စက်မှုဖွံ့ဖြိုးမှု အချက်အချာကျ ဒေသတွေရဲ့ စက်မှုဇုန်မြေဈေး ထိန်းနိုင်ဖို့လို

စက်မှုလုပ်ငန်းမူဝါဒမှာ စက်မှုဖွံ့ဖြိုးမှု အချက်အချာကျဒေသတွေအဖြစ် သတ်မှတ်ထားတဲ့ တိုင်းဒေသကြီးတွေရဲ့ စက်မှုဇုန်မြေဈေးကွက်တွေကို ထိန်းသိမ်းနိုင်ဖို့လည်း လိုအပ်တယ်လို့ ကျွမ်းကျင်သူတချို့က ပြောပါတယ်။

ရန်ကုန် ၊ ပဲခူး ၊ မန္တလေး ၊ စစ်ကိုင်း စတဲ့နေရာတွေနဲ့ ဆက်စပ်ဒေသတွေကို စက်မှုဖွံ့ဖြိုးမှုအချက်အချာကျတဲ့နေရာတွေအဖြစ် ရွှေးချယ်ထားတာပါ။ စက်မှုဇုန်တွေရဲ့ မြေဈေးတွေမြင့်ပြီး တချို့က လုပ်ငန်းမလုပ်ဘဲ မြေကွက်တွေကို ကိုင်ထားတာတွေကြောင့် တကယ်လုပ်ငန်းလုပ်သူတွေနဲ့ ငှားရမ်းလုပ်ကိုင်သူတွေအတွက် အခက်အခဲတွေရှိနေခဲ့တာပါ။ အစိုးရသစ်လက်ထက်မှာ နိုင်ငံခြားရင်းနှီးမြှုပ်နှံမှုတွေ ဝင်လာနိုင်ဖို့ စက်မှုဇုန်တွေကို သတ်မှတ်ထားတဲ့အချက်တွေအတိုင်း သေချာစိစစ်ဖို့ လိုအပ်တယ်လို့ ကျွမ်းကျင်သူတချို့နဲ့ အကျိုးဆောင်တချို့ကပြောပါတယ်။

စီးပွားရေးလုပ်ငန်းရှင်တစ်ဦးဖြစ်တဲ့ ဦးညီလင်းက ‘ကြားတာကတော့ စက်မှုဇုန်တွေကို ပြန်စိစစ်မယ်တဲ့ ၊ အရင်အစိုးရလက်ထက်ကတည်းက စက်မှုဇုန်တွေမှာ လုပ်ငန်းမလုပ်တာတွေကို ပြန်သိမ်းမယ်သတ်မှတ်ထားပေမဲ့ ခုထိဘာမှမသေချာခဲ့ဘူး ၊ အဲဒီလိုသတ်မှတ်လိုက်တော့ စက်မှုဇုန်တွေမှာ ဘာဖြစ်လာသလဲဆိုတော့ ဂိုဒေါင်ဈေးကွက်ဖြစ်လာတယ်။ တကယ်လုပ်ငန်းလုပ်တဲ့သူမရှိဘူး’ လို့ပြောပါတယ်။

လက်ရှိမှာတော့ ကိုင်ထားကြပြီး လုပ်ငန်းမလုပ်တဲ့ စက်မှုဇုန်မြေကွက်တွေကို စိစစ်ပြီး သတ်မှတ်ချက်တွေတိုင်း လုပ်ဆောင်ပေးဖို့ သင့်ပြီလို့ သိရပါတယ် ။ လုပ်ငန်းရှင်တချို့နဲ့ အကျိုးဆောင်တချို့ကတော့ လုပ်ငန်းမလုပ်တဲ့မြေတွေကို ပြန်သိမ်းယူသင့်ပြီး တကယ်လုပ်ငန်းလုပ်ကိုင်မယ့် သူတွေကိုပဲ ချပေးသင့်တယ်လို့ ပြောကြပါတယ်။ ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းကလည်း ရန်ကုန်တိုင်းဒေသကြီးအတွင်းရှိ စက်မှုဇုန်တွေမှာ မြေတွေကို ကိုင်ထားကြပြီး လုပ်ငန်းတွေ မလုပ်နိုင်တာတွေက အဟန့်အတားအခက်အခဲဖြစ်စေတာတွေကြောင့် တိုင်းဒေသကြီးအတွင်းမှာ ရင်းနှီးမြှုပ်နှံမှုလုပ်မယ့် နိုင်ငံခြားရင်းနှီးမြှုပ်နှံမှုတွေ ဖိတ်ခေါ်တွေ့ဆုံဆွေးနွေးပြီး ဆောင်ရွက်ဖို့ရှိတယ်လို့ မီဒီယာတွေ့ဆုံပွဲတစ်ခုမှာ ပြောခဲ့ပါတယ်။

