မလေးရှားနိုင်ငံ ရှီးယားမန်းတက္ကသိုလ်ဝန်းကျင်တွင် မြို့သစ်တစ်ခု တည်ဆောက်မည်

မလေးရှားနိုင်ငံ၊ ကွာလာလမ်ပူမြို့ အနောက်တောင်ဘက် ၄၅ ကီလိုမီတာအကွာ၊ ဆလင်ဂေါပြည်နယ်၊ ဆီပန်မြို့ရှိ အသစ်ဆောက်လုပ်လျက်ရှိသော ရှီးယားမန်းတက္ကသိုလ် ၀န်းကျင်တွင် မြို့သစ်တစ်ခုတည်ဆောက်တော့မည်ဖြစ်ကြောင်း ကွာလာလမ်ပူအခြေစိုက် အိမ်ခြံမြေသတင်းဝက်ဘ်ဆိုက်တစ်ခုတွင် ဖော်ပြသည်။
ယင်းတက္ကသိုလ်သည် တရုတ်နိုင်ငံမှ တည်ထောင်သည့် တက္ကသိုလ်တစ်ခုဖြစ်ပြီး မလေးရှားနိုင်ငံတွင် ပထမဆုံးတည်ထောင်လျက်သော တရုတ်တက္ကသိုလ်လည်း ဖြစ်ကာ မလေးရှားရှိ တရုတ်တက္ကသိုလ်ခွဲတစ်ခုဟုလည်းဆိုနိုင်သည်။

ရှီးယားမန်းတက္ကသိုလ်ကို ဧက ၁၅၀ အကျယ်အ၀န်းရှိမြေနေရာတွင်ဆောက်လုပ်ရန် စီမံကိန်းချထားပြီး တက္ကသိုလ်အဆောက်အအုံများ၏ စုစုပေါင်း အကျယ်အ၀န်းမှာ စတုရန်းမီတာ ၄၇၀၀၀၀ ရှိသည်။
တက္ကသိုလ်တွင် ပို့ချမှုများကို ပြုလုပ်ရာ၌ တရုတ်ဘာသာစကားသင်ကြားမှုနှင့် တရုတ်တိုင်းရင်းဆေး ဘာသာရပ်များမှလွဲပြီး အခြားဘာသာရပ်အားလုံးကို အင်္ဂလိပ်ဘာသာစကားသုံးကာ သင်ကြားပို့ချမည် ဖြစ်သည်။
အစပထမတွင် အဆိုပါတက္ကသိုလ်ကို အဆောက်အအုံ ၁၀ လုံးပါ တက္ကသိုလ်အဖြစ်သာ တည်ဆောက်ရန် ရည်ရွယ်ခဲ့သော်လည်း နောက်ပိုင်းတွင် ဒေသတွင်း၌ အကောင်းဆုံးတက္ကသိုလ်ဖြစ်လာစေရန်နှင့် ကမ္ဘာ့အဆင့်မီတက္ကသိုလ်တစ်ခု ဖြစ်လာစေရန် ရည်မှန်းကာ ဧက ၁၅၀ မြေပေါ်တွင် တည်ဆောက်ရန် ဆုံးဖြတ်ခဲ့ ဖြစ်သည်။

တက္ကသိုလ် တည်ဆောက်မှုကို ၂၀၁၃ ခုနှစ်တွင် စတင်ခဲ့ပြီး ယခင်နှစ်အတွင်းက စီမံကိန်း ပထမဆင့် ပြီးစီးခဲ့ရာ ကျောင်းသားရေးရာလှုပ်ရှားမှု ခန်းမနှင့် ကျောင်းသားဆောင်များအနက် ဘလောက်တစ်ခု ပြီးစီးခဲ့ပြီဖြစ်သည်။လာမည်နှစ်တွင် တက္ကသိုလ်တည်ဆောက်မှု ပထမဆင့် အပြီးသတ်မည်ဖြစ်ရာ ကျောင်းသားပေါင်း ၅၀၀၀ အတွက် စတုရန်းမီတာ ၃ သန်းကျော် ပြီးစီးမည် ဖြစ်သည်။
ကျောင်းဝန်းတစ်ခုလုံးပြီးစီးပါက ကျောင်းသား ၁၀၀၀၀ မှ ၂၀၀၀၀ အကြား ပညာသင်ယူနိုင်မည် ဖြစ်သည်။ယခုအခါအဆိုပါတက္ကသိုလ်ဝန်းကျင်တွင် ၅၂၅ ဧက ကျယ်ဝန်းသော မြေပေါ်၌ မြို့သစ်တစ်မြို့ တည်ထောင်ရန် စီစဉ်လျက်ရှိခြင်း ဖြစ်သည်။

မြို့သစ်ကို ဆန်းဆုရီယာဟု အမည်ပေးထားပြီး ကုန်တိုက်တစ်ခု၊ ဟိုတယ်၊ တိုက်ခန်းများ၊ ရုံးခန်းများအခြေစိုက်နိုင်မည့် အဆောက်အအုံ၊ အထပ်မြင့်နှင့် ခြံဝန်းကျယ်နေအိမ်များ ပါဝင်မည် ဖြစ်သည်။
မြို့သစ်တည်ဆောက်ခြင်းကို ဆန်းဆုရီယာကုမ္ပဏီနှင့် Welcome Global Co Ltd တို့ ပူးပေါင်းတည်ဆောက်မည်ဖြစ်ပြီး ပိုင်ဆိုင်မှု အချိုးမှာ ၆၀း ၄၀ ဖြစ်သည်။
ဆန်းစုရီယာမှ အမှုဆောင်အရာရှိချုပ် ကောင်ဝေဆန်က ပြောကြားရာတွင် မြို့သစ်အတွက် ပထမဆုံးလူနေအိမ်ရာစီမံကိန်းကို လာမည့် စက်တင်ဘာတွင် စတင်တည်ဆောက်သွားမည်ဖြစ်ပြီး The Olive ဟု အမည်ပေးထားကြောင်း ပြောကြားသည်။
ယင်းအိမ်ရာစီမံကိန်းတွင် လူနေခန်းပေါင်း ၆၆၃ ခန်းပါဝင်မည်ဖြစ်ပြီး အခန်းအကျယ်အ၀န်း ၈၁၈ စတုရန်းမီတာ ရှိမည်ဖြစ်ကာ တစ်ခန်းချင်းတန်ဖိုး ရင်းဂစ် ၃၈၃၉၉၉ ခန့် ရှိဖွယ်ရာရှိသည်။


Credit: iMyanmarHouse.com
(iMyanmarHouse.com Team မှ ရေးသား ဖော်ပြသည်။)