တာချီလတ်အိမ်ခြံမြေမြေဈေးကွက်အတွင်း ၂၀၁၆ခုနှစ် အကောက်ခွန်ဥပဒေအသစ်အရ အရင်ထက် အခွန်ပိုမိုပေးဆောင်ရတာကြောင့် ဈေးကွက်အတွင်း အရောင်းအဝယ်အေးနေကြောင်းအိမ်ခြံမြေလုပ်ငန်းလုပ်ကိုင်သူတွေထံက သိရတယ် ။
‘အခွန်ဥပဒေအသစ်အရဆိုရင် မြေကွက်ရဲ့ ၁၅ရာခိုင်နှုန်းသွင်းရမှာ ၊အခွန်ငွေကို
ဝယ်သူကသွင်းရမှာဆိုတော့ မြေဈေးကလက်ရှိပေါက်ဈေးထက် ဈေးတွေပိုတက်လာတယ်ထင်ရတော့ ဝယ်တဲ့သူတွေက အဝယ်ရပ်သွားတယ် ၊ပေါက်ဈေးက ကျပ်သိန်း ၁၀၀၀ဆိုရင် ကျပ်သိန်း ၁၅၀ လောက်ကအခွန်ထပ်ပေးရမယ်ဆိုတော့ ဘယ်သူမှမဝယ်ချင်ကြတော့ဘူး၊ဒါကြောင့်ဈေးကွက်အေးသွားတာပါ ‘ လို့တာချီလိတ်အိမ်ခြံမြေဝန်ဆောင်မှုအသင်းက ကော်မတီဝင်ဦးဝင်းကျော်က ပြောပါတယ် ။
အိမ်ခြံမြေဈေးကွက်အတွင်း အရင်ကအခွန်ငွေငါးရာခိုင်နှုန်းသာပေးသွင်းရပေမဲ့ ၂၀၁၆ခုနှစ် ပြည်ထောင်စုအကောက်အခွန်ဆိုင်ရာ ဥပဒေသစ်အရ ကုန်သွယ်လုပ်ငန်းခွန်ကို ၁၅ရာခိုင်နှုန်းပေးသွင်းရမှာဖြစ်ခြင်းကြောင့် အရောင်းအဝယ်အေးစက်နေရခြင်းဖြစ်ကြောင်းသိရပါတယ် ။
‘အရောင်းအဝယ်လုပ်ထားတဲ့အိမ်ကို နာမည်ပေါက်နဲ့လုပ်ဖို့ဆိုရင် အခွန်ဆောင်ရမယ် ၊အခွန်မဆောင်ဘူး ၊အမည်ပေါက်မပြောင်းဘူးဆိုရင် မြေယာအရှုပ်အရှင်းတွေပါ ဖြစ်လာနိုင်တယ် ၊မြေဈေးနဲ့အခွန်ဈေးပေါင်းရင် မြေကွက်တစ်ကွက် ပေါက်ဈေးက လေးပုံတစ်ပုံလောက် တက်သွားတယ် ၊ဒါကြောင့်ဈေးကွက်အေးနေတာပါ ‘လို့အိမ်ခြံမြေဝယ်ရောင်းလုပ်သူ ကိုဖိုးသာကပြောပါတယ် ။
ပြည်ထောင်စုအကောက်ခွန်ဆိုင်ရာဥပဒေသစ်အရ မြေငှါးရမ်းခြင်း ၊အဆောက်အအုံငှါးရမ်းခြင်း ၊အခန်းငှါးရမ်းခြင်းတို့မှ ရရှိတဲ့ စုစုပေါင်းငှါးရမ်းခ ရငွေအပေါ်၁၀ ရာခိုင်နှုန်း ဝင်ငွေခွန်စည်းကြပ်ရမှာဖြစ်ပြီး ပစ္စည်းတစ်ရပ်ရပ်အားဝယ်ယူခြင်း ၊တည်ဆောက်ခြင်း ၊ရယူခြင်း အတွက် အသုံးပြုတဲ့ဝင်ငွေမှ ကျပ်ငွေတစ်ကျပ်မှ ကျပ်သိန်း ၁၀၀၀ အတွင်း ၁၅ ရာခိုင်နှုန်းပေးသွင်းရမှာဖြစ်ပြီး ကျပ်သိန်း ၁၀၀၀ မှကျပ်သိန်း ၅၀၀၀အတွင်း ဝင်ငွေခွန် ၂၀ ရာခိုင်နှုန်း ပေးသွင်းရမှာဖြစ်ကြောင်းသိရပါတယ် ။
‘ဟိုနေ့ကဆိုရင် ဝယ်သူနဲ့ရောင်းသူဈေးနှုန်းညှိပြီးမှ အခွန် ၁၅ ရာခိုင်နှုန်းပေးသွင်းမှ နာမည်ပေါက်ရမယ်ဆိုလို့ ဝယ်တဲ့သူကမဝယ်ဘဲ ပွဲပျက်သွားတယ် ၊အိမ်ဝယ်တဲ့သူနေနဲ့လဲ ဟုတ်ပါတယ် ၊ဝယ်ပြီး တော့မှ ကိုယ့်နာမည်ပေါက်ချင်ကြတာပေါ့ ၊အမည်ပေါက်မပြောင်းထားရင် တစ်ချိန်ချိန် ပြသနာတက်လာနိုင်တယ်၊အမည်ပေါက်စာရွက်စာတမ်းလုပ်ဖို့ဆိုရင် အခွန်ငွေပေးသွင်းရမယ်ဆိုတော့ ဈေးနှုန်းကြည့်ပြီး အရောင်းအဝယ်မဖြစ်တာတွေများလာတယ် ‘ လို့အိမ်ခြံမြေဝန်ဆောင်မှုလုပ်ငန်းလုပ်ကိုင်သူတစ်ဦးက ပြောပါတယ် ။
မြန်မာနိုင်ငံအ်ိမ်ခြံမြေလုပ်ငန်းရှင်အသင်းနဲ့သက်ဆိုင်ရာဝန်ကြီးဌာနတို့ တွေ့ဆုံဆွေးနွေးပွဲပြုလုပ်ဖို့စီစဉ်လျက်ရှိကြောင်း သိရပါတယ်။တာချီလတ်အိမ်ခြံမြေဈေးကွက်အတွင်း မြို့တွင်းရပ်ကွက်တွေမှာ ဒေသသုံး ထိုင်းဘတ်သိန်း ၂၀မှ နေရာအလိုက် ထိုင်းဘတ်သိန်း၅၀ကျော်အထိ ဈေးနှုန်းတွေရှိကြောင်း ၊အခုအရောင်းအဝယ်ပြုလုပ်မှုတွေမှာ တိုးချဲ့ရပ်ကွက် ၊အရင်ကျေးရွာတွေ အတွင်း ဂရန် အမည်ပေါက်မဟုတ်ဘဲ ရပ်ကွက်အုပ်ချုပ်ရေးမှူးတွေရဲ့ပိုင်ဆိုင်ကြောင်းထောက်ခံချက်ဖြင့်သာအရောင်းအဝယ်ပြုလုပ်တာတွေရှိပြီး စာရွက်စာတမ်းအပြည့်အစုံ မဟုတ်သဖြင့် မြေကွက်တွေမှာ မြေယာအရှုပ်အရှင်းတွေဖြစ်ပေါ်လာနိုင်ကြောင်း အိမ်ခြံမြေဝန်ဆောင်မှု လုပ်ကိုင်သူတွေထံကသိရပါတယ် ။
Credit :The Kumudra