စက်မှုဇုန်တွေကို ပြန်လည်စိစစ်ပြီး စိုက်ပျိုးရေးဇုန် ၊ မွေးမြူရေးဇုန်တွေနဲ့ အခြေခံအဆောက်အအုံတွေကောင်းကောင်း ၊ နိုင်ငံခြားရင်းနှီးမြှုပ်နှံမှုတွေ အဆင်ပြေပြေဆောင်ရွက်လို့ရအောင်လည်း လုပ်ဆောင်ဖို့ရှိတယ်လို့ သိရပါတယ်။
ဝယ်ရောင်းအကျိုးဆောင်ဦးဝင်းနိုင်က ‘စက်မှုဇုန်မှာ ဝယ်ဖို့ထက် ငှားချင်တာတောင် ပေ ၄၀x ပေ ၆၀ ဆိုရင် ကျပ် ၅၀၀,၀၀၀ ဝန်းကျင်အထက်မှာရှိတယ်။ တချို့စက်မှုဇုန်တွေမှာဆိုလည်း နာမည်ခံပဲရှိတော့တယ်။ ဂိုထောင်တွေပဲများတယ်။ တချို့တွေက မြေဈေးတွေမတန်တဆ ဈေးတင်ထားတာကြောင့် အရောင်းအဝယ်သိပ်မရှိဘဲ အငှားလောက်ပဲရှိတယ်’ လို့ သိရပါတယ်။

ဈေးကွက်ကျမ်းကျင်သူတချို့ကတော့ အစိုးရက တိုက်ရိုက်ငှားရမ်းပြီး အပိုင်ရောင်းချတာမျိုးမဟုတ်ဘဲ နှစ်လတ်နှစ်ရှည်အဖြစ်ငှားရမ်းတာမျိုတွေ ပြုလုပ်ရင်လည်း မြေကစားသူတွေ ပျောက်သွားမှာဖြစ်တယ်လို့ ပြောပါတယ်။ စက်မှုဇုန်တွေကို အခြေခံအဆောက်အအုံ (infrastructure) ပြည့်စုံအောင်လုပ်ဆောင်ပြီး နိုင်ငံခြားရင်းနှီးမြှုပ်နှံမှုကောင်းတွေရအောင် ဆွဲဆောင်နိုင်တယ် ။ စက်မှုဖွံ့ဖြိုးအောင် စက်မှုဇုန်တွေချပေးပေမဲ့ ဈေးကစားသူတွေက ကြိုဝယ်လှောင်ရောင်းလုပ်နေတော့ ဈေးတက်တာဖြစ်တယ်။ စက်မှုဇုန်ဆိုပေမဲ့ မြေကွက်လွတ်တွေအများကြီးရှိနေတယ်။ စည်းကမ်းအတိုင်းမလုပ်လို့ ပေါ်နေတဲ့ ပြဿနာတွေပါလို့ သုံးသပ်ကြပါတယ်။

စီးပွားရေးနဲ့ ဥပဒေလမ်းညွန် ဦးတင်သန်းဦးက ‘ဆွစ်ဇာလန်မှာလုပ်သလို အသုံးမပြုရင် tax ပိုကောက် ၊ နောက်တစ်နှစ်မှ ထပ်အသုံးမပြုရင် tax နှစ်ဆကောက်တယ် ၊ အရင်ကလို လုပ်ငန်းမပြနိုင်ရင် မြေသိမ်းခံရမှာစိုးတာနဲ့ ဂိုဒေါင်တွေ ဆောက်ခွင့်ပြုံတင်တာမျိုးတွေ ခွင့်မပြုသင့်ဘူး’ လို့ပြောပါတယ်။

Credit: The Modern