့်ပြုထားသည့်ကုန်ပစ္စည်းများကို ကုန်သွယ်မှုလုပ်ငန်းဆောင်ရွက်ရာ တွင် လက်ရှိ ပြည်တွင်းကုမ္ပဏီများအား သတ်မှတ်ခွင့်ပြုထားသည့် လုပ်ထုံးလုပ် နည်းများအတိုင်းသာခွင့်ပြုသွားမည်ဖြစ်ကြောင်း သိရသည်။

ဖက်စပ်ကုမ္ပဏီများအနေဖြင့် ဆောက်လုပ်ရေးပစ္စည်းများကို ကုန်သွယ်မှုပြုရာတွင်ဖက်စပ်ကုမ္ပဏီသည် ရောင်းဝယ်ရေးလုပ်ငန်း လုပ်ကိုင်ခွင့်ရှိသည့်ကုမ္ပဏီဖြစ်ရမည်၊ ကုမ္ပဏီမှတ်ပုံတင်စဉ် ခွင့်ပြုပေးသည့် ဖက်စပ် ကုမ္ပဏီများ၏ quaity အချိုးအရခွင့်ပြုမည်၊ ဖက်စပ်လုပ်ငန်း ဆောင်ရွက်သည့် နိုင်ငံခြားသား ကုမ္ပဏီများအနေဖြင့် ၎င်းင်းတို့တရား ၀င်ယူဆောင်လာသည့် နိုင်ငံခြား ငွေပမာဏအတိုင်းသာ ကုန်သွယ်မှု ပြုလုပ်ရမည်၊ဖက်စပ်ကုမ္ပဏီအား
ဆောက်လုပ်ရေး လုပ်ငန်းသုံးပစ္စည်းများကို လက်လီလက်ကား ရောင်းချခွင့်ပြုသည်၊ ပို့ကုန်၊ သွင်းကုန် လုပ်ငန်းရှင် မှတ်ပုံတင်လက်မှတ် လာရောက်လျှောက်ထားပါက ရင်း နှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှထုတ်ပေးသည့် Form ၆/၂၆ တို့နှင့်အတူ Bank Statement တို့အားတင်ပြရမည်၊ တင်သွင်းလာသည့်ဆောက်လုပ်ရေးလုပ်ငန်းသုံးပစ္စည်းများသည် သက်ဆိုင်ရာဌာနများမှ ထုတ်ပြန် ထားသော စံချိန်/စံညွှန်းနှင့်အညီဖြစ်ရမည် စသည့် သတ်မှတ်ချက်များနှင့်အညီ ဆောင်ရွက်ရမည်ဖြစ်ကြောင်း သိရသည်။

နိုင်ငံခြားဖက်စပ်ကုမ္ပဏီများအား ကုန်သွယ်ခွင့်ပြုသည့်ကုန်ပစ္စည်းများစာရင်းကို ပြည်တွင်းလိုအပ်ချက်၊ ဈေးကွက်အနေအထား၊ ပြည်တွင်းစီးပွားရေး
လုပ်ငန်းများ၏အခြေအနေအစရှိသည်တို့အပေါ်မူတည်ကာ လိုအပ်သလို ပြောင်းလဲပြင်ဆင်သွားမည်ဖြစ်ကြောင်း စီးပွားရေး နှင့်ကူးသန်းရောင်းဝယ်ရေးဝန်ကြီးဌာနက ထုတ်ပြန်ထားသည်။

Credit: ‎Democracytoday‬